ਰਣਵੀਰ ਮੁਤਾਬਕ ਭਾਵੇਂ ਉਨ੍ਹਾਂ ਦਾ ਰਿਸ਼ਤਾ ਫਿਲਮੀ ਪਰਿਵਾਰ ਨਾਲ ਹੈ ਪਰ ਉਨ੍ਹਾਂ ਨੂੰ ਬਾਲੀਵੁੱਡ 'ਚ ਬਾਹਰਲੇ ਵਿਅਕਤੀ ਦੇ ਰੂਪ 'ਚ ਹੀ ਐਂਟਰੀ ਮਿਲੀ। ਆਓ ਜਾਣਦੇ ਹਾਂ ਉਨ੍ਹਾਂ ਦੇ ਸੰਘਰਸ਼ਮਈ ਜੀਵਨ ਨਾਲ ਜੁੜੀਆਂ ਕੁਝ ਖਾਸ ਗੱਲਾਂ।
ਰਣਵੀਰ ਸੋਨਮ ਕਪੂਰ ਅਤੇ ਰੀਆ ਕਪੂਰ ਦੇ ਚਚੇਰੇ ਭਰਾ ਹਨ। ਰਣਵੀਰ ਅਤੇ ਅਨਿਲ ਕਪੂਰ ਨੇ ਫਿਲਮ 'ਦਿਲ ਧੜਕਨੇ ਦੋ' 'ਚ ਇਕੱਠੇ ਕੰਮ ਕੀਤਾ ਸੀ, ਜਿਸ 'ਚ ਦੋਹਾਂ ਨੇ ਪਿਓ-ਪੁੱਤ ਦੀ ਭੂਮਿਕਾ ਨਿਭਾਈ ਸੀ।
ਰਣਵੀ ਨੇ ਇੱਕ ਵਿਗਿਆਪਨ ਏਜੰਸੀ ਵਿੱਚ ਕੰਮ ਕੀਤਾ, ਉਸਨੇ O&M ਅਤੇ J. ਵਾਲਟਰ ਥਾਮਸਨ ਲਈ ਕਾਪੀਰਾਈਟਰ ਵਜੋਂ ਵੀ ਕੰਮ ਕੀਤਾ। ਇੰਨਾ ਹੀ ਨਹੀਂ ਬਾਲੀਵੁੱਡ 'ਚ ਹੀਰੋ ਬਣਨ ਤੋਂ ਪਹਿਲਾਂ ਉਹ ਅਸਿਸਟੈਂਟ ਡਾਇਰੈਕਟਰ ਦੇ ਅਹੁਦੇ 'ਤੇ ਵੀ ਰਹਿ ਚੁੱਕੇ ਹਨ।
ਰਣਵੀਰ ਸਿੰਘ ਨੇ ਆਪਣੇ ਸੰਘਰਸ਼ਮਈ ਜੀਵਨ ਬਾਰੇ ਕਈ ਗੱਲਾਂ ਦੱਸੀਆਂ ਸਨ, ਉਨ੍ਹਾਂ ਦੱਸਿਆ ਕਿ ਕਿਵੇਂ ਉਹ ਪ੍ਰੋਡਕਸ਼ਨ ਹਾਊਸ ਵਿੱਚ ਜਾ ਕੇ ਆਪਣਾ ਪੋਰਟਫੋਲੀਓ ਦਿੰਦੇ ਸਨ ਪਰ ਨਿਰਦੇਸ਼ਕ ਇਸਨੂੰ ਕੂੜੇਦਾਨ ਵਿੱਚ ਸੁੱਟ ਦਿੰਦੇ ਸਨ।
ਇਨ੍ਹਾਂ ਪੋਰਟਫੋਲੀਓ ਨੂੰ ਬਣਾਉਣ ਲਈ ਕਾਫੀ ਮਿਹਨਤ ਕਰਨੀ ਪੈਂਦੀ ਸੀ, ਪਰ ਇਸ ਦੇ ਬਾਵਜੂਦ ਕਿਤੇ ਵੀ ਕੰਮ ਨਹੀਂ ਮਿਲਿਆ। ਇੰਨਾ ਹੀ ਨਹੀਂ, ਇੱਕ ਇਵੈਂਟ ਵਿੱਚ ਰਣਵੀਰ ਨੇ ਦੱਸਿਆ ਕਿ 'ਉਹ ਕੰਮ ਦੀ ਭਾਲ ਵਿੱਚ ਰੈਸਟੋਰੈਂਟਾਂ ਅਤੇ ਨਾਈਟ ਕਲੱਬਾਂ ਵਿੱਚ ਫਿਲਮ ਨਿਰਮਾਤਾਵਾਂ ਦਾ ਪਿੱਛਾ ਕਰਦਾ ਸੀ
ਤਾਂ ਜੋ ਉਸ ਨੂੰ ਫਿਲਮਾਂ ਵਿੱਚ ਮੌਕਾ ਮਿਲ ਸਕੇ। ਇਸ ਤੋਂ ਇਲਾਵਾ ਉਹ ਲੋਕਾਂ ਦੇ ਫੋਨਾਂ ਤੋਂ ਨੰਬਰ ਚੋਰੀ ਕਰਦਾ ਸੀ, ਤਾਂ ਜੋ ਉਹ ਫਿਲਮ ਨਿਰਮਾਤਾਵਾਂ ਨੂੰ ਫੋਨ ਕਰ ਕੇ ਕਹਿ ਸਕੇ ਕਿ ਉਹ ਫਿਲਮਾਂ 'ਚ ਮੌਕਾ ਚਾਹੁੰਦਾ ਹੈ।
ਰਣਵੀਰ ਆਪਣੇ ਪੋਰਟਫੋਲੀਓ ਨੂੰ ਲੈ ਕੇ ਪ੍ਰੋਡਕਸ਼ਨ ਹਾਊਸ 'ਚ ਘੁੰਮਦੇ ਰਹਿੰਦੇ ਸਨ ਪਰ ਉਨ੍ਹਾਂ ਨੂੰ ਕਈ ਸਾਲਾਂ ਤੱਕ ਬ੍ਰੇਕ ਨਹੀਂ ਮਿਲੀ।