ਮੁੰਬਈ ਇੰਡੀਅਨਜ਼: ਸਭ ਤੋਂ ਪਹਿਲਾਂ ਏਸ਼ੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਇੰਡਸਟਰੀਜ਼ ਦੀ ਅਗਵਾਈ ਵਾਲੀ ਮੁੰਬਈ ਇੰਡੀਅਨਜ਼ ਦੀ ਗੱਲ ਕਰੀਏ। ਮੁੰਬਈ ਇੰਡੀਅਨਜ਼ ਦੀ ਬ੍ਰਾਂਡ ਵੈਲਿਊ 9,962 ਕਰੋੜ ਰੁਪਏ ਹੈ ਅਤੇ ਇਹ ਇਸ ਮਾਮਲੇ 'ਚ ਸਿਖਰ 'ਤੇ ਹੈ। ਦੂਜੇ ਪਾਸੇ ਜੇਕਰ ਰਿਲਾਇੰਸ ਦੀ ਗੱਲ ਕਰੀਏ ਤਾਂ ਇਹ ਦੇਸ਼ ਦੀ ਸਭ ਤੋਂ ਕੀਮਤੀ ਕੰਪਨੀ ਹੈ। ਇਸ ਦਾ ਬਾਜ਼ਾਰ ਪੂੰਜੀਕਰਣ 17.05 ਲੱਖ ਕਰੋੜ ਰੁਪਏ ਹੈ।
ਚੇਨਈ ਸੁਪਰ ਕਿੰਗਜ਼: ਇੰਡੀਆ ਸੀਮੈਂਟਸ ਦੀ ਅਗਵਾਈ ਵਾਲੀ ਚੇਨਈ ਸੁਪਰ ਕਿੰਗਜ਼ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਆਉਂਦੀ ਹੈ, ਜੋ ਆਈਪੀਐਲ 2023 ਦੀ ਜੇਤੂ ਬਣ ਚੁੱਕੀ ਹੈ ਅਤੇ ਪੰਜ ਵਾਰ ਦੀ ਚੈਂਪੀਅਨ ਹੈ। ਚੇਨਈ ਸੁਪਰ ਕਿੰਗਜ਼ ਦੀ ਬ੍ਰਾਂਡ ਵੈਲਿਊ 8,811 ਕਰੋੜ ਰੁਪਏ ਹੈ। ਇਸ ਦੇ ਮਾਲਕ 2008 ਤੋਂ ਇੰਡੀਆ ਸੀਮੈਂਟਸ ਐਨ ਸ੍ਰੀਨਿਵਾਸਨ ਹਨ।
ਕੋਲਕਾਤਾ ਨਾਈਟ ਰਾਈਡਰਜ਼: ਕੋਲਕਾਤਾ ਨਾਈਟ ਰਾਈਡਰਜ਼ ਦੀ ਬ੍ਰਾਂਡ ਵੈਲਿਊ 8,428 ਕਰੋੜ ਰੁਪਏ ਹੈ। ਇਸਦੀ ਮਲਕੀਅਤ ਰੈੱਡ ਚਿਲੀ ਐਂਟਰਟੇਨਮੈਂਟ ਹੈ। ਫਿਲਮ ਅਭਿਨੇਤਾ ਸ਼ਾਹਰੁਖ ਖਾਨ, ਅਦਾਕਾਰਾ ਜੂਹੀ ਚਾਵਲਾ ਅਤੇ ਜੈ ਮਹਿਤਾ ਦਾ ਪੈਸਾ ਇਸ ਵਿੱਚ ਸ਼ਾਮਲ ਹੈ।
ਸਨਰਾਈਜ਼ ਹੈਦਰਾਬਾਦ: ਸਨਰਾਈਜ਼ਰਸ ਹੈਦਰਾਬਾਦ ਦੀ ਬ੍ਰਾਂਡ ਵੈਲਿਊ 7,432 ਕਰੋੜ ਰੁਪਏ ਹੈ। ਇਸ ਆਈਪੀਐਲ ਟੀਮ ਦੀ ਮਾਲਕਣ ਸਨ ਟੀਵੀ ਨੈੱਟਵਰਕ ਹੈ ਅਤੇ ਸੀਈਓ ਕਾਵਿਆ ਮਾਰਨ ਹਨ, ਜੋ ਸਨ ਗਰੁੱਪ ਦੀ ਸੰਸਥਾਪਕ ਕਲਾਨਿਤੀ ਮਾਰਨ ਦੀ ਧੀ ਹੈ।
ਦਿੱਲੀ ਕੈਪੀਟਲਸ : ਦਿੱਲੀ ਕੈਪੀਟਲਸ ਦੀ ਬ੍ਰਾਂਡ ਵੈਲਿਊ 7,930 ਕਰੋੜ ਰੁਪਏ ਹੈ। ਇਸਦੀ ਮਲਕੀਅਤ ਸਮੂਹਿਕ ਤੌਰ 'ਤੇ GMR ਗਰੁੱਪ ਅਤੇ JSW ਗਰੁੱਪ ਨਾਲ ਹੈ। ਪਾਰਥ ਜਿੰਦਲ ਡੇਲਡੀ ਕੈਪੀਟਲ ਦੇ ਚੇਅਰਪਰਸਨ ਹਨ।
ਰਾਜਸਥਾਨ ਰਾਇਲਸ ਦੀ ਬ੍ਰਾਂਡ ਵੈਲਿਊ 7,662 ਕਰੋੜ ਰੁਪਏ ਹੈ। ਇਸ ਆਈਪੀਐਲ ਟੀਮ ਦੀ ਮਲਕੀਅਤ ਰਾਇਲ ਮਲਟੀਸਪੋਰਟ ਪ੍ਰਾ. ਲਿਮਿਟੇਡ ਅਤੇ ਟੀਮ ਦੇ ਮਾਲਕ ਮਨੋਜ ਬਡਾਲੇ ਅਤੇ ਲਚਲਾਨ ਮਰਡੋਕ ਹਨ।
ਪੰਜਾਬ ਕਿੰਗਜ਼: ਆਈਪੀਐਲ ਟੀਮ ਪੰਜਾਬ ਕਿੰਗਜ਼ ਦੀ ਬ੍ਰਾਂਡ ਵੈਲਿਊ ਦੀ ਗੱਲ ਕਰੀਏ ਤਾਂ ਇਹ 7,087 ਕਰੋੜ ਰੁਪਏ ਹੈ। ਇਸ ਦੇ ਮਾਲਕਾਂ ਵਿੱਚ ਮੋਹਿਤ ਬਰਮਨ, ਨੇਸ ਵਾਡੀਆ, ਅਭਿਨੇਤਰੀ ਪ੍ਰੀਤੀ ਜ਼ਿੰਟਾ ਅਤੇ ਕਰਨ ਪਾਲ ਸ਼ਾਮਲ ਹਨ।
ਲਖਨਊ ਸੁਪਰ ਜਾਇੰਟਸ ਦੀ ਬ੍ਰਾਂਡ ਵੈਲਿਊ 8,236 ਕਰੋੜ ਰੁਪਏ ਹੈ। ਟੀਮ ਆਰਪੀਐਸਜੀ ਵੈਂਚਰਸ ਲਿਮਟਿਡ ਦੀ ਮਲਕੀਅਤ ਹੈ, ਇੱਕ ਕੰਪਨੀ ਜਿਸ ਦੀ ਅਗਵਾਈ ਉਦਯੋਗਪਤੀ ਸੰਜੀਵ ਗੋਇਨਕਾ, ਆਰਪੀਐਸਜੀ ਸਮੂਹ ਦੇ ਮਾਲਕ ਹਨ।
ਗੁਜਰਾਤ ਟਾਇਟਨਸ ਦੀ ਬ੍ਰਾਂਡ ਵੈਲਿਊ 6,512 ਕਰੋੜ ਰੁਪਏ ਹੈ। ਇਸ ਟੀਮ ਦੀ ਅਗਵਾਈ ਸੀਵੀਸੀ ਕੈਪੀਟਲਜ਼ ਕਰ ਰਹੀ ਹੈ। ਇਹ ਸਟੀਵ ਕੋਲਟਸ ਅਤੇ ਡੋਨਾਲਡ ਮੈਕੇਂਜੀ ਦੀ ਮਲਕੀਅਤ ਹੈ।
ਰਾਇਲ ਚੈਲੇਂਜਰਸ ਬੰਗਲੌਰ ਰਾਇਲ ਚੈਲੇਂਜਰਸ ਬੰਗਲੌਰ ਦੀ ਬ੍ਰਾਂਡ ਵੈਲਿਊ 7,853 ਕਰੋੜ ਰੁਪਏ ਹੈ। ਇਸ ਦੇ ਮਾਲਕਾਂ ਦੀ ਗੱਲ ਕਰੀਏ ਤਾਂ ਇਹ ਯੂਨਾਈਟਿਡ ਸਪਿਰਿਟਸ ਲਿਮਟਿਡ ਦੀ ਮਲਕੀਅਤ ਹੈ।