ਰਾਏਬਰੇਲੀ ਦੇ ਹਾਕੀ ਸਟੇਡੀਅਮ ਦਾ ਨਾਂ ਭਾਰਤੀ ਟੀਮ ਦੀ ਸਟਾਰ ਹਾਕੀ ਖਿਡਾਰਨ ਰਾਣੀ ਰਾਮਪਾਲ ਦੇ ਨਾਂ 'ਤੇ ਰੱਖਿਆ ਗਿਆ ਹੈ।
ਰਾਣੀ ਰਾਮਪਾਲ ਇਹ ਉਪਲਬਧੀ ਹਾਸਲ ਕਰਨ ਵਾਲੀ ਭਾਰਤ ਦੀ ਪਹਿਲੀ ਮਹਿਲਾ ਖਿਡਾਰਨ ਬਣ ਗਈ ਹੈ।
MCF ਰਾਏਬਰੇਲੀ ਨੇ ਹਾਕੀ ਸਟੇਡੀਅਮ ਦਾ ਨਾਂ ਬਦਲ ਕੇ 'Rani's Girls Hockey Turf' ਰੱਖਿਆ ਹੈ।
ਰਾਣੀ ਨੇ ਇਸ ਸਟੇਡੀਅਮ ਨਾਲ ਜੁੜੀਆਂ ਤਸਵੀਰਾਂ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਸ਼ੇਅਰ ਕੀਤੀਆਂ ਹਨ।
ਤਸਵੀਰਾਂ 'ਚ ਰਣੀਆ ਖਿਡਾਰੀਆਂ ਨਾਲ ਗੱਲਬਾਤ ਕਰਦੇ ਹੋਏ ਅਤੇ ਸਟਾਫ ਮੈਂਬਰਾਂ ਨਾਲ ਸਟੇਡੀਅਮ ਦਾ ਉਦਘਾਟਨ ਕਰਦੇ ਨਜ਼ਰ ਆ ਰਹੇ ਹਨ।
ਹਾਕੀ ਖਿਡਾਰਨ ਰਾਣੀ ਨੇ ਕਿਹਾ ਮੇਰੇ ਲਈ ਮਾਣ ਅਤੇ ਭਾਵਨਾਤਮਕ ਪਲ ਹੈ।
ਮੈਂ ਪਹਿਲੀ ਮਹਿਲਾ ਹਾਕੀ ਖਿਡਾਰਨ ਬਣ ਗਈ ਹਾਂ, ਜਿਸ ਦਾ ਨਾਂ ਸਟੇਡੀਅਮ ਰੱਖਿਆ ਗਿਆ ਹੈ।- ਰਾਣੀ ਰਾਮਪਾਲ, ਹਾਕੀ ਖਿਡਾਰਨ
ਮੈਂ ਇਹ ਭਾਰਤੀ ਮਹਿਲਾ ਹਾਕੀ ਟੀਮ ਨੂੰ ਸਮਰਪਿਤ ਕਰਦੀ ਹਾਂ ਅਤੇ ਮੈਨੂੰ ਉਮੀਦ ਹੈ ਕਿ ਇਹ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰੇਗੀ।- ਰਾਣੀ ਰਾਮਪਾਲ
ਰਾਣੀ ਨੇ ਹਾਕੀ ਪ੍ਰੋ ਲੀਗ 2021-22 ਵਿੱਚ ਆਪਣੀ 250ਵੀਂ ਕੈਪ ਜਿੱਤੀ।
28 ਸਾਲਾ ਰਾਣੀ ਟੋਕੀਓ ਓਲੰਪਿਕ ਤੋਂ ਬਾਅਦ ਸੱਟਾਂ ਨਾਲ ਜੂਝ ਰਹੀ ਸੀ।
ਰਾਣੀ ਰਾਮਪਾਲ ਨੂੰ 2022 ਵਿਸ਼ਵ ਕੱਪ ਅਤੇ ਰਾਸ਼ਟਰਮੰਡਲ ਖੇਡਾਂ ਦੀ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ।
ਹੁਣ ਰਾਣੀ ਰਾਮਪਾਲ ਮੁੜ ਅੰਤਰਰਾਸ਼ਟਰੀ ਹਾਕੀ ਵਿੱਚ ਵਾਪਸੀ ਕਰ ਰਹੀ ਹੈ। ਉਸ ਨੂੰ 22 ਮੈਂਬਰੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ।