Australian Open ਦੇ ਫਾਈਨਲ ਮੈਚ ‘ਚ ਹਾਰੀ Sania Mirza, ਆਪਣੇ ਕਰੀਅਰ ਦੇ ਆਖਰੀ ਮੈਚ ਮਗਰੋਂ ਰੋਣ ਲੱਗੀ ਖਿਡਾਰਣ
ਆਸਟਰੇਲੀਅਨ ਓਪਨ ਦੇ ਮਿਕਸਡ ਡਬਲਜ਼ ਫਾਈਨਲ ਵਿੱਚ ਹਾਰਨ ਤੋਂ ਬਾਅਦ ਸਾਨੀਆ ਮਿਰਜ਼ਾ ਦਾ ਸ਼ਾਨਦਾਰ ਕਰੀਅਰ ਖ਼ਤਮ ਹੋ ਗਿਆ।
ਸਾਨੀਆ ਨੇ ਦੱਸਿਆ ਕਿ ਇਹ ਮੌਕਾ ਉਸ ਲਈ ਬਹੁਤ ਖਾਸ ਸੀ ਕਿਉਂਕਿ ਉਸ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ ਮੈਲਬੌਰਨ ਤੋਂ ਕੀਤੀ ਸੀ
ਸਾਨੀਆ ਨੇ ਪਹਿਲਾਂ ਹੀ ਐਲਾਨ ਕਰ ਦਿੱਤਾ ਸੀ ਕਿ ਆਸਟਰੇਲੀਆ ਓਪਨ ਉਸ ਦਾ ਆਖਰੀ ਟੂਰਨਾਮੈਂਟ ਹੋਵੇਗਾ।
ਮਹਿਲਾ ਡਬਲਜ਼ ਵਿੱਚ ਉਹ ਦੂਜੇ ਦੌਰ ਵਿੱਚ ਹੀ ਬਾਹਰ ਹੋ ਗਈ। ਮਿਕਸਡ ਡਬਲਜ਼ ਵਿੱਚ, ਉਹ ਰੋਹਨ ਬੋਪੰਨਾ ਨਾਲ ਖੇਡੀ ਅਤੇ ਫਾਈਨਲ ਵਿੱਚ ਪਹੁੰਚੀ।
ਹਾਲਾਂਕਿ ਫਾਈਨਲ ‘ਚ ਹਾਰ ਦੇ ਨਾਲ ਹੀ ਉਸ ਦਾ ਜਿੱਤ ਦੇ ਨਾਲ ਅਲਵਿਦਾ ਦਾ ਸੁਪਨਾ ਚਕਨਾਚੂਰ ਹੋ ਗਿਆ।
ਸਾਨੀਆ ਮਿਰਜ਼ਾ ਪਿਛਲੇ ਮੈਚ ਤੋਂ ਬਾਅਦ ਕਾਫੀ ਭਾਵੁਕ ਨਜ਼ਰ ਆਈ। ਜਦੋਂ ਉਹ ਬੋਲਣ ਆਈ ਤਾਂ ਉਸ ਦਾ ਗਲਾ ਭਰ ਗਿਆ ਸੀ
ਉਸ ਦੀਆਂ ਅੱਖਾਂ ਵਿਚ ਹੰਝੂ ਆ ਗਏ। ਇਸ ਮੌਕੇ ਸਾਨੀਆ ਮਿਰਜ਼ਾ ਨੇ ਕਿਹਾ, ‘ਮੇਰੇ ਪੇਸ਼ੇਵਰ ਕਰੀਅਰ ਦੀ ਸ਼ੁਰੂਆਤ ਮੈਲਬੌਰਨ ਤੋਂ ਹੀ ਹੋਈ ਸੀ।