ਬਿਗ-ਬਾਸ 13 ਦੇ ਵਿਨਰ ਅਤੇ ਟੀਵੀ ਐਕਟਰ ਸਿਧਾਰਥ ਸ਼ੁਕਲਾ ਦਾ ਅੰਤਿਮ ਸੰਸਕਾਰ ਅੱਜ ਮੁੰਬਈ ‘ਚ ਹੋਣ ਵਾਲਾ ਹੈ।ਸਿਧਾਰਥ ਦਾ ਦਿਹਾਂਤ ਵੀਰਵਾਰ ਨੂੰ ਹਾਰਟ ਅਟੈਕ ਕਾਰਨ ਹੋਇਆ ਸੀ।ਮੁੰਬਈ ਦੇ ਕੂਪਰ ਹਸਪਤਾਲ ‘ਚ ਉਨ੍ਹਾਂ ਦਾ ਪੋਸਟਮਾਰਟਮ ਕੀਤਾ ਗਿਆ ਹੈ, ਜਿਸ ਤੋਂ ਐਕਟਰ ਦੀ ਮੌਤ ਦਾ ਕਾਰਨ ਪਤਾ ਲਗਾਇਆ ਸਕਦਾ ਹੈ।ਅੱਜ ਸਿਧਾਰਥ ਦੇ ਪੋਸਟਮਾਰਟਮ ਦੀ ਰਿਪੋਰਟ ਵੀ ਕੂਪਰ ਹਸਪਤਾਲ ਜਾਰੀ ਕਰਨ ਵਾਲਾ ਹੈ।
ਸਿਧਾਰਥ ਦਾ ਪੋਸਟਮਾਰਟਮ 5 ਡਾਕਟਰਸ ਦੀ ਟੀਮ ਨੇ ਪੁਲਿਸ ਅਤੇ ਕੈਮਰਿਆਂ ਦੀ ਨਿਗਰਾਨੀ ‘ਚ ਕੀਤਾ ਹੈ।ਇੰਟਰਟੇਨਮੈਂਟ ਇੰਡਸਟਰੀ ‘ਚ ਸਿਧਾਰਥ ਸ਼ੁਕਲਾ ਨੇ ਅਚਾਨਕ ਜਾਣ ਤੋਂ ਬਾਅਦ ਸ਼ੋਕ ਦੀ ਲਹਿਰ ਦੌੜ ਗਈ ਹੈ।ਅੱਜ ਉਨਾਂ੍ਹ ਦੇ ਕਰੀਬੀ ਸਿਤਾਰੇ ਉਨਾਂ੍ਹ ਦੀ ਅੰਤਿਮ ਯਾਤਰਾ ‘ਚ ਸ਼ਾਮਲ ਹੋਣ ਵਾਲੇ ਹਨ।
