ਸੁਖਬੀਰ ਸਿੰਘ ਬਾਦਲ ਨੇ ਪੰਜਾਬ ਦੇ ਹੋਣਹਾਰ ਤੀਰਅੰਦਾਜ਼ ਆਦਿੱਤਿਆ ਚੌਧਰੀ ਨਾਲ ਫੋਨ ‘ਤੇ ਕੀਤੀ ਗਲਬਾਤ। ਪੋਲੈਂਡ ਵਿਖੇ ਹੋਈ ਵਿਸ਼ਵ ਤੀਰਅੰਦਾਜ਼ੀ ਚੈਂਪੀਅਨਸ਼ਿਪ ‘ਚ ਸੋਨ ਤਮਗਾ ਜਿੱਤਣ ‘ਤੇ ਉਸ ਨੂੰ ਵਧਾਈ ਦਿੱਤੀ।ਦੱਸ ਦੇਈਏ ਕਿ ਮਿਹਨਤ ‘ਤੇ ਲਗਨ ਨਾਲ ਕਿੱਕਰ ਖੇੜਾ (ਫਾਜ਼ਿਲਕਾ) ਦੇ ਇਸ ਨੌਜਵਾਨ ਨੇ ਪੰਜਾਬ ਦਾ ਸਿਰ ਸੰਸਾਰ ਭਰ ‘ਚ ਮਾਣ ਨਾਲ ਉੱਚਾ ਕੀਤਾ ਹੈ।
ਦੱਸਣਯੋਗ ਹੈ ਕਿ ਸੁਖਬੀਰ ਬਾਦਲ ਨੇ ਜੇਤੂ ਨਾਲ ਗਲਬਾਤ ਕਰਦੇ ਸਮੇਂ ਆਦਿੱਤਿਆ ਨਾਲ ਵਾਅਦਾ ਕੀਤਾ ਕਿ 2022 ‘ਚ ਸਾਡੀ ਸਰਕਾਰ ਆਉਣ ‘ਤੇ ਉਨਾਂ੍ਹ ਨੇ ਟੀਚਾ ਮਿੱਥਿਆ ਹੈ ਕਿ ਘੱਟੋ ਘੱਟ 50 ਬੱਚੇ ਇੰਡੀਅਨ ਟੀਮ ਉਲੰਪਿਕਸ ‘ਚ ਜਾਵੇ।ਉਨਾਂ੍ਹ ਨੇ ਵਧਾਈ ਦਿੰਦਿਆਂ ਇਹ ਵੀ ਕਿਹਾ ਕਿ ਜੇਕਰ ਕਦੇ ਮੇਰੇ ਗੇੜਾ ਉਸਦੇ ਪਿੰਡ ਵੱਲ ਵੱਜਦਾ ਹੈ ਤਾਂ ਉਹ ਉਸਨੂੰ ਉਸਦੇ ਘਰ ਮਿਲਣ ਵਾਸਤੇ ਜ਼ਰੂਰ ਆਉਣਗੇ।
