ਅੱਜ ਮੁਜ਼ੱਫਰਨਗਰ ‘ਚ ਕਿਸਾਨ ਮਹਾਪੰਚਾਇਤ ‘ਚ ਰਾਕੇਸ਼ ਟਿਕੈਤ ਨੇ ਕੇਂਦਰ ਸਰਕਾਰ ਦੀ ਤੁਲਨਾ ਤਾਲਿਬਾਨ ਨਾਲ ਕਰਦਿਆਂ ਕਿਹਾ ਪਰਦੇ ਪਿੱਛੇ ਸਰਕਾਰੀ ਤਾਲਿਬਾਨ ਹੈ।ਉਨਾਂ੍ਹ ਦਾ ਕਹਿਣਾ ਹੈ ਕਿ ਦੇਸ਼ ਦੀਆਂ ਸੰਸਥਾਵਾਂ ‘ਤੇ ਬੀਜੇਪੀ ਦਾ ਕਬਜ਼ਾ ਹੈ।ਰਾਕੇਸ਼ ਟਿਕੈਤ ਨੇ ਕਿਹਾ ਜੋ ਸਰਕਾਰ ਸਾਡੇ ਵਿਰੁੱਧ ਕੰਮ ਕਰੇਗੀ ਅਸੀਂ ਉਸਦੇ ਵਿਰੁੱਧ ਕੰਮ ਕਰਾਂਗੇ।ਰਾਜਨੀਤਿਕ ਪਾਰਟੀਆਂ ਦੇ ਬੈਨਟ ਪੋਸਟਰ ਲਗਾਉਣ ਦੇ ਸਵਾਲ ਚੁੱਕਣ ‘ਤੇ ਉਨ੍ਹਾਂ ਨੇ ਕਿਹਾ ਕਿ ਇੱਥੇ ਉਹ ਸਟੇਜ ‘ਤੇ ਨਹੀਂ ਆਏ।
ਜਦੋਂ ਕਿਇਹ ਵਿਰੋਧ ‘ਚ ਸੀ ਤਾਂ ਸਟੇਜ ‘ਤੇ ਆ ਕੇ ਬੈਠਦੇ ਸਨ ਅਤੇ ਕਹਿੰਦੇ ਸਨ ਕਿ ਇਹ ਸਰਕਾਰ ਬਹੁਤ ਖਰਾਬ ਹੈ।ਤੁਸੀਂ ਇਨ੍ਹਾਂ ਨੂੰ ਹਟਵਾਉ ਅਸੀਂ ਸਾਰੇ ਕੰਮ ਕਰਾਂਗੇ।ਅਸੀਂ ਸਰਕਾਰ ਹਟਵਾ ਦਿੱਤੀ ਅਤੇ ਇਹ ਘਰ ਜਾ ਬਹਿ ਗਏ।ਇਸ ਦੌਰਾਨ ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਬਨਾਰਸ ਵੀ ਜਾਵਾਂਗੇ।ਰਾਕੇਸ਼ ਟਿਕੈਤ ਨੇ ਕਿਸਾਨ ਮਹਾਪੰਚਾਇਤ ‘ਚ ਕਿਹਾ ਕਿ ਅਸੀਂ ਸੰਕਲਪ ਲੈਂਦੇ ਹਾਂ ਕਿ ਅਸੀਂ ਧਰਨਾ ਸਥਾਨ ਨੂੰ ਛੱਡਾਂਗੇ।ਭਲਾਂ ਹੀ ਉਥੇ ਸਾਡੀ ਕਬਰ ਕਿਉਂ ਨਾ ਬਣ ਜਾਵੇ।ਉਨਾਂ੍ਹ ਨੇ ਕਿਹਾ ਲੋੜ ਪੈਣ ‘ਤੇ ਅਸੀਂ ਆਪਣੀ ਜਾਨ ਵੀ ਦੇ ਦਿਆਂਗੇ, ਪਰ ਜਦੋਂ ਤਕ ਅਸੀਂ ਜਿੱਤ ਨਹੀਂ ਜਾਂਦੇ ਉਦੋਂ ਤਕ ਧਰਨਾ ਸਥਾਨ ਨਹੀਂ ਛੱਡਾਂਗੇ।
