ਏਅਰ ਇੰਡੀਆ 8 ਸਤੰਬਰ ਤੋਂ ਅੰਮ੍ਰਿਤਸਰ-ਰੋਮ ਵਿਚਾਲੇ ਹਫ਼ਤੇ ਵਿਚ ਇਕ ਉਡਾਣ ਦੁਬਾਰਾ ਸ਼ੁਰੂ ਹੋਵੇਗੀ। ਏਅਰ ਇੰਡੀਆ ਦੀ ਇਹ ਉਡਾਣ ਏਆਈ 123 ਹਰ ਬੁੱਧਵਾਰ ਸ਼ਾਮ 3:55 ਵਜੇ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਉਡਾਣ ਭਰੇਗੀ ਅਤੇ ਉਸੇ ਦਿਨ (ਸਥਾਨਕ ਸਮੇਂ) ਰਾਤ 8:20 ਵਜੇ ਰੋਮ ਹਵਾਈ ਅੱਡੇ ‘ਤੇ ਉਤਰੇਗੀ।
ਵਾਪਸੀ ਲਈ, ਉਹੀ ਉਡਾਣ ਨੰਬਰ 122 ਅਗਲੇ ਦਿਨ ਸ਼ਾਮ 7 ਵਜੇ (ਰੋਮ ਸਮੇਂ) ਰੋਮ ਹਵਾਈ ਅੱਡੇ ਤੋਂ ਉਡਾਣ ਭਰੇਗੀ ਅਤੇ ਸ਼ੁੱਕਰਵਾਰ ਨੂੰ ਸਵੇਰੇ 5:35 ਵਜੇ (ਭਾਰਤੀ ਸਮੇਂ) ਅੰਮ੍ਰਿਤਸਰ ਹਵਾਈ ਅੱਡੇ ‘ਤੇ ਉਤਰੇਗੀ। ਏਅਰ ਇੰਡੀਆ ਇਸ ਰੂਟ ਲਈ ਬੋਇੰਗ 787 ਡ੍ਰੀਮ ਲਾਈਨਰ ਜਹਾਜ਼ ਦੀ ਵਰਤੋਂ ਕਰੇਗੀ।
