ਕੰਗਣਾ ਰਣੌਤ ਦੇ ਟਵੀਟਰ ਬੰਦ ਹੋਣ ਤੋਂ ਬਾਅਦ ਹੁਣ ਉਹ ਫੇਸਬੁੱਕ ‘ਤੇ ਅਕਸਰ ਹੀ ਅਜਿਹੀਆਂ ਤਸਵੀਰਾਂ ਸਾਝੀਆਂ ਕਰਦੀ ਰਹਿੰਦੀ ਹੈ ਜਿਸ ਨਾਲ ਉਹ ਚਰਚਾ ਦੇ ਵਿੱਚ ਆ ਸਕੇ | ਬਾਲੀਵੁੱਡਲ ਦੀ ਮਸ਼ਹੂਰ ਅਦਾਕਾਰ ਯਾਮੀ ਗੌਤਮ ਨੇ ਕੁਝ ਦਿਨ ਪਹਿਲਾ ਹੀ ਫਿਲਮ ਉੜੀ ਦੇ ਨਿਰਦੇਸ਼ਕ ਆਦਿਤਿਆ ਧਾਰ ਨਾਲ ਵਿਆਹ ਕਰਵਾਇਆ ਹੈ ਜਿਸ ਦਾ ਪਤਾ ਲੱਗਣ ਤੋਂ ਬਾਅਦ ਹਰ ਕੋਈ ਹੈਰਾਨ ਹੈ। ਅਭਿਨੇਤਰੀ ਦਾ ਵਿਆਹ ਨਿੱਜੀ ਰਸਮਾਂ ਨਾਲ਼ ਹੋਇਆ , ਜਿਸ ਵਿਚ ਉਸ ਦੇ ਪਰਿਵਾਰਕ ਮੈਂਬਰਾਂ ਅਤੇ ਕੁਝ ਨਜ਼ਦੀਕੀ ਲੋਕ ਸ਼ਾਮਲ ਹੋਏ ਸਨ । ਯਾਮੀ ਨੇ ਆਪਣੇ ਵਿਆਹ ਦੀ ਖ਼ਬਰ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਅਤੇ ਵਿਸ਼ਵ ਨੂੰ ਦਿੱਤੀ। ਜਿਸ ਤੋਂ ਬਾਅਦ ਹਰ ਕੋਈ ਹੈਰਾਨ ਰਹਿ ਗਿਆ। ਹੁਣ ਅਦਾਕਾਰਾ ਆਪਣੇ ਵਿਆਹ ਦੀਆਂ ਤਸਵੀਰਾਂ ਇਕ-ਇਕ ਕਰਕੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੀ ਹੈ, ਜਿਸ’ ਤੇ ਉਸ ਨੂੰ ਵਧਾਈਆਂ ਮਿਲ ਰਹੀਆਂ ਹਨ। ਹਾਲ ਹੀ ਵਿੱਚ, ਕੰਗਨਾ ਰਣੌਤ ਨੇ ਵੀ ਯਾਮੀ ਗੌਤਮ ਨੂੰ ਉਸਦੇ ਵਿਆਹ ਲਈ ਵਧਾਈ ਦਿੱਤੀ ਹੈ ਪਰ, ਇਸ ਦੌਰਾਨ, ਯਾਮੀ ਗੌਤਮ ਦੀ ਵਿਆਹ ਤੋਂ ਪਹਿਲਾਂ ਦੀ ਫੋਟੋ ਨੂੰ ਲੈ ਕੇ ਵਿਵਾਦ ਖੜਾ ਹੋ ਗਿਆ ਹੈ ।
ਦਰਅਸਲ, ਅਭਿਨੇਤਰੀ ਨੇ ਆਪਣੇ ਵਿਆਹ ਤੋਂ ਪਹਿਲਾਂ ਦੀ ਰਸਮ ਦੀ ਇਕ ਫੋਟੋ ਸ਼ੇਅਰ ਕੀਤੀ ਸੀ । ਜਿਸ ਵਿੱਚ ਉਹ ਹੱਥਾਂ ਵਿੱਚ ਕਲੀਰੇ ਪਾ ਕੇ ਲਾਲ ਸਾੜੀ ਦੇ ਵਿੱਚ ਬੈਠੀ ਹੋਈ ਹੈ |ਅਭਿਨੇਤਰੀ ਦੀ ਇਸ ਫੋਟੋ ਨੂੰ ਕੰਗਣਾ ਰਣੌਤ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸਾਂਝਾ ਕਰ ਯਾਮੀ ਗੌਤਮ ਨੂੰ ਵਧਾਈ ਦਿੱਤੀ ਗਈ|ਕੰਗਨਾ ਨੇ ਲਿਖਿਆ- ‘ਹਿਮਾਚਲੀ ਬਰਾਤੀਆਂ ਸਭ ਤੋਂ ਖੂਬਸੂਰਤ ਹਨ, ਇਕ ਦੇਵੀ ਦੀ ਤਰ੍ਹਾਂ ਦੈਵੀ ਲੱਗ ਰਹੀਆਂ ਹਨ।’ ਵਿਕਰਾਂਤ ਮੈਸੀ ਨੇ ਵੀ ਇਸ ਫੋਟੋ ‘ਤੇ ਟਿੱਪਣੀ ਕੀਤੀ ਅਤੇ ਅਭਿਨੇਤਰੀ ਦੀ ਤੁਲਨਾ ਰਾਧੇ ਮਾਂ ਨਾਲ ਕੀਤੀ । ਵਿਕਰਾਂਤ ਮੈਸੇ ਨੇ ਟਿੱਪਣੀ ਵਿਚ ਲਿਖਿਆ- ‘ਸ਼ੁੱਧ ਅਤੇ ਰਾਧੇ ਮਾਂ ਵਰਗਾ।’
