ਰਾਕੇਸ਼ ਟਿਕੈਤ ਨੇ ਦੀਪ ਸਿੱਧੂ ਦੇ ਹੱਕ ‘ਚ ਦਿੱਤਾ ਵੱਡਾ ਬਿਆਨ

ਰਾਕੇਸ਼ ਟਿਕੈਤ ਅੱਜ ਮੋਹਾਲੀ ਦੇ ਸੋਹਾਣਾ ਗੁਰਦੁਆਰਾ ਸਾਹਿਬ ‘ਚ ਸ਼ਹੀਦ ਭਗਤ ਸਿੰਘ ਦੇ ਭਤੀਜੇ ਅਭੈ ਸਿੰਘ ਦੇ ਭੋਗ ਤੇ ਪਹੁੰਚੇ |ਇਸ ਮੌਕੇ ਉਨਾਂ ਵੱਲੋਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੇਂਦਰ ਸਰਕਾਰ ਤੇ ਨਿਸ਼ਾਨੇ ਸਾਧੇ ਗਏ ਅਤੇ ਨਾਲ ਹੀ ਉਨਾਂ 26 ਤਰੀਕ ਨੂੰ ਕਾਲਾ ਦਿਵਸ ਮਨਾਉਣ ਦੀ ਗੱਲ ਕਹੀ ਤੇ ਲੋਕਾਂ ਨੂੰ ਇਸ ਮੌਕੇ ਕਾਲੇ ਝੰਡੇ ਘਰਾਂ ‘ਚ ਲਾਉਣ ਲਈ ਅਪੀਲ ਵੀ ਕੀਤੀ |ਰਾਕੇਸ਼ ਟਿਕੈਤ ਵੱਲੋਂ ਦੀਪ ਸਿੱਧੂ ਨੂੰ ਬੇਕਸੂਰ ਕਿਹਾ ਗਿਆ| ਉਨਾਂ ਕਿਹਾ ਕਿ ਜੇਕਰ ਦੀਪ ਸਿੱਧੂ ਮੁੜ ਧਰਨੇ ‘ਚ ਆਉਂਦਾ ਹੈ ਤਾਂ ਸਾਨੂੰ ਕੋਈ ਇਤਰਾਜ ਨਹੀਂ ਕਿਉਕਿ ਲਾਲ ਕਿਲ੍ਹੇ ਤੇ ਕੋਈ ਉਨਾਂ ਨੂੰ ਬਹਿਕਾ ਕੇ ਲੈਕੇ ਗਿਆ  ਸੀ| ਇਸ ਮੌਕੇ ਰਾਕੇਸ਼ ਟਿਕੈਤ ਨੇ BJP ਸਰਕਾਰ ਤੇ ਨਿਸ਼ਾਨੇ ਸਾਧੇ ਕਿ ਉਹ ਕਿਸਾਨ ਅੰਦੋਲਨ ਨੂੰ ਕੋਰੋਨਾ ਮਹਾਮਾਰੀ ਦੇ ਫੈਲਣ ਦੇ ਨਾਂ ਤੇ ਬਦਨਾਮ ਨਾ ਕਰੇ | ਕਿਸਾਨ ਅੰਦੋਲਨ ਹੈ ਸ਼ਾਹੀਨ ਬਾਗ ਨਹੀ ਇਹ ਅੰਦੋਲਨ ਉਨਾਂ ਸਮਾਂ ਚੱਲਦਾ ਰਹੇਗਾ ਜਦੋਂ ਤੱਕ ਕੇਂਦਰ ਸਰਕਾਰ 3 ਖੇਤੀ ਕਾਨੂੰਨ ਰੱਦ ਨਹੀਂ ਕਰਦੀ | ਰਾਕੇਸ਼ ਟਿਕੈਤ ਨੇ ਕੇਂਦਰ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਹਰ ਮਹੀਨੇ 26 ਤਰੀਕ ਆਉਂਦੀ ਕਿਸਾਨ ਕਿਸੇ ਵੀ ਮਹੀਨੇ ਪਾਰਲੀਮੈਂਟ ਨੂੰ ਘੇਰ ਸਕਦੇ ਹਨ |