ਅੰਮਿ੍ਤਸਰ – ਬੀਤੇ 24 ਘੰਟਿਆਂ ਚ ਅੰਮਿ੍ਤਸਰ ‘ਚ ਦੂਜਾ ਕਤਲ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ 100 ਫੁੱਟ ਰੋਡ ਤੇ ਜਾਇਦਾਦ ਸੰਬੰਧੀ ਝਗੜੇ ਨੂੰ ਲੈ ਕੇ ਕੌਂਸਲਰ ਪੁੱਤਰ ਅਤੇ ਸਿਆਸੀ ਆਗੂ ਵੱਲੋਂ ਗੋਲੀ ਸਵੇਰੇ ਤੜਕਸਾਰ ਘਨੂੰਪੁਰ ਕਾਲੇ ਵਿਖੇ ਗੁਰਦੁਆਰਾ ਚ ਨਤਮਸਤਕ ਹੋਣ ਜਾ ਰਹੇ ਨੌਜਵਾਨ ਤੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿਤਾ ਗਿਆ ਹੈ ।ਇਹ ਨੌਜੁਆਨ ਦੁਬਈ ਤੋਂ ਦੱਸਿਆ ਜਾ ਰਿਹਾ ਹੈ,ਜੋ ਹਫਤੇ ਪਹਿਲਾਂ ਹੀ ਪੰਜਾਬ ਆਇਆ ਸੀ ।ਦੂਜੇ ਗਵਾਲ ਮੰਡੀ ਚੌਕ ਨਜ਼ਦੀਕ ਇਕ ਘਰ ਚ ਲੁੱਟ ਦੀ ਨੀਅਤ ਨਾਲ ਆਏ ਲੁਟੇਰਿਆਂ ਵੱਲੋਂ ਇਕ ਔਰਤ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ।
ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਮਿ੍ਤਕ ਦੇ ਰਿਸ਼ਤੇਦਾਰਾਂ ਦਾ ਕਹਿਣਾ ਹੈ ਕਿ ਔਰਤ ਦੀ ਘਰ ਦੇ ਵਿੱਚ ਹੀ ਕਰਿਆਨਾ ਦੀ ਦੁਕਾਨ ਹੈ ,ਜਦੋਂ ਸਵੇਰੇ ਦੁਕਾਨ ਨਾ ਖੁੱਲੀ ਤਾਂ ਇਲਾਕਾ ਵਾਸੀਆਂ ਨੇ ਉਨਾਂ ਨੂੰ ਫੋਨ ਕਰਕੇ ਸੂਚਿਤ ਕੀਤਾ ਜਦੋਂ ਉਹ ਮੌਕੇ ਤੇ ਪਹੁੰਚੇ ਤਾਂ ਦੇਖਿਆਂ ਤਾਂ ਔਰਤ ਦੁਕਾਨ ਚ ਡਿੱਗੀ ਪਈ ਸੀ ਤੇ ਮੌਤ ਹੋ ਚੁੱਕੀ ਸੀ ।
ਉਪਰੰਤ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਪਰ ਇਥੇ ਪੁਲਿਸ ਪ੍ਰਸ਼ਾਸਨ ਤੇ ਵੀ ਲੋਕ ਸਵਾਲ ਉਠਾ ਰਹੇ ਹਨ ਕਿ ਸ਼ਹਿਰ ਚ ਦਿਨ-ਦਿਹਾੜੇ ਇਵੇ ਕਤਲ ਹੋ ਰਹੇ ਹਨ ,ਜਿਵੇ ਇਹ ਲਵਾਰਾਸ ਸ਼ਹਿਰ ਛੱਡਿਆ ਹੋਵੇ । ਮਿਲੀ ਜਾਣਕਾਰੀ ਮੁਤਾਬਕ ਲੁਟੇਰੇ ਲੁੱਟ ਦੀ ਨੀਅਤ ਨਾਲ ਦਾਖਲ ਹੋਏ ਸਨ। ਪੁਲਿਸ ਪਾਰਟੀ ਨੇ ਮੌਕੇ ਦੀ ਸਥਿਤੀ ਦਾ ਜਾਇਜਾ ਲੈਦਿਆਂ ਸਪੱਸ਼ਟ ਕੀਤਾ ਕਿ ਦੋਸ਼ੀਆਂ ਦੀ ਭਾਲ ਲਈ ਸ਼ਹਿਰ ਚ ਨਾਕਾਬੰਦੀ ਕਰ ਦਿੱਤੀ ਹੈ ਤੇ ਸੀਸੀਟੀਵੀ ਕੈਮਰਿਆਂ ਨਾਲ ਜਲਦ ਹੀ ਮੁਲਜਮਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ
