ਪੰਜਾਬ ਕਾਂਗਰਸ ‘ਚ ਮਚੇ ਘਮਾਸਾਨ ਦੇ ਦੌਰਾਨ ਪਾਰਟੀ ਦੇ ਸੀਨੀਅਰ ਨੇਤਾ ਅਤੇ ਸਾਂਸਦ ਮਨੀਸ਼ ਤਿਵਾਰੀ ਦੀ ਵੀ ਐਂਟਰੀ ਹੋ ਗਈ ਹੈ।ਮਨੀਸ਼ ਤਿਵਾਰੀ ਨੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੱਧੂ ਦਾ ਇੱਕ ਵੀਡੀਓ ਟਵਿੱਟਰ ‘ਤੇ ਸ਼ੇਅਰ ਕਰਦੇ ਹੋਏ ਸਿਆਸੀ ਸ਼ਾਇਰੀ ਕੀਤੀ ਹੈ।ਸਿੱਧੂ ਦਾ ਇਹ ਵੀਡੀਓ ਅੰਮ੍ਰਿਤਸਰ ‘ਚ ਆਯੋਜਿਤ ਪ੍ਰੋਗਰਾਮ ਦੌਰਾਨ ਦਾ ਹੈ।ਇਸ ਪ੍ਰੋਗਰਾਮ ਦੇ ਸੰਬੋਧਨ ‘ਚ ਸਿੱਧੁ ਨੇ ਸਖਤ ਤੇਵਰ ਦਿਖਾਏ ਸਨ।ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਮਨੀਸ਼ ਤਿਵਾਰੀ ਨੇ ਲਿਖਿਆ ਹੈ,”ਅਸੀਂ ਆਹ ਵੀ ਭਰਦੇ ਹਾਂ ਤਾਂ ਬਦਨਾਮ ਹੋ ਜਾਂਦੇ ਹਾਂ, ਉਹ ਕਤਲ ਵੀ ਕਰਦੇ ਹਨ ਤਾਂ ਚਰਚਾ ਨਹੀਂ ਹੁੰਦੀ।
हम आह भी भरते हैं तो हो जाते हैं बदनाम, वो क़त्ल भी करते हैं तो चर्चा नहीं होती pic.twitter.com/Vln8sTrEoz
— Manish Tewari (@ManishTewari) August 28, 2021
ਉਨ੍ਹਾਂ ਦੇ ਇਸ ਟਵੀਟ ਤੋਂ ਬਾਅਦ ਕਈ ਤਰ੍ਹਾਂ ਦੀਆਂ ਸਿਆਸੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ।ਦਰਅਸਲ ਅੰਮ੍ਰਿਤਸਰ ‘ਚ ਸਿੱਧੂ ਨੇ ਹੁੰਕਾਰ ਭਰੀ ਕਿ ਮੈਂ ਪਾਰਟੀ ਹਾਈਕਮਾਨ ਨੂੰ ਕਿਹਾ ਹੈ ਕਿ ਜੇਕਰ ਮੈਂ ਪੰਜਾਬ ਦੀ ਜਨਤਾ ਅਤੇ ਪੰਜਾਬ ਮਾਡਲ ਦੀਆਂ ਉਮੀਦਾਂ ‘ਤੇ ਖਰਾ ਉਤਰਨ ‘ਚ ਸਫਲ ਰਿਹਾ ਤਾਂ ਦੋ ਦਹਾਕਿਆਂ ਤਕ ਕਾਂਗਰਸ ਨੂੰ ਪਿਕਚਰ ਤੋਂ ਬਾਹਰ ਨਹੀਂ ਹੋਣ ਦਿਆਂਗਾ।ਉਨ੍ਹਾਂ ਨੇ ਨਾਲ ਹੀ ਇਹ ਵੀ ਕਿਹਾ ਕਿ ਜੇਕਰ ਉਨ੍ਹਾਂ ਨੇ ਫੈਸਲੇ ਲੈਣ ਦੀ ਖੁੱਲ ਨਹੀਂ ਦਿੱੱਤੀ ਗਈ ਤਾਂ ਉਹ ਇੱਟ ਨਾਲ ਇੱਟ ਖੜਕਾ ਦੇਣਗੇ।ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨੇ ਇਹ ਵੀ ਸਾਫ ਕਿਹਾ ਕਿ ਦਰਸ਼ਨੀ ਘੋੜਾ ਬਣਕੇ ਕੋਈ ਫਾਇਦਾ ਨਹੀਂ।ਉਨਾਂ੍ਹ ਦੇ ਇਸ ਬਿਆਨ ਤੋਂ ਬਾਅਦ ਚੰਡੀਗੜ੍ਹ ਤੋ ਦਿੱਲੀ ਤਕ ਸਿਆਸੀ ਹਲਚਲ ਵਧ ਗਈ ਹੈ।
