ਕੇਂਦਰੀ ਮੰਤਰੀ ਰਾਵਸਾਹਿਬ ਦਾਨਵੇ ਨੇ ਕਾਂਗਰਸ ਸੰਸਦ ਅਤੇ ਪਾਰਟੀ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਵਿਵਾਦਿਤ ਬਿਆਨ ਦਿੱਤਾ ਹੈ।ਦਾਨਵੇ ਨੇ ਕਿਹਾ ਕਿ ਰਾਹੁਲ ਗਾਂਧੀ ਕਿਸੇ ਕੰਮ ਦੇ ਨਹੀਂ ਹਨ।ਉਹ ਸੜਕਾਂ ‘ਤੇ ਅਵਾਰਾ ਘੁੰਮਣ ਵਾਲੇ ਬਲਦ ਵਾਂਗ ਹਨ ਦਾਨਵੇ ਦੇ ਇਸ ਬਿਆਨ ‘ਤੇ ਕਾਂਗਰਸ ਨੇ ਤਿੱਖਾ ਪਲਟਵਾਰ ਕੀਤਾ ਹੈ।ਕਾਂਗਰਸ ਨੇ ਪੀਐੱਮ ਮੋਦੀ ਤੋਂ ਉਨਾਂ੍ਹ ਨੂੰ ਤੁਰੰਤ ਕੇਂਦਰੀ ਮੰਤਰੀਮੰਡਲ ਤੋਂ ਹਟਾਉਣ ਦੀ ਮੰਗ ਕੀਤੀ ਹੈ।ਦਾਨਵੇ ਨੇ ਇਹ ਬਿਆਨ ਮਹਾਰਾਸ਼ਟਰ ਦੇ ਜਾਲਨਾ ਜ਼ਿਲੇ ‘ਚ ਨਵਨਿਯੁਕਤ ਵਿੱਤ ਰਾਜ ਮੰਤਰੀ ਡਾ. ਭਾਗਵਤ ਕਰਾਡ ਵਲੋਂ ਕੱਢੀ ਗਈ ਆਸ਼ੀਰਵਾਦ ਯਾਤਰਾ ਦੌਰਾਨ ਦਿੱਤਾ।
ਮਰਾਠੀ ਭਾਸ਼ਾ ‘ਚ ਬੋਲਦੇ ਹੋਏ ਦਾਨਵੇ ਨੇ ਕਿਹਾ ਕਿ ਰਾਹੁਲ ਗਾਂਧੀ ਕਿਸੇ ਕੰਮ ਦੇ ਨਹੀਂ ਹਨ।ਉਹ ਭਗਵਾਨ ਨੂੰ ਸਮਰਪਿਤ ਇੱਕ ਬਲਦ ਦੀ ਤਰ੍ਹਾਂ ਹੈ।ਉਹ ਹਰ ਥਾਂ ਘੁੰਮਦਾ ਰਹਿੰਦਾ ਹੈ, ਪਰ ਕਿਸੇ ਦੇ ਕੰਮ ਦਾ ਨਹੀਂ ਹੈ।ਕੇਂਦਰੀ ਰੇਲ ਸੂਬਾ ਮੰਤਰੀ ਇੱਥੇ ਹੀ ਨਹੀਂ ਰੁਕੇ।ਉਨਾਂ੍ਹ ਨੇ ਅੱਗੇ ਕਿਹਾ ਕਿ, ”ਅਜਿਹਾ ਬਲਦ ਭਾਵੇਂ ਹੀ ਕਿਸੇ ਖੇਤ ‘ਚ ਵੜ ਫਸਲ ਨੂੰ ਖਾ ਜਾਵੇ, ਪਰ ਕਿਸਾਨ ਇਹ ਕਹਿ ਕੇ ਜਾਨਵਰ ਨੂੰ ਮਾਫ਼ ਕਰ ਦਿੰਦਾ ਹੈ ਕਿ ਉਸ ਨੂੰ ਭੋਜਨ ਦੀ ਲੋੜ ਹੈ।” ਦਾਨਵੇ ਨੇ ਇਸ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਦੀ ਖੂਬ ਪ੍ਰਸ਼ੰਸਾ ਕੀਤੀ।ਉਨਾਂ੍ਹ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਵਲੋਂ ਕੀਤੇ ਜਾ ਰਹੇ ਕੰਮਾਂ ਨੂੰ ਦੇਖਣਾ ਚਾਹੀਦਾ।ਦੇਸ਼ ਨੂੰ ਵਧਾਉਣ ਲਈ ਸਰਕਾਰ ਆਪਣੇ ਖਜ਼ਾਨੇ ਤੋਂ ਪੈਸਾ ਖਰਚ ਕਰ ਰਹੀ ਹੈ।
