ਸ਼ਹਿਰ ਦੇ ਪੋਸ਼ ਇਲਾਕੇ ਹਰਿੰਦਰਾ ਨਗਰ ‘ਚ ਚੋਰਾਂ ਨੇ ਇੱਕ ਬੰਦ ਪਏ ਘਰ ਨੂੰ ਉਸ ਵੇਲੇ ਨਿਸ਼ਾਨਾ ਬਣਾਇਆ ਜਦ ਪੁਰਾ ਪਰਿਵਾਰ ਆਪਣੀ ਰਿਸ਼ਤੇਦਾਰੀ ‘ਚ ਕੁੱਜ ਦਿਨ ਰਹਿਣ ਲਈ ਗਿਆ ਸੀ।
ਜਦ ਇਹ ਪਰਿਵਾਰ ਘਰ ਵਾਪਿਸ ਆਇਆ ਤਾਂ ਉਸ ਵੇਲੇ ਤੱਕ ਚੋਰਾਂ ਨੇ ਘਰ ਚ ਪਏ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਨਕਦੀ ਲੈਕੇ ਰਫੂਚਕਰ ਹੋ ਗੁਏ।ਫਿਲਹਾਲ ਪੁਲਿਸ ਵੱਲੋਂ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ ਆਸਪਾਸ ਦੇ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਜਾ ਰਹੇ ਹਨ।
ਜਾਣਕਰੀ ਦਿੰਦੇ ਹੋਏ ਪਰਿਵਾਰਕ ਮੈਬਰਾਂ ਨੇ ਕਿਹਾ ਕਿ ਉਹ ਤਿੰਨ ਦਿਨ ਲਈ ਆਪਣੀ ਰਿਸ਼ਤੇਦਾਰੀ ‘ਚ ਮਿਲਣ ਗਏ ਹੋਏ ਸਨ ਕਿ ਪਿੱਛੋਂ ਚੋਰਾਂ ਵੱਲੋਂ ਉਸਦੇ ਘਰ ਦੀ ਖਿੜਕੀ ਤੋੜ ਅੰਦਰ ਦਾਖਲ ਹੋਕੇ ਲਾਕਰ ਵਿਚੋਂ ਕਰੀਬ 20 ਤੋਲੇ ਸੋਨਾ ਜਿਸਦੀ ਅੰਦਾਜ਼ਾ ਕੀਮਤ 12 ਲੱਖ ਰੁਪਏ ਹੈ ਅਤੇ ਕਰੀਬ 12000 ਰੁਪਏ ਨਕਦੀ ਚੋਰੀ ਕਰਕੇ ਲੈ ਗੁਏ।ਉਨ੍ਹਾਂ ਕਿਹਾ ਕਿ ਚੋਰਾਂ ਵੱਲੋਂ ਘਰ ਚ ਲੱਗੀ LED ਅਤੇ ਗੈਸ ਸਿਲੰਡਰ ਵੀ ਉਤਾਰ ਕੇ ਖਿੜਕੀ ਪਾਸ ਰਖਿਆ ਗਿਆ ਸੀ ਪਰ ਬਾਅਦ ਵਿਚ ਉਹ ਉਸ ਨੂੰ ਉਥੇ ਹੀ ਛੱਡ ਗਏ।
ਉਨ੍ਹਾਂ ਕਿਹਾ ਕਿ ਚੋਰਾਂ ਨੇ ਘਰ ਚ ਖੜੀ ਸਕੂਟਰੀ ਕੰਧ ਨਾਲ ਲਗਾ ਕੇ ਉਸ ਉਪਰ ਚੜ ਕੰਧ ਟੱਪ ਕੇ ਨਿਕਲੇ ਹਨ।ਉਨ੍ਹਾਂ ਕਿਹਾ ਕਿ ਗਲੀ ਚ ਲੱਗੇ ਇੱਕ ਘਰ ਚ ਕੈਮਰੇ ਚੈੱਕ ਕੀਤੇ ਪਰ ਕੁੱਜ ਜਿਆਦਾ ਪਤਾ ਨਹੀਂ ਲੱਗ ਸਕਿਆ।
ਇਸ ਮੌਕੇ ਜਾਂਚ ਅਧਿਕਾਰੀ ਸ਼ਵਿੰਦਰ ਸਿੰਘ ਨੇ ਕਿਹਾ ਕਿ ਸੁਰਜੀਤ ਸਿੰਘ ਵੱਲੋਂ ਸਾਨੂੰ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ ਜਿਸ ਸਬੰਧ ਚ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਜਿਸ ਸਬੰਧੀ ਪੜਤਾਲ ਜਾਰੀ ਹੈ।।
