ਨਵਜੋਤ ਸਿੱਧੂ ਦੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਬਣਦੇ ਸਾਰ ਹੀ ਕਈ ਟਕਸਾਲੀ ਕਾਂਗਰਸੀ ਆਮ ਆਦਮੀ ਪਾਰਟੀ ਦੇ ਵਿੱਚ ਸ਼ਾਮਿਲ ਹੋ ਗਏ |ਜਿਸ ਬਾਰੇ ਅੱਜ ‘ਆਪ’ ਨੇ ਪ੍ਰੈੱਸ ਕਾਨਫਰੰਸ ਕਰ ਜਾਣਕਾਰੀ ਦਿੱਤੀ ਕਿ ‘ਆਪ’ ‘ਚ, ਮੁਕਤਸਰ ਜਿਲੇ ਤੋਂ ਟਕਸਾਲੀ ਕਾਂਗਰਸੀ ਪਰਿਵਾਰ ਅਤੇ ਮੌਜੂਦਾ ਜਿਲਾ ਪ੍ਰਧਾਨ ਗੁਰਮੀਤ ਸਿੰਘ ਖੁੱਡੀਆਂ ਆਪ ਸ਼ਾਮਲ ਹੋਏ ਹਨ |ਗੁਰਮੀਤ ਖੁੱਡੀਆਂ ਮਰਹੂਮ ਐਮਪੀ ਜਗਦੇਵ ਸਿੰਘ ਖੁੱਡੀਆਂ ਦੇ ਪੋਤਰੇ ਹਨ |
ਆਮ ਆਦਮੀ ਪਾਰਟੀ ਦੇ ਵੱਲੋਂ ਕਾਂਗਰਸ ਤੇ ਨਿਸ਼ਾਨੇ ਸਾਧੇ ਗਏ ਕਿ ਕਾਂਗਰਸੀ ਸਾਂਸਦ 3, 4 ਜਾਨੇ ਕਿਸਾਨਾਂ ਦੇ ਹੱਕ ‘ਚ ਪੋਸਟਰ ਫੜਦੇ ਹਨ ਬਾਕੀ ਤਾਂ ਨਾਟਕ ਕਰਦੇ ਹਨ | ਭਗਵੰਤ ਮਾਨ ਨੇ ਰਾਹੁਲ ਗਾਂਧੀ ਤੇ ਨਿਸ਼ਾਨੇ ਸਾਧੇ ਕਿ ਜਿਸ ਨੂੰ ਟਰੈਕਟਰ ਨਹੀਂ ਚਲਾਉਣਾ ਆਉਂਦਾ ਉਹ ਦੇਸ਼ ਕਿਵੇਂ ਚਲਾਏਗਾ | ਅੱਜ ਪਾਰਲੀਮੈਂਟ ‘ਚ ਕਾਂਗਰਸੀ ਸਾਂਸਦਾ ਦੇ ਨਾਲ ਰਾਹੁਲ ਗਾਂਧੀ ਟਰੈਕਟਰ ‘ਤੇ ਕਿਸਾਨਾਂ ਦੇ ਹੱਕ ‘ਚ ਪੋਸਟਰ ਲੈ ਕੇ ਗਏ ਸੀ |
ਰਾਘਵ ਚੱਡੀ ਨੇ ਇਹ ਸਪੱਸ਼ਟ ਕੀਤਾ ਕਿ ਆਮ ਆਦਮੀ ਪਾਰਟੀ ਇਸ ਵਾਰ 2022 ਦੀਆਂ ਵਿਧਾਨ ਸਭਾ ਚੋਣਾ ਦੌਰਾਨ ਕਿਸੇ ਵੀ ਪਾਰਟੀ ਦੇ ਨਾਲ ਗਠਜੋੜ ਨਹੀਂ ਕਰੇਗੀ ਕੇਵਲ ਆਪਣੀ ਪਾਰਟੀ ਦੇ ਦਮ ‘ਤੇ ਚੋਣ ਲੜੇਗੀ |
