ਸ਼੍ਰੋਮਣੀ ਅਕਾਲੀ ਦਲ ਲੀਡਰ ਬਿਕਰਮ ਸਿੰਘ ਮਜੀਠੀਆ ਦਾ ਨਵਜੋਤ ਸਿੱਧੂ ਨੂੰ ਲੈ ਕੇ ਇਕ ਵੱਡਾ ਬਿਆਨ ਦੇਖਣ ਨੂੰ ਮਿਲਿਆ ਹੈ। ਮਜੀਠੀਆ ਨੇ ਕਿਹਾ ਕਿ ਜਿਸ ਤਰ੍ਹਾਂ ਨਵਜੋਤ ਸਿੱਧੂ ਅੱਜ ਕਲ ਝੂਠ ਬੋਲ ਰਹੇ ਹਨ ਉਨ੍ਹਾਂ ਨੇ ਝੂਠਿਆਂ ਦਾ ਬਾਦਸ਼ਾਹ ਬਣ ਕੇ ਰਹਿ ਜਾਣਾ ਹੈ।
ਬਿਕਰਮ ਮਜੀਠੀਆ ਅੱਜ ਹਲਕਾ ਈਸਟ ਦੀ ਇਕ ਮੰਡੀ ਵਿਖੇ ਪੁੱਜੇ ਅਤੇ ਉਥੇ ਦੇ ਹਲਾਤਾਂ ਨਾਲ ਲੋਕਾਂ ਨੂੰ ਰੂ-ਬ-ਰੂ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਇਕ ਹਫਤਾ ਹੋ ਗਿਆ ਬਾਰਿਸ਼ ਹੋਈ ਨੂੰ ਇਥੇ ਹਾਲੇ ਤੱਕ ਪਾਣੀ ਖੜ੍ਹਾ ਹੈ ਅਤੇ ਲੋਕਾਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸਿੱਧੂ ਦੇ ਪੰਜਾਬ ਮਾਡਲ ਨੂੰ ਖੋਖਲਾ ਮਾਡਲ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਜੇਕਰ ਇਸ ਮਾਡਲ ‘ਚ ਕੋਈ ਸਚਾਈ ਹੁੰਦੀ ਤਾਂ ਪਹਿਲਾਂ ਉਹ ਆਪਣਾ ਹਲਕਾ ਤਾਂ ਠੀਕ ਕਰ ਹੀ ਸਕਦੇ ਸੀ, ਕਿਉਂਕਿ ਹਲਕੇ ਦੇ ਤਾਂ ਕਰਤਾ-ਤਰਤਾ ਉਹ ਹੀ ਸਨ ਪਰ ਅਜਿਹਾ ਤਾਂ ਕੁਝ ਨਹੀਂ ਹੋਇਆ।
ਨਵਜੋਤ ਸਿੱਧੂ ‘ਤੇ ਤੰਜ ਕਸਦਿਆਂ ਉਨ੍ਹਾਂ ਕਿਹਾ ਕਿ ਕਿਸੇ ਦੇ ਸਮਝਾਏ ਤਾਂ ਇਸ ਨੇ ਸਮਝਣਾ ਨਹੀਂ ਹੁਣ ਤਾਂ ਪ੍ਰਮਾਤਮਾ ਹੀ ਇਸ ਨੂੰ ਦਾਤ ਬਖਸੇ ਕਿਉਂਕਿ ਜਿਸ ਤਰ੍ਹਾਂ ਇਹ ਝੂਠ ਬੋਲ ਰਿਹਾ ਹੈ ਮੈਨੂੰ ਲੱਗਦਾ ਨਵਜੋਤ ਸਿੱਧੂ ਨੇ ਝੂਠਿਆਂ ਦਾ ਬਾਦਸ਼ਾਹ ਬਣ ਕੇ ਰਹਿ ਜਾਣਾ ਹੈ ਕਿਉਂਕਿ ਇਹ ਜਿੱਥੇ ਜਾਂਦੇ ਹਨ ਉੱਥੇ ਰੱਜ ਕੇ ਝੂਠ ਬੋਲਦੇ ਹਨ।
