ਫ੍ਰੈਂਚ ਲੀਗ 1 ਕਲੱਬ ਪੈਰਿਸ ਸੇਂਟ-ਜਰਮਨ (ਪੀ.ਐਸ.ਜੀ.) ਫਾਰਵਰਡ ਲਿਓਨੇਲ ਮੈਸੀ ਸਮੇਤ ਚਾਰ ਖਿਡਾਰੀਆਂ ਦਾ ਕੋਰੋਨਾ ਟੈਸਟ ਐਤਵਾਰ ਨੂੰ ਪਾਜ਼ੇਟਿਵ ਆਇਆ। ਅਰਜਨਟੀਨਾ ਦਾ ਅੰਤਰਰਾਸ਼ਟਰੀ ਮੈਸੀ ਅਗਸਤ ਵਿੱਚ ਬਾਰਸੀਲੋਨਾ ਤੋਂ ਪੀ.ਐਸ.ਜੀ. ਵਿੱਚ ਸ਼ਾਮਲ ਹੋਇਆ ਸੀ ਅਤੇ 34 ਸਾਲਾ ਖਿਡਾਰੀ ਨੇ ਪੈਰਿਸ ਲਈ ਹੁਣ ਤੱਕ 16 ਮੈਚਾਂ ਵਿੱਚ ਛੇ ਗੋਲ ਕੀਤੇ ਹਨ।
ਮੈਸੀ ਤੋਂ ਇਲਾਵਾ ਡਿਫੈਂਡਰ ਜੁਆਨ ਬਰਨਾਟ, ਬੈਕ-ਅੱਪ ਗੋਲਕੀਪਰ ਸਰਜੀਓ ਰੀਕੋ ਅਤੇ ਮਿਡਫੀਲਡਰ ਨਾਥਨ ਬਿਟੁਮਜਾਲਾ ਦਾ ਕੋਵਿਡ ਟੈਸਟ ਵੀ ਪਾਜ਼ੇਟਿਵ ਆਇਆ ਹੈ। ਪੀ.ਐਸ.ਜੀ. ਨੇ ਇੱਕ ਅਧਿਕਾਰਤ ਬਿਆਨ ਵਿੱਚ ਕਿਹਾ ਕਿ ਚਾਰੇ ਖਿਡਾਰੀ ਫਿਲਹਾਲ ਆਈਸੋਲੇਸ਼ਨ ਵਿੱਚ ਹਨ ਅਤੇ ਸਾਰਿਆਂ ਦੀ ਸਿਹਤ ਪ੍ਰੋਟੋਕੋਲ ਦਾ ਧਿਆਨ ਰੱਖਿਆ ਜਾ ਰਿਹਾ ਹੈ।
