ਬੀਤੀ ਰਾਤ ਮਸ਼ਹੂਰ ਪੰਜਾਬੀ ਗਾਇਕ ਦਿਲਜਾਨ ਦੀ ਇਕ ਸੜਕ ਹਾਦਸੇ ‘ਚ ਮੌਤ ਹੋ ਗਈ ਹੈ। ਉਹ ਕਿਸੇ ਨਵੇਂ ਆ ਰਹੇ ਗੀਤ ਦੇ ਰੁਝੇਵੇਂ ਕਾਰਨ ਅੰਮ੍ਰਿਤਸਰ ਤੋਂ ਆਪਣੇ ਘਰ ਕਰਤਾਰਪੁਰ ਆ ਰਹੇ ਸਨ। ਹਾਦਸਾ ਅੰਮ੍ਰਿਤਸਰ ਨੇੜੇ ਜੰਡਿਆਲਾ ਗੁਰੂ ਵਿਖੇ ਵਾਪਰਿਆ ਹੈ।
ਮਿਲੀ ਜਾਣਕਾਰੀ ਮੁਤਾਬਿਕ ਉਹਨਾਂ ਦੀ ਕਾਰ ਕਿਸੇ ਟਰਾਲੇ ਦੇ ਪਿਛਲੇ ਪਾਸੇ ਵੱਜੀ ਹੈ। ਟੱਕਰ ਐਨੀ ਜ਼ਬਰਦਸਤ ਸੀ ਕਿ ਦਿਲਜਾਨ ਨੇ ਮੌਕੇ ‘ਤੇ ਹੀ ਦਮ ਤੋੜ ਦਿਤਾ। ਕਾਰ ਦੇ ਵੀ ਪਰਖੱਚੇ ਉੱਡ ਗਏ। ਪੁਲਿਸ ਦੀ ਕਹਿਣਾ ਹੈ ਕਿ ਉਹਨਾਂ ਨੂੰ ਟੱਕਰ ਵੱਜੀ ਕਾਰ ਹੀ ਮਿਲੀ ਹੈ। ਕਿਸੇ ਤਰਾਂ ਦੇ ਟਰੱਕ ਜਾ ਟਰਾਲੇ ਦਾ ਪਤਾ ਨਹੀਂ ਲੱਗ ਸਕਿਆ।
ਇਸ ਘਟਨਾ ਨਾਲ ਸੰਗੀਤਕ ਦੁਨੀਆ ਅੰਦਰ ਸੋਗ ਦੀ ਲਹਿਰ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਸਰਦੂਲ ਸਿਕੰਦਰ ਅਤੇ ਬੀ ਐੱਸ ਨਾਰੰਗ ਵੀ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਏ ਸਨ। ਹੁਣ ਦਿਲਜਾਨ ਦੀ ਅਚਾਨਕ ਮੌਤ ਨੇ ਫਿਰ ਤੋਂ ਸਭ ਨੂੰ ਝਿੰਜੋੜ ਦਿੱਤਾ ਹੈ।
