ਪੰਜਾਬ ‘ਚ ਆਮ ਆਦਮੀ ਪਾਰਟੀ ਦੇ ਨੇਤਾ ਨੇ ਸਹਾਇਕ ਸਬ-ਇੰਸਪੈਕਟਰ ਦੇ ਬਦਲੇ 15 ਹਜ਼ਾਰ ਦੀ ਰਿਸ਼ਵਤ ਮੰਗੀ।ਇਸਦੀ ਕਾਲ ਰਿਕਾਰਡਿੰਗ ਵਾਇਰਲ ਹੋ ਗਈ।ਜਿਸ ਤੋਂ ਬਾਅਦ ਨੇਤਾ ਨੂੰ ਪਾਰਟੀ ਤੋਂ ਬਰਖ਼ਾਸਤ ਕਰ ਦਿੱਤਾ ਗਿਆ।ਮਾਮਲਾ ਬਠਿੰਡਾ ਜ਼ਿਲ੍ਹੇ ਦਾ ਹੈ।
ਹਾਲਾਂਕਿ ਇਸ ਸਬੰਧ ‘ਚ ਪਾਰਟੀ ਵਲੋਂ ਮੁਲਜ਼ਮ ਆਗੂ ਦੇ ਵਿਰੁੱਧ ਕੋਈ ਕਾਨੂੰਨੀ ਕਾਰਵਾਈ ਨਹੀਂ ਕਰਵਾਈ ਗਈ।ਕਾਲ ਰਿਕਾਰਡਿੰਗ ‘ਚ ਬਠਿੰਡਾ ਦੇ ਗੋਨੇਆਣਾ ਦੇ ਆਮ ਆਦਮੀ ਪਾਰਟੀ ਦੇ ਐੱਸਸੀ ਵਿੰਗ ਦੇ ਕੋ-ਬਲਾਕ ਇੰਚਾਰਜ ਗੁਰਪ੍ਰੀਤ ਸਿੰਘ ਕਿਸੇ ਨਾਲ ਗੱਲ ਕਰ ਰਹੇ ਹਨ।
ਸਾਹਮਣੇ ਵਾਲਾ ਵਿਅਕਤੀ ਕਹਿੰਦਾ ਹੈ ਕਿ ਏਐਸਆਈ ਕਰ ਰਿਹਾ ਹੈ ਕਿ ਪਹਿਲਾਂ ਦੇਣ ਦੇ ਲਈ ਉਸਦੇ ਪਾਸ ਕੋਲ ਕੁਝ ਨਹੀਂ ਹੈ, ਬਾਅਦ ‘ਚ ਜਿਵੇਂ ਮਰਜ਼ੀ ਕਰ ਲੈਣਾ।ਆਪ ਆਗੂ ਨੇ ਕਿਹਾ ਕਿ ਪੀਏ ਨੂੰ ਵੀ ਕੁਝ ਦੇਣਾ ਪਵੇਗਾ।ਇਹ ਗੋਨੇਆਣਾ ਪੁਲਿਸ ਚੌਕੀ ਤੋਂ ਕਿੱਲੀ ਨਿਹਾਲ ਸਿੰਘ ਵਾਲਾ ਚੌਕੀ ‘ਚ ਏਐੱਸਆਈ ਦੇ ਤਬਾਦਲੇ ਦੀ ਗੱਲ ਹੋ ਰਹੀ ਸੀ।
30 ਹਜ਼ਾਰ ‘ਚ ਗੱਲ ਕਰਨ ਨੂੰ ਕਿਹਾ
ਫੋਨ ‘ਤੇ ਸ਼ਖਸ਼ ਨੇ ਆਪ ਆਗੂ ਨੂੰ ਪੁੱਛਿਆ ਕਿ ਕਿੰਨੇ ਰੁਪਏ ‘ਚ ਗੱਲ ਕਰੋ।ਇਸ ‘ਤੇ ਆਪ ਆਗੂ ਨੇ ਕਿਹਾ ਕਿ 10-15 ਹਜ਼ਾਰ ਰੁਪਏ ਪੀਏ ਨੂੰ ਦੇਣਗੇ।ਜਿਸ ‘ਤੇ ਸ਼ਖਸ਼ ਨੇ ਕਿਹਾ ਕਿ ਉਹ 30 ਹਜ਼ਾਰ ‘ਚ ਗੱਲ ਕਰ ਲੈਂਦਾ ਹੈ।ਆਪ ਨੇਤਾ ਨੇ ਕਿਹਾ ਕਿ ਜਲਦੀ ਗੱਲ ਕਰ ਲਓ।
ਮੈਨੂੰ ਵੀ ਪੈਸਿਆਂ ਦੀ ਲੋੜ ਹੈ।
ਇਸ ਮਾਮਲੇ ‘ਚ ਆਪ ਵਿਧਾਇਕ ਮਾਸਟਰ ਜਗਸੀਰ ਸਿੰਘ ਨੇ ਕਿਹਾ ਕਿ ਪਾਰਟੀ ਵਿਰੋਧੀ ਗਤੀਵਿਧੀਆਂ ਦੇ ਚਲਦਿਆਂ ਗੁਰਪ੍ਰੀਤ ਸਿੰਘ ਨੂੰ ਬਰਖ਼ਾਸਤ ਕਰ ਦਿੱਤਾ ਗਿਆ ਹੈ।ਉਸਨੇ ਕਿਸੇ ਥਾਣੇਦਾਰ ਦੀ ਬਦਲੀ ਦਾ ਭਰੋਸਾ ਦਿੱਤਾ ਹੈ।ਜਿਸਦੇ ਬਦਲੇ ਰਿਸ਼ਵਤ ਮੰਗੀ ਗਈ।ਜਿਸਦੀ ਕਾਲ ਰਿਕਾਰਡਿੰਗ ਸਾਹਮਣੇ ਆਈ ਹੈ।
