ਪੰਜਾਬੀ ਸਿੰਗਰ ਸਿੱਧੂ ਮੂਸੇਵਾਲਾ ਦੇ ਹੱਤਿਆਕਾਂਡ ‘ਚ ਨਵਾਂ ਖੁਲਾਸਾ ਹੋਈਆ ਹੈ। ਮੂਸੇਵਾਲਾ ਕਤਲ ਕਾਂਡ ਤੋਂ ਬਾਅਦ ਪੰਜਾਬ ਪੁਲਿਸ ਤੇ ਦਿੱਲੀ ਪੁਲਿਸ ਵੱਲੋਂ ਸਿੱਧੂ ਦੇ ਕਈ ਕਾਤਲਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਤੇ ਦੋ ਗੈਂਗਸਟਰਾਂ ਦਾ ਐਂਕਾਉਟਰ ਵੀ ਕੀਤਾ ਗਿਆ ਹੈ। ਇਸੇ ਵਿਚਾਲੇ ਸਿੱਧੂ ਦੇ ਕਾਤਲਾਂ ‘ਚੋਂ ਇਕ ਮਨੀ ਰਈਆ ਨੇ ਫੇਸਬੁੱਕ ‘ਤੇ ਪੋਸਟ ਸ਼ੇਅਰ ਕਰਦਿਆਂ ਲਿਖਿਆ ਹੈ ਕਿ “ਅਸੀਂ ਅਜੇ ਜਿੰਦਾ ਹਾਂ” ਇਸ ਦੇ ਨਾਲ ਹੀ ਉਸ ਨੇ ਲਿਖਿਆ ਕਿ ਜੰਗ ਸਿਰਫ ਜਿੱਤਣ ਲਈ ਨਹੀਂ ਲੜੀ ਜਾਂਦੀ। ਇਸ ਲਈ ਵੀ ਲੜੀ ਜਾਂਦੀ ਹੈ ਕਿ ਅਸੀਂ ਜਿਉਂਦੇ ਹਾਂ। ਜੋ ਕਿ ਪੁਲਿਸ ਤੇ ਪ੍ਰਸ਼ਾਸ਼ਨ ਨੂੰ ਸਾਫ ਤੌਰ ‘ਤੇ ਇਕ ਚੈਲੇਂਜ ਹੈ ਕਿ ਪੁਲਿਸ ਹਾਲੇ ਤੱਕ ਸਾਡੇ ਤਕ ਨਹੀਂ ਪਹੁੰਚ ਸਕੀ ਹੈ।
ਦੱਸ ਦੇਈਏ ਕਿ ਸਿੱਧੂ ਮੂਸੇਵਾਲ ਕਤਲ ਮਾਮਲੇ ‘ਚ ਪੁਲਿਸ ਦੀਪਕ ਮੁੰਡੀ, ਮਨੀ ਰਈਆ ਤੇ ਸੰਦੀਪ ਤੁਫਾਨ ਨੂੰ ਫੜਣ ਲਈ ਲਗਾਤਾਰ ਛਾਪੇਮਾਰੀ ਕਰ ਰਹੀ ਹੈ ਪਰ ਇਹ ਹਾਲੇ ਪਕੜ ਤੋਂ ਬਾਹਰ ਹਨ। ਜਾਣਕਾਰੀ ਮੁਤਾਬਕ ਮੰਨੀ ਰਈਆ ਤੇ ਸੰਦੀਪ ਤੁਫਾਰ ਵੱਲੋਂ ਸਿੱਧੂ ਮੂਸੇਵਾਲਾ ਦੀ ਰੈਕੀ ਕੀਤੀ ਗਈ ਸੀ। ਕੋਰੋਲਾ ਗੱਡੀ ‘ਚ ਮੰਨੂ ਤੇ ਰੂਪਾ ਦੇ ਨਾਲ ਇਹ ਦੋਨੋਂ ਸਵਾਰ ਸੀ ਤੇ ਮੂਸੇਵਾਲਾ ਨੂੰ ਮਾਰਨ ਲਈ ਸੰਦੀਪ ਨੇ ਸਤਬੀਰ ਦੀ ਫਾਰਚੂਨਰ ‘ਚ ਹਥਿਆਰ ਦੇ ਕੇ ਇਨ੍ਹਾਂ ਨੂੰ ਭੇਜਿਆ ਸੀ। ਇਹ ਦੋਨੋਂ ਜੱਗੂ ਭਗਵਾਨਪੁਰੀਆ ਦੇ ਖਾਸ ਦੱਸੇ ਜਾ ਰਹੇ ਹਨ।
