ਰਵਨੀਤ ਬਿੱਟੂ ਤੇ ਹਰਸਿਮਰਤ ਬਾਦਲ ਦੀ ਸੰਸਦ ਦੇ ਬਾਹਰ ਤਿੱਖੀ ਬਹਿਸ, ਇੱਕ ਦੂਜੇ ‘ਤੇ ਲਾਏ ਦੋਸ਼

ਸ਼੍ਰੋਮਣੀ ਅਕਾਲੀ ਦਲ ਦੀ ਸੰਸਦ ਮੈਂਬਰ ਤੇ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਤੇ ਕਾਂਗਰਸੀ ਸਾਂਸਦ ਰਵਨੀਤ ਸਿੰਘ ਬਿੱਟੂ ਸੰਸਦ ਦੇ ਬਾਹਰ ਆਪਸ ਵਿਚ ਉਲਝ ਗਏ। ਜਿੱਥੇ ਦੋਵਾਂ ਵਿਚਕਾਰ ਤਿੱਖੀ ਬਹਿਸ ਹੋਈ |ਇਸ ਦੌਰਾਨ ਦੋਵਾਂ ਨੇ ਇਕ ਦੂਜੇ ਉਤੇ ਦੋਸ਼ ਲਗਾਏ | ਰਵਨੀਤ ਬਿੱਟੂ ਆਖ ਰਹੇ ਸਨ ਕਿ ਸੰਸਦ ਵਿਚ ਕਾਨੂੰਨ ਪਾਸ ਕਰਵਾਉਣ ਵਾਲੇ ਇਹੀ ਹਰਸਿਮਰਤ ਬਾਦਲ ਸਨ,ਤੇ ਹੁਣ ਨਾਟਕ ਕਰ ਰਹੇ ਹਨ। ਰਵਨੀਤ ਬਿੱਟੂ ਨੇ ਕਿਹਾ ਕਿ ਤੁਸੀ ਹੁਣ ਇਸ ਤਰਾਂ ਨਾਟਕ ਕਰ ਰਹੇ ਹੋ ਉਸ ਸਮੇਂ ਤੁਸੀ ਖੇਤੀਬਾੜੀ ਮੰਤਰੀ ਨਾਲ ਬੈਠ ਕੇ ਬਿੱਲ ਪਾਸ ਕਰਵਾਏ |ਇਸ ਦੌਰਾਨ ਹਰਸਿਮਰਤ ਨੇ ਵੀ ਬਿੱਟੂ ‘ਤੇ ਹਮਲਾ ਬੋਲਦਿਆ ਕਿਹਾ ਕਿ ਤੁਸੀ ਕਿੱਥੇ ਸੀ ਕਿਉਂ ਨਹੀਂ ਉਦੋ ਖੇਤੀ ਕਾਨੂੰਨਾਂ ਦਾ ਮੁੱਦਾ ਚੁੱਕਿਆ |