ਪੰਜਾਬੀ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਸਰਗੁਣ ਮਹਿਤਾ ਬੈਕ-ਟੂ-ਬੈਕ ਹਿੱਟ ਫਿਲਮਾਂ ਦੇ ਰਹੀ ਹੈ। ਹਾਲ ਹੀ ‘ਚ ਆਈ ਫਿਲਮ ਸੌਂਕਣ-ਸੌਂਕਣੇ ਨੂੰ ਲੈ ਕੇ ਅਦਾਕਾਰਾ ਕਾਫੀ ਸੁਰਖੀਆਂ ‘ਚ ਰਹੀ ਤੇ ਹੁਣ ਆਉਣ ਵਾਲੀ ਫਿਲਮ ‘ਸਹੁਰਿਆਂ ਦਾ ਪਿੰਡ ਆ ਗਿਆ’ ਨੂੰ ਲੈ ਕੇ ਚਰਚਾ ‘ਚ ਹੈ। ਇਸ ਫੇਮ ਦਾ ਸਿਹਰਾ ਸਰਗੁਣ ਆਪਣੇ ਪਤੀ ਰਵੀ ਦੂਬੇ ਨੂੰ ਦਿੰਦੀ ਹੈ। 9 ਸਾਲ ਪਹਿਲਾਂ ਦੋਵੇਂ ਵਿਆਹ ਦੇ ਬੰਧਨ ‘ਚ ਬੱਝੇ ਸਨ।
ਹੁਣ ਅਦਾਕਾਰਾ ਦੀ ਪ੍ਰੈਗਨੈਂਸੀ ਦੀਆਂ ਖਬਰਾਂ ਵਾਇਰਲ ਹੋ ਰਹੀਆਂ ਹਨ। ਇਸ ‘ਤੇ ਇੱਕ ਇੰਟਰਵਿਉ ਦੌਰਾਨ ਅਦਾਕਾਰਾ ਨੇ ਚੁੱਪੀ ਤੋੜੀ ਹੈ। ਸਰਗੁਣ ਨੇ ਕਿਹਾ ਕਿ ਲੋਕ ਜੋੜਿਆਂ ਤੋਂ ਸਿਰਫ ਮਾਤਾ-ਪਿਤਾ ਬਣਨ ਦੀ ਉਮੀਦ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਫਿਲਹਾਲ ਉਹ ਆਪਣੇ ਕਰੀਅਰ ‘ਤੇ ਧਿਆਨ ਦੇ ਰਹੀ ਹੈ।
ਸਰਗੁਣ ਨੇ ਕਿਹਾ, “ਲੋਕ ਕਪਲਜ਼ ਤੋਂ ਸਿਰਫ਼ ਮਾਤਾ-ਪਿਤਾ ਬਣਨ ਦੀ ਉਮੀਦ ਰੱਖਦੇ ਹਨ। ਜੇਕਰ ਅਸੀਂ ਇੰਨਾ ਹੀ ਕਰਨਾ ਹੈ, ਤਾਂ ਇਹ ਵਿਆਹ ਦੇ ਪੂਰੇ ਅਰਥ ਨੂੰ ਖਤਮ ਕਰ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਇਹ ਨਹੀਂ ਕਹਿ ਰਹੀ ਕਿ ਜੋ ਲੋਕ ਬੱਚਾ ਚਾਹੁੰਦੇ ਹਨ, ਉਹ ਗਲਤ ਹਨ ਪਰ ਕੁਝ ਲੋਕਾਂ ਦੇ ਆਪਣੇ ਗੋਲਜ਼ ਹੁੰਦੇ ਹਨ ਤੇ ਮੈਂ ਵੀ ਇੱਕ ਵੱਖਰੀ journey ‘ਤੇ ਹਾਂ।
ਦੱਸ ਦਈਏ ਕਿ ਸਰਗੁਣ ਮਹਿਤਾ ਹੁਣ ਕਿਸੇ ਪਛਾਣ ਦੀ ਮੁਹਤਾਜ ਨਹੀਂ ਰਹੀ। ਪੰਜਾਬੀ ਫਿਲਮਾਂ ‘ਚ ਸਰਗੁਣ ਦੀ ਵੱਖਰੀ ਪਛਾਣ ਹੈ। ਉੱਥੇ ਹੀ ਉਨ੍ਹਾਂ ਦੇ ਪਤੀ ਰਵੀ ਦੂਬੇ ਦਾ ਵੀ ਟੀਵੀ ਦਾ ਜਾਣਿਆ-ਪਛਾਣਿਆ ਨਾਂਅ ਹੈ ਤੇ ਉਹ ਸਰਗੁਣ ਨੂੰ ਉਨ੍ਹਾਂ ਦੇ ਕਰੀਅਰ ‘ਚ ਕਾਫੀ ਸਪੋਰਟ ਕਰਦੇ ਹਨ ਤੇ ਫਿਲਹਾਲ ਸਰਗੁਣ ਨੇ ਪ੍ਰੈਗਨੈਂਸੀ ਦੀਆਂ ਖਬਰਾਂ ਨੂੰ ਖਾਰਜ ਕਰ ਦਿੱਤਾ।
