ਹਜ਼ਰਤ ਮੌਲਾਨਾ ਸਯਾਦ ਨੋਮਾਨੀ ਨੇ ਅਮਰਗੜ੍ਹ ਹਲਕੇ ਦੇ 40,000 ਮੁਸਲਮਾਨ ਵੋਟਰਾਂ ਨੂੰ ਸਿਮਰਨਜੀਤ ਸਿੰਘ ਮਾਨ ਦੇ ਨਾਲ ਖੜ੍ਹਨ ਦੀ ਅਪੀਲ ਕੀਤੀ ਹੈ। ਨੋਮਾਨੀ ਸਾਹਿਬ ਨੇ ਮਸਜ਼ਿਦਾਂ ਦੇ ਕਾਜ਼ੀਆਂ, ਮਦਰੱਸਿਆਂ ਤੇ ਆਮ ਮੁਸਲਮਾਨਾਂ ਨੂੰ ਮਾਨ ਸਾਹਿਬ ਦਾ ਹਰ ਤਰ੍ਹਾਂ ਨਾਲ ਸਾਥ ਦੇਣ ਦੀ ਅਪੀਲ ਕੀਤੀ ਹੈ।
ਉਨ੍ਹਾਂ ਨੇ ਮੁਸਲਮਾਨਾਂ ਨੂੰ ਯਾਦ ਦਿਵਾਇਆ ਕਿ ਸਿਮਰਨਜੀਤ ਸਿੰਘ ਮਾਨ ਹਰ ਮੁਸ਼ਕਿਲ ਸਮੇਂ ਵਿੱਚ ਮੁਸਲਮਾਨ ਭਾਈਚਾਰੇ ਦੇ ਨਾਲ ਖੜ੍ਹੇ ਰਹੇ ਤੇ ਬਾਬਰੀ ਮਸਜ਼ਿਦ ਸ਼ਹੀਦ ਹੋਣ ਸਮੇਂ ਵੀ ਉਨ੍ਹਾਂ ਨੇ ਗ੍ਰਿਫ਼ਤਾਰੀ ਦਿੱਤੀ ਸੀ। ਉਨ੍ਹਾਂ ਨੇ ਅਪੀਲ ਕੀਤੀ ਹੈ ਕਿ ਹੁਣ ਮੁਸਲਮਾਨ ਭਾਈਚਾਰੇ ਦਾ ਫਰਜ਼ ਹੈ ਕਿ ਮਾਨ ਸਾਹਿਬ ਦਾ ਖੁੱਲ੍ਹ ਕੇ ਸਾਥ ਦੇਣ ਅਤੇ ਆਪਣਾ ਫਰਜ਼ ਨਿਭਾਉਣ।
