ਗੂਗਲ ਪਲੇਅ ਸਟੋਰ ’ਤੇ ਐਪ ਨੂੰ ਲਿਸਟ ਕਰਨ ਤੋਂ ਪਹਿਲਾਂ ਉਸ ਨੂੰ ਕਈ ਸਕਿਓਰਿਟੀ ਪ੍ਰੋਸੈਸ ’ਚੋਂ ਗੁਜ਼ਰਨਾ ਹੁੰਦਾ ਹੈ ਪਰ ਇਸਦੇ ਬਾਵਜੂਦ ਵੀ ਕਈ ਵਾਰ ਖ਼ਤਰਨਾਕ ਐਪਸ ਗੂਗਲ ਪਲੇਅ ਸਟੋਰ ’ਤੇ ਲਿਸਟ ਹੋ ਜਾਂਦੇ ਹਨ। ਇਸਦਾ ਨੁਕਸਾਨ ਐਂਡਰਾਇਡ ਯੂਜ਼ਰਸ ਨੂੰ ਝੱਲਣਾ ਪੈਂਦਾ ਹੈ। ਇਕ ਵਾਰ ਫਿਰ ਅਜਿਹੀ ਹੀ ਰਿਪੋਰਟ ਸਾਹਮਣੇ ਆਈ ਹੈ।
McAfee ਦੀ ਇਕ ਸਕਿਓਰਿਟੀ ਟੀਮ ਨੇ ਗੂਗਲ ਪਲੇਅ ਸਟੋਰ ’ਤੇ ਮੌਜੂਦ ਕਈ ਖ਼ਤਰਨਾਕ ਐਪਸ ਨੂੰ ਰਿਪੋਰਟ ਕੀਤਾ ਹੈ। ਇਸ ਨੂੰ ਲੈ ਕੇ ਟੀਮ ਨੇ ਦਾਅਵਾ ਕੀਤਾ ਹੈ ਕਿ ਇਹ ਯੂਜ਼ਰਸ ਦੇ ਡਿਵਾਈਸ ਨੂੰ ਐਡਵਰਟਾਈਜ਼ਮੈਂਟਸ ਨਾਲ ਭਰ ਦਿੰਦੇ ਹਨ। ਇਕ ਚੰਗੀ ਗੱਲ ਇਹ ਹੈ ਕਿ ਇਨ੍ਹਾਂ 13 ਖ਼ਤਰਨਾਕ ਐਪਸ ਨੂੰ ਗੂਗਲ ਪਲੇਅ ਸਟੋਰ ਤੋਂ ਹਟਾ ਦਿੱਤਾ ਗਿਆ ਹੈ। ਇਨ੍ਹਾਂ ਬੈਨ ਐਪਸ ’ਚ ਜ਼ਿਆਦਾਤਰ ਫੋਨ ਕਲੀਨਿੰਗ ਐਪਸ ਸਨ। ਇਕ ਵਾਰ ਇੰਸਟਾਲ ਹੋਣ ਤੋਂ ਬਾਅਦ ਇਹ ਐਪਸ ਡਿਵਾਈਸ ’ਤੇ ਡਿਸਟਰਬ ਕਰਨ ਵਾਲੇ ਐਡਸ ਭੇਜਣ ਲਗਦੇ ਸਨ ਅਤੇ ਦੂਜੇ ਐਪਸ ਦੇ ਵਿੰਡੋਜ਼ ਨੂੰ ਬਲਾਕ ਕਰ ਦਿੰਦੇ ਸਨ। ਇਸ ਤੋਂ ਇਲਾਵਾ ਇਹ ਕਈ ਨੋਟੀਫਿਕੇਸ਼ਨ ਵੀ ਵਿਖਾਉਣ ਲਗਦੇ ਸਨ। ਕਈ ਵਾਰ ਇਹ ਸ਼ਾਟਰਕਟ ਕ੍ਰਿਏਟ ਕਰ ਦਿੰਦੇ ਸਨ ਅਤੇ ਵੈੱਬਸਾਈਟ ਨੂੰ ਓਪਨ ਕਰ ਦਿੰਦੇ ਸਨ।
ਇੰਨਾ ਹੀ ਨਹੀਂ ਕਈ ਐਪਸ ਆਪਣੇ ਨਾਂ ਅਤੇ ਆਈਕਨ ਨੂੰ ਆਟੋਮੈਟੀਕਲੀ ਬਦਲ ਦਿੰਦੇ ਸਨ। ਇਸ ਨਾਲ ਉਨ੍ਹਾਂ ਨੂੰ ਟ੍ਰੈਕ ਕਰਕੇ ਡਿਵਾਈਸ ’ਚੋਂ ਹਟਾਉਣ ’ਚ ਮੁਸ਼ਕਿਲ ਹੁੰਦੀ ਸੀ। ਹਾਲਾਂਕਿ, ਗੂਗਲ ਨੇ ਜ਼ਿਆਦਾਤਰ ਅਜਿਹੇ ਐਪਸ ਨੂੰ ਬੈਨ ਕਰ ਦਿੱਤਾ ਹੈ ਪਰ ਕਈ ਯੂਜ਼ਰਸ ਦੇ ਫੋਨ ’ਚ ਅਜੇ ਵੀ ਇਹ ਐਪਸ ਹੋ ਸਕਦੇ ਹਨ।
ਇਹ ਹੈ ਖ਼ਤਰਨਾਕ ਐਪਸ ਦੀ ਪੂਰੀ ਲਿਸਟ
– Junk Cleaner
– Full Clean
– Quick Cleaner
– Keep Clean
– Super Clean
– Cool Clean
– Strong Clean
– Meteor Clean
– Power Doctor
– Fingertip Cleaner
– Windy Clean
– EasyCleaner
– Carpet Clean
