Coronavirus Update in Punjab: ਪੰਜਾਬ ‘ਚ ਕੋਰੋਨਾ ਦਾ ਕਹਿਰ ਘੱਟ ਹੋਣ ਦੀ ਬਜਾਏ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਸਿਹਤ ਵਿਭਾਗ ਨੇ ਸੂਬੇ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ 4301 ਸੈਂਪਲ ਜਾਂਚ ਲਈ ਭੇਜੇ ਸੀ। ਇਨ੍ਹਾਂ ਚੋਂ 3835 ਨਮੂਨਿਆਂ ਦੀ ਜਾਂਚ ਕੀਤੀ ਗਈ, ਇਨ੍ਹਾਂ ਚੋਂ 159 ਨਵੇਂ ਕੋਰੋਨਾ ਮਰੀਜ਼ ਸਾਹਮਣੇ ਆਏ ਹਨ। ਕੱਲ੍ਹ 111 ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
ਸਿਹਤ ਵਿਭਾਗ ਵਲੋਂ ਹਾਸਲ ਅੰਕੜਿਆਂ ਮੁਤਾਬਕ ਸੂਬੇ ਦੇ ਵੱਖ-ਵੱਖ ਸਰਕਾਰੀ ਅਤੇ ਪ੍ਰਾਈਵੇਟ ਹਸਪਤਾਲਾਂ ਵਿੱਚ 12 ਕੋਰੋਨਾ ਪੀੜਤ ਆਕਸੀਜਨ ਸਪੋਰਟ ‘ਤੇ ਹਨ। ਇਨ੍ਹਾਂ ਚੋਂ 12 ਮਰੀਜ਼ ਲੈਵਲ-2 ਦੇ ਹਨ ਜਦਕਿ 4 ਮਰੀਜ਼ ਲੈਵਲ-3 ਦੇ ਹਨ। ਹਾਲਾਂਕਿ, ਹੁਣ ਤੱਕ ਸੂਬੇ ‘ਚ ਕੋਈ ਵੀ ਕੋਰੋਨਾ ਪੀੜਤ ਗੰਭੀਰ ਹਾਲਤ ਵਿੱਚ ਨਹੀਂ ਹੈ ਜਿਸ ਨੂੰ ਵੈਂਟੀਲੇਟਰ ‘ਤੇ ਰੱਖਿਆ ਗਿਆ ਹੈ।
ਹੌਟ ਸਪਾਟ ਬਣਦਾ ਜਾ ਰਿਹਾ ਹੈ ਮੋਹਾਲੀ
ਪੰਜਾਬ ‘ਚ ਕੋਰੋਨਾ ਨੇ 23 ‘ਚੋਂ 17 ਜ਼ਿਲਿਆਂ ‘ਚ ਦਸਤਕ ਦੇ ਦਿੱਤੀ। ਮੋਹਾਲੀ, ਜਲੰਧਰ ਅਤੇ ਲੁਧਿਆਣਾ ‘ਚ ਮਰੀਜ਼ਾਂ ਦੀ ਗਿਣਤੀ ‘ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਜਿਸ ਤਰ੍ਹਾਂ ਮਰੀਜ਼ਾਂ ਦੀ ਗਿਣਤੀ ਵਧ ਰਹੀ ਹੈ, ਉਸ ਕਾਰਨ ਮੋਹਾਲੀ ਹੌਟ ਸਪਾਟ ਬਣਨ ਜਾ ਰਿਹਾ ਹੈ। ਮੁਹਾਲੀ ਵਿੱਚ 177 ਸੈਂਪਲ ਜਾਂਚ ਲਈ ਭੇਜੇ ਗਏ ਸੀ ਤੇ ਇਨ੍ਹਾਂ ਚੋਂ 51 ਦੇ ਕੋਰੋਨਾ ਪੌਜ਼ੇਟਿਵ ਆਏ।
ਇਸੇ ਤਰ੍ਹਾਂ ਜਲੰਧਰ ਕੋਰੋਨਾ ਮਾਮਲਿਆਂ ਵਿੱਚ ਪੰਜਾਬ ਵਿੱਚ ਦੂਜੇ ਨੰਬਰ ‘ਤੇ ਹੈ। ਜਲੰਧਰ ‘ਚ ਕੋਰੋਨਾ ਸਬੰਧੀ 357 ਸੈਂਪਲ ਜਾਂਚ ਲਈ ਭੇਜੇ ਗਏ। ਇਨ੍ਹਾਂ ਚੋਂ 18 ਦੇ ਟੈਸਟ ਪੌਜ਼ੇਟਿਵ ਪਾਇਆ ਗਿਆ ਹੈ। ਲੁਧਿਆਣਾ ਤੋਂ 834 ਸੈਂਪਲ ਜਾਂਚ ਲਈ ਭੇਜੇ ਗਏ, ਜਿਨ੍ਹਾਂ ਵਿੱਚੋਂ 15 ਪੌਜ਼ੇਟਿਵ ਪਾਏ ਗਏ ਹਨ। ਫ਼ਤਹਿਗੜ੍ਹ ਸਾਹਿਬ ਵਿੱਚ ਵੀ 166 ਸੈਂਪਲਾਂ ਵਿੱਚੋਂ 10 ਪੌਜ਼ੋਟਿਵ ਪਾਏ ਗਏ ਹਨ।
6 ਜ਼ਿਲ੍ਹਿਆਂ ‘ਚ ਕੋਈ ਨਵਾਂ ਕੇਸ ਨਹੀਂ
ਪੰਜਾਬ ‘ਚ ਕੋਰੋਨਾ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਸ਼ੁੱਕਰਵਾਰ ਨੂੰ ਲਏ ਗਏ ਸੈਂਪਲਾਂ ਚੋਂ ਪੰਜਾਬ ਦੇ 6 ਜ਼ਿਲ੍ਹਿਆਂ ਵਿੱਚ ਕੋਈ ਵੀ ਨਵਾਂ ਕੋਰੋਨਾ ਪੀੜਤ ਸਾਹਮਣੇ ਨਹੀਂ ਆਇਆ ਹੈ। ਮਾਲੇਰਕੋਟਲਾ ਤੋਂ 52, ਮਾਨਸਾ ਤੋਂ 80, ਪਠਾਨਕੋਟ ਤੋਂ 119, ਸੰਗਰੂਰ ਤੋਂ 77, ਸ਼ਹੀਦ ਭਗਤ ਸਿੰਘ ਨਗਰ (ਨਵਾਂਸ਼ਹਿਰ) ਤੋਂ 14 ਅਤੇ ਤਰਨਤਾਰਨ ਤੋਂ 170 ਸੈਂਪਲ ਜਾਂਚ ਲਈ ਭੇਜੇ ਗਏ ਹਨ। ਇਨ੍ਹਾਂ ਵਿੱਚੋਂ ਕੋਈ ਵੀ ਪੌਜ਼ੇਟਿਵ ਨਹੀਂ ਪਾਇਆ ਗਿਆ ਹੈ।
ਜਦਕਿ ਪਟਿਆਲਾ ਦੇ 77 ਸੈਂਪਲਾਂ ਵਿੱਚੋਂ 9, ਅੰਮ੍ਰਿਤਸਰ ਦੇ 367 ਸੈਂਪਲਾਂ ਚੋਂ 9, ਬਠਿੰਡਾ ਦੇ 283 ਸੈਂਪਲਾਂ ਵਿੱਚੋਂ 8, ਬਰਨਾਲਾ ਦੇ 112 ਸੈਂਪਲਾਂ ਵਿੱਚੋਂ 7, ਫ਼ਾਜ਼ਿਲਕਾ ਵਿੱਚ 100 ਵਿੱਚੋਂ 6, ਫ਼ਿਰੋਜ਼ਪੁਰ ਵਿੱਚ 134 ਸੈਂਪਲਾਂ ਵਿੱਚੋਂ 5, ਫ਼ਰੀਦਕੋਟ ਵਿੱਚ 29 ਸੈਂਪਲਾਂ ਵਿੱਚੋਂ 4, ਕਪੂਰਥਲਾ ਦੇ 54 ਸੈਂਪਲਾਂ ‘ਚੋਂ 4, ਮੁਕਤਸਰ ਸਾਹਿਬ ਦੇ 52 ਸੈਂਪਲਾਂ ‘ਚੋਂ 4, ਮੋਗਾ ਦੇ 138 ਸੈਂਪਲਾਂ ‘ਚੋਂ 3, ਰੋਪੜ ਦੇ 196 ਸੈਂਪਲਾਂ ‘ਚੋਂ 3, ਹੁਸ਼ਿਆਰਪੁਰ ਦੇ 201 ਸੈਂਪਲਾਂ ‘ਚੋਂ 2 ਤੇ ਗੁਰਦਾਸਪੁਰ ਦੇ 76 ਸੈਂਪਲਾਂ ‘ਚੋਂ 2 ਦਾ ਨਤੀਜਾ ਪੌਜ਼ੇਟਿਵ ਪਾਇਆ ਗਿਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
