E bike viral video: ਭਾਰਤ ’ਚ ਵੱਧ ਰਹੀ ਮਹਿੰਗਾਈ ਤੋਂ ਤਾਂ ਕੋਈ ਰਾਹਤ ਮਿਲਦੀ ਨਜ਼ਰ ਨਹੀਂ ਆ ਰਹੀ ਪਰ ਇਸ ਤੋਂ ਨਿਜਾਤ ਪਾਉਣ ਲਈ ਲੋਕ ਕੋਈ ਨਾ ਕੋਈ ਖੋਜ ਕਰਦੇ ਰਹਿੰਦੇ ਹਨ। ਹਾਲ ਹੀ ‘ਚ ਮੇਰਠ ਦੇ ਰਹਿਣ ਵਾਲੇ ਦੋ ਭਰਾਵਾਂ ਨੇ ਇਸ ਵਾਰ ਆਪਣੀ ਕਾਢ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਦੱਸ ਦਈਏ ਕਿ ਇਨ੍ਹਾਂ ਨੇ ਇੱਕ ਅਜਿਹਾ ਮੋਟਰਸਾਈਕਲ ਤਿਆਰ ਕੀਤਾ ਹੈ ਜੋ ਇੱਕ ਵਾਰ ਚਾਰਜ ਕਰਨ ’ਤੇ 150 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਦਾ ਹੈ।
ਜੀ ਹਾਂ, ਇਹ ਸੱਚ ਹੈ ਅਤੇ ਸਭ ਨੂੰ ਹੈਰਾਨ ਕਰ ਰਿਹਾ ਹੈ। ਦੱਸ ਦਈਏ ਕਿ ਮੋਟਰਸਾਈਕਲ ਨੂੰ ਚਾਰਜ ਕਰਨ ਦਾ ਖ਼ਰਚਾ ਵੀ ਮਾਤਰ 5 ਰੁਪਏ ਆਉਂਦਾ ਹੈ। ਮੇਰਠ ਦੇ ਰਹਿਣ ਵਾਲੇ ਦੋ ਭਰਾਵਾਂ ਅਕਸ਼ੇ ਅਤੇ ਆਸ਼ੀਸ਼ ਨੇ ਇਹ ਕਾਰਨਾਮਾ ਕਰ ਵਿਖਾਇਆ ਹੈ। ਅਕਸ਼ੇ ਪਾਲੀਟੈਕਨਿਕ ਦਾ ਵਿਦਿਆਰਥੀ ਹੈ ਜਦਕਿ ਅਸ਼ੀਸ਼ ਐਮਏ ਦੀ ਪੜ੍ਹਾਈ ਕਰ ਰਿਹਾ ਹੈ।
ਈ-ਬਾਈਕ (E-bike) ਬਣਾਉਣ ਦਾ ਸਾਰਾ ਟੈਕਨੀਕਲ ਕੰਮ ਅਕਸ਼ੇ ਕਰ ਰਿਹਾ ਹੈ, ਕਿਉਂਕਿ ਉਹ ਪਾਲੀਟੈਕਨਿਕ ਦੀ ਪੜ੍ਹਾਈ ਕਰ ਰਿਹਾ ਹੈ ਤਾਂ ਉਸਨੂੰ ਸਾਰਾ ਤਕਨੀਕੀ ਗਿਆਨ ਹੈ। ਉਸ ਨੇ ਕੁਝ ਪੁਰਾਣੇ ਤੇ ਨਵੇਂ ਪੁਰਜ਼ਿਆਂ ਦਾ ਮਦਦ ਨਾਲ ਇਹ E-motorcycle ਤਿਆਰ ਕੀਤਾ ਗਿਆ ਹੈ। ਇਸ ਮੋਟਰ-ਸਾਈਕਲ ਦਾ ਨਾਮ ਦੋਹਾਂ ਭਰਾਵਾਂ ਨੇ ਤੇਜਸ (Tejas) ਰੱਖਿਆ ਹੈ, ਕਿਉਂਕਿ ਉਸ ਨੂੰ ਲੋਕ ਕਹਿੰਦੇ ਹਨ ਕਿ ਇਹ ਰਾਕੇਟ ਜਾਂ ਮਿਜ਼ਾਈਲ ਦੀ ਤਰ੍ਹਾਂ ਨਜ਼ਰ ਆਉਂਦੀ ਹੈ।
ਅਸ਼ੀਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਜਦੋਂ ਉਸ ਨੇ ਆਪਣੇ ਪਿਤਾ ਤੋਂ ਬੁਲੇਟ ਮੋਟਰ-ਸਾਈਕਲ ਦੀ ਮੰਗ ਕੀਤੀ ਤਾਂ ਪਿਤਾ ਨੇ ਕਿਹਾ ਕਿ ਕੌਣ ਅੱਜ ਦੇ ਸਮੇਂ ’ਚ ਬੁਲਟ ਨੂੰ ਵੇਖਦਾ ਹੈ। ਇਸ ਤੋਂ ਬਾਅਦ ਉਸ ਨੇ ਅਜਿਹਾ ਮੋਟਰਸਾਈਕਲ ਬਣਾਉਣ ਦੀ ਸੋਚਿਆ ਜਿਸਨੂੰ ਸਾਰੇ ਲੋਕ ਖੜ੍ਹ-ਖੜ੍ਹ ਵੇਖਣ ਤੇ ਅੱਜ ਉਸਨੂੰ ਖੁਸ਼ੀ ਹੈ ਕਿ ਉਸਦੇ ਬਣਾਏ ਮੋਟਰ-ਸਾਈਕਲ ਨੂੰ ਅੱਜ ਹਰ ਕੋਈ ਵੇਖਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h