ਸਾਲ 2011 ਵਿੱਚ ਜਦੋਂ ਭਾਰਤ ਨੇ ਵਿਸ਼ਵ ਕੱਪ ਜਿੱਤਿਆ ਸੀ ਤਾਂ ਉਸ ਜਿੱਤ ਵਿੱਚ ਇੱਕ ਗੇਂਦਬਾਜ਼ ਦਾ ਵੱਡਾ ਯੋਗਦਾਨ ਸੀ। ਉਹ ਖੱਬੇ ਹੱਥ ਦੇ ਗੇਂਦਬਾਜ਼ ਜ਼ਹੀਰ ਖਾਨ ਸਨ, ਜਿਨ੍ਹਾਂ ਨੇ ਭਾਰਤ ਲਈ ਕਈ ਮੈਚ ਜੇਤੂ ਪ੍ਰਦਰਸ਼ਨ ਦਿੱਤੇ ਹਨ। ਜ਼ਹੀਰ ਦੇ ਸੰਨਿਆਸ ਤੋਂ ਬਾਅਦ ਭਾਰਤ ਨੂੰ ਅਜਿਹੇ ਖੱਬੇ ਹੱਥ ਦੇ ਗੇਂਦਬਾਜ਼ ਦੀ ਤਲਾਸ਼ ਸੀ ਜੋ ਮੈਚ ਜਿੱਤ ਸਕੇ, ਉਹ ਖੋਜ ਖਤਮ ਹੋ ਗਈ ਹੈ। 23 ਸਾਲਾ ਅਰਸ਼ਦੀਪ ਸਿੰਘ ਨੇ ਟੀਮ ਇੰਡੀਆ ‘ਚ ਐਂਟਰੀ ਤੋਂ ਬਾਅਦ ਜਿਸ ਤਰ੍ਹਾਂ ਦੀ ਖੇਡ ਦਿਖਾਈ ਹੈ ਉਹ ਸ਼ਾਨਦਾਰ ਹੈ।
ਜਦੋਂ ਆਸਟ੍ਰੇਲੀਆ ‘ਚ ਹੋ ਰਹੇ ਟੀ-20 ਵਿਸ਼ਵ ਕੱਪ ਦੀ ਸ਼ੁਰੂਆਤ ਨਹੀਂ ਹੋਈ ਸੀ, ਉਦੋਂ ਭਾਰਤ ਲਈ ਚਿੰਤਾ ਦਾ ਵਿਸ਼ਾ ਇਹ ਸੀ ਕਿ ਜਸਪ੍ਰੀਤ ਬੁਮਰਾਹ ਦੀ ਸੱਟ ਕਾਰਨ ਚੀਜ਼ਾਂ ਨੂੰ ਕਿਵੇਂ ਸੰਭਾਲਿਆ ਜਾਵੇਗਾ ਅਤੇ ਤੇਜ਼ ਪਿੱਚਾਂ ‘ਤੇ ਗੇਂਦਬਾਜ਼ੀ ‘ਚ ਭਾਰਤ ਕਿਵੇਂ ਕਮਾਲ ਕਰੇਗਾ। ਪ੍ਰਸ਼ੰਸਕਾਂ ਨੂੰ ਇਹ ਸੁਣ ਕੇ ਅਜੀਬ ਲੱਗੇਗਾ ਕਿ 23 ਸਾਲਾ ਅਰਸ਼ਦੀਪ ਸਿੰਘ ਇਸ ਸਮੇਂ ਭਾਰਤੀ ਤੇਜ਼ ਗੇਂਦਬਾਜ਼ਾਂ ਦੀ ਅਗਵਾਈ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਕਿਸਾਨਾਂ ਲਈ ਵੱਡੀ ਖ਼ਬਰ, ਹੁਣ ਫਸਲਾਂ ਦੇ ਨੁਕਸਾਨ ਤੇ ਮੁਆਵਜ਼ੇ ਦੀ ਨੋ ਟੈਂਸ਼ਨ, ਜਾਣੋ ਕੀ ਹੈ ਸਰਕਾਰ ਦਾ ਪਲਾਨ
ਟੀ-20 ਵਿਸ਼ਵ ਕੱਪ ਵਿੱਚ ਭਾਰਤ ਦਾ ਸਟਾਰ
ਅਰਸ਼ਦੀਪ ਸਿੰਘ ਨੇ ਇਸ ਵਿਸ਼ਵ ਕੱਪ ‘ਚ ਭਾਰਤ ਲਈ ਹੁਣ ਤੱਕ ਕਮਾਲ ਕੀਤੇ ਹਨ। ਭਾਰਤ ਨੇ ਚਾਰ ਮੈਚ ਖੇਡੇ ਹਨ ਅਤੇ ਹਰ ਮੈਚ ਵਿੱਚ ਉਸ ਨੇ ਵਿਕਟਾਂ ਲਈਆਂ ਹਨ। ਇਸ ਟੂਰਨਾਮੈਂਟ ਵਿੱਚ ਹੁਣ ਤੱਕ ਅਰਸ਼ਦੀਪ ਸਿੰਘ ਨੇ 9 ਵਿਕਟਾਂ ਲਈਆਂ ਹਨ। ਅਰਸ਼ਦੀਪ ਸਿੰਘ ਨੇ ਪਾਕਿਸਤਾਨ ਖਿਲਾਫ 3, ਨੀਦਰਲੈਂਡ-ਦੱਖਣੀ ਅਫਰੀਕਾ ਅਤੇ ਬੰਗਲਾਦੇਸ਼ ਖਿਲਾਫ 2-2 ਵਿਕਟਾਂ ਲਈਆਂ। ਵਿਸ਼ਵ ਕੱਪ ਵਿੱਚ ਭਾਰਤ ਜਿੱਥੇ ਵੀ ਫਸਿਆ ਹੋਇਆ ਨਜ਼ਰ ਆਇਆ ਹੈ, ਉੱਥੇ ਅਰਸ਼ਦੀਪ ਸਿੰਘ ਨੇ ਹੁਣ ਤੱਕ ਭਾਰਤ ਦੀ ਲਾਜ ਬਚਾਈ ਹੈ।
• ਬਨਾਮ ਪਾਕਿਸਤਾਨ- 3/32
• ਬਨਾਮ ਨੀਦਰਲੈਂਡ – 2/37
• ਬਨਾਮ ਦੱਖਣੀ ਅਫਰੀਕਾ – 2/25
• ਬਨਾਮ ਬੰਗਲਾਦੇਸ਼- 2/38
ਅਰਸ਼ਦੀਪ ਸਿੰਘ – 4 ਮੈਚ, 9 ਵਿਕਟਾਂ
ਹਾਰਦਿਕ ਪੰਡਯਾ – 4 ਮੈਚ, 6 ਵਿਕਟਾਂ
ਮੁਹੰਮਦ ਸ਼ਮੀ – 4 ਮੈਚ, 4 ਵਿਕਟਾਂ
ਬੁਮਰਾਹ ਦੀ ਜਗ੍ਹਾ ਅਰਸ਼ਦੀਪ ਸਿੰਘ ਨਿਭਾ ਰਹੇ ਹਨ ਭੂਮਿਕਾ
ਕਪਤਾਨ ਰੋਹਿਤ ਸ਼ਰਮਾ ਨੇ ਸਪੱਸ਼ਟ ਕੀਤਾ ਸੀ ਕਿ ਜਦੋਂ ਜਸਪ੍ਰੀਤ ਬੁਮਰਾਹ ਟੀ-20 ਵਿਸ਼ਵ ਕੱਪ ਤੋਂ ਬਾਹਰ ਸਨ, ਤਦ ਅਸੀਂ ਅਰਸ਼ਦੀਪ ਸਿੰਘ ਨਾਲ ਉਨ੍ਹਾਂ ਦੀ ਭੂਮਿਕਾ ਬਾਰੇ ਗੱਲ ਕੀਤੀ ਸੀ। ਅਰਸ਼ਦੀਪ ਸਿੰਘ ਨੂੰ ਕਿਹਾ ਗਿਆ ਕਿ ਉਸ ਨੂੰ ਡੈੱਥ ਓਵਰਾਂ ਲਈ ਤਿਆਰ ਰਹਿਣਾ ਹੋਵੇਗਾ ਅਤੇ ਜ਼ਿੰਮੇਵਾਰੀ ਖੁਦ ਲੈਣੀ ਹੋਵੇਗੀ, ਜਿਸ ਨੂੰ ਉਹ ਹੁਣ ਤੱਕ ਨਿਭਾਅ ਰਿਹਾ ਹੈ। ਜਦੋਂ ਉਸ ਨੂੰ ਬੰਗਲਾਦੇਸ਼ ਖਿਲਾਫ ਆਖਰੀ ਓਵਰ ‘ਚ 20 ਦੌੜਾਂ ਬਚਾਉਣੀਆਂ ਪਈਆਂ ਤਾਂ ਰੋਹਿਤ ਸ਼ਰਮਾ ਨੇ ਅਰਸ਼ਦੀਪ ਸਿੰਘ ਨੂੰ ਜ਼ਿੰਮੇਵਾਰੀ ਸੌਂਪ ਦਿੱਤੀ।
