ਮੱਧ ਪ੍ਰਦੇਸ਼ ਦੇ ਬੈਤੁਲ ‘ਚ ਬੋਰਵੈੱਲ ‘ਚ ਡਿੱਗੇ 6 ਸਾਲਾ ਬੱਚੇ ਨੂੰ 38 ਘੰਟੇ ਬਾਅਦ ਵੀ ਬਾਹਰ ਨਹੀਂ ਕੱਢਿਆ ਜਾ ਸਕਿਆ। ਬੋਰ 400 ਫੁੱਟ ਡੂੰਘਾ ਹੈ। ਬੱਚੇ ਨੂੰ ਬਾਹਰ ਕੱਢਣ ਲਈ ਬੋਰ ਦੇ ਸਮਾਨਾਂਤਰ ਇੱਕ ਟੋਆ ਪੁੱਟਿਆ ਜਾ ਰਿਹਾ ਹੈ ਪਰ ਲਗਾਤਾਰ ਪਾਣੀ ਅੰਦਰ ਜਾਣ ਕਾਰਨ ਟੋਏ ਦੀ ਡੂੰਘਾਈ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਜਾ ਸਕਿਆ।
ਜ਼ਮੀਨ ਪਥਰੀਲੀ ਹੋਣ ਕਾਰਨ ਖੁਦਾਈ ਵੀ ਤੇਜ਼ੀ ਨਾਲ ਨਹੀਂ ਹੋ ਰਹੀ।ਏਡੀਐਮ ਸ਼ਿਆਮੇਂਦਰ ਜੈਸਵਾਲ ਨੇ ਦੱਸਿਆ ਕਿ ਬੋਰ ਦੇ ਸਮਾਨਾਂਤਰ 42.5 ਫੁੱਟ ਤੱਕ ਖੁਦਾਈ ਕੀਤੀ ਗਈ ਹੈ। 45 ਫੁੱਟ ਤੱਕ ਹੋਰ ਖੁਦਾਈ ਕੀਤੀ ਜਾਵੇਗਾ। ਇਸ ਤੋਂ ਬਾਅਦ ਬੋਰ ਤੱਕ ਸੁਰੰਗ ਬਣਾਈ ਜਾਵੇਗੀ। ਲੜਕਾ ਬੋਰਵੈੱਲ ‘ਚ 38 ਫੁੱਟ ਹੇਠਾਂ ਫਸ ਗਿਆ ਹੈ। ਐਸਪੀ ਅਤੇ ਕਲੈਕਟਰ ਰਾਤ ਨੂੰ ਬਚਾਅ ਸਥਾਨ ਤੋਂ ਬੈਤੁਲ ਵਾਪਸ ਆ ਗਏ ਸਨ।
