ਕੱਚੇ ਬੱਸ ਮੁਲਾਜ਼ਮਾਂ ਦੀ ਹੜਤਾਲ ਅੱਜ ਵੀ ਜਾਰੀ,ਬੱਸ ਸਟੈਂਡ 4 ਘੰਟੇ ਲਈ ਰਹਿਣਗੇ ਬੰਦ

ਕੱਚੇ ਬੱਸ ਮੁਲਾਜ਼ਮਾ ਦੀ ਹੜਤਾਲ ਲਗਾਤਾਰ ਚੌਥੇ ਦਿਨ ਵੀ ਜਾਰੀ ਹੈ |ਅੱਜ ਬੱਸ ਅੱਡੇ ਸਵੇਰੇ 8 ਵਜੇ ਤੋਂ 12 ਵਜੇ ਤੱਕ ਮੁਲਾਜ਼ਮਾ ਵੱਲੋਂ ਬੰਦ ਰੱਖੇ ਜਾਣਗੇ | ਜਿਸ ‘ਚ ਮੁਸਾਫਰਾਂ ਨੂੰ ਦਿੱਕਤ ਆ ਸਕਦੀ ਹੈ | ਇਨ੍ਹਾਂ ਕੱਚੇ ਮੁਲਾਜ਼ਮਾ ਦੇ ਵੱਲੋਂ ਅੱਣਮਿੱਥੇ ਸਮੇਂ ਲਈ ਧਰਨੇ ਦਾ ਐਲਾਨ ਕੀਤਾ ਗਿਆ ਸੀ | ਬੀਤੇ ਦਿਨ ਸਰਕਾਰ ਨਾਲ ਮੀਟਿੰਗ ਬੇਸਿੱਟਾ ਰਹਿਣ ਕਰਕੇ ਮੁਲਾਜ਼ਮਾ ਵੱਲੋਂ ਧਰਨਾ ਹੋਰ ਤਿੱਖਾ ਕਰਨ ਦਾ ਐਲਾਨ ਕੀਤਾ ਹੈ |
ਇਸ ਦੇ ਨਾਲ ਤੁਹਾਨੂੰ ਦੱਸ ਦਈਏ ਕਿ ਰੈਗੂਲਰ ਮੁਲਾਜ਼ਮ ਬੱਸਾਂ ਲੈ ਕੇ ਜਾ ਰਹੇ ਹਨ ਪਰ ਉਹ ਇਨ੍ਹਾਂ ਕੱਚੇ ਮੁਲਾਜ਼ਮਾਂ ਦੀ ਗਿਣਤੀ ਤੋਂ ਬਹੁਤ ਘੱਟ ਹਨ | ਇਸ ਨਾਲ ਪ੍ਰਾਈਵੇਟ ਬੱਸਾਂ ਨੂੰ ਵੀ ਨੁਕਸਾਨ ਹੋਏਗਾ ਕਿਉਂਕਿ ਬੱਸ ਅੱਡੇ 4 ਘੰਟੇ ਲਈ ਬੰਦ ਕੀਤੇ ਗਏ ਹਨ | ਜਿਸ ਦਾ ਅਸਰ ਮੁਸਾਫਰਾਂ ਤੇ ਵੀ ਜਰੂਰ ਪਵੇਗਾ |