ਲੁਧਿਆਣਾ :- ਕੋਰੋਨਾ ਪ੍ਰੋਟੋਕਾਲ ਦੇ ਉਲ਼ੰਘਣ ਦੇ ਮਾਮਲੇ ਵਿੱਚ ਪੰਜਾਬੀ ਫ਼ਿਲਮ ਅਭਿਨੇਤਾ ਜਿੰਮੀ ਸ਼ੇਰਗਿੱਲ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕੀਤਾ ਹੈ। ਉਹ ਨਾਇਟ ਕਰਫਿਊ ਦੌਰਾਨ ਸੂਟਿੰਗ ਕਰ ਰਿਹੇ ਸਨ। ਜਾਣਕਾਰੀ ਮੁਤਾਬਕ ਜਿੰਮੀ ਸਮੇਤ ਚਾਰ ਲੋਕਾ ਨੂੰ ਇਸ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਹ ਪਿਛਲੇ ਤਿੰਨ ਦਿਨ ਤੋ ਇੱਕ ਸਕੂਲ ਵਿੱਚ ਪੰਜਾਬੀ ਫ਼ਿਲਮ ਦੀ ਸੂਟਿੰਗ ਕਰ ਰਹੇ ਸਨ ਤੇ ਸਕੂਲ ਦੀ ਇਮਾਰਤ ਨੂੰ ਅਦਾਲਤ ਦੇ ਸੈੱਟ ਵਿੱਚ ਤਬਦੀਲ ਕੀਤਾ ਗਿਆ ਸੀ। ਸੋਮਵਾਰ ਨੂੰ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਉਥੇ ਸੋਸ਼ਲ ਡਿਸਟੈਂਸ ਦਾ ਪਾਲਣ ਨਹੀਂ ਕੀਤਾ ਜਾ ਰਿਹਾ ਹੈ ਤੇ ਨਾ ਹੀ ਮਾਸਕ ਦੀ ਵਰਤੋ ਕੀਤੀ ਜਾ ਰਹੀ ਹੈ ਜਿਸ ਦੇ ਚੱਲਦੇ ਏ ਸੀ ਪੀ ਵਰਿਆਮ ਸਿੰਘ ਦੀ ਅਗਵਾਈ ਵਿੱਚ ਪਹੁੰਚੀ ਪੁਲਿਸ ਟੀਮ ਦੁਆਰਾਂ ਦੋ ਚਲਾਨ ਕੱਟੇ ਗਏ। ਪਰ ਦੁਬਾਰਾ ਮੰਗਲ਼ਵਾਰ ਦੀ ਰਾਤ ਸੂਚਨਾ ਮਿਲੀ ਕਿ ਸੈੱਟ ਤੇ ਡੇਢ ਸੋ ਦੇ ਕਰੀਬ ਲੋਕ ਮੌਜੂਦ ਹਨ ਤੇ ਕਰਫਿਊ ਦੌਰਾਨ ਸ਼ੂਟਿੰਗ ਜਾਰੀ ਹੈ ਜਿਸ ਤੇ ਪੁਲਿਸ ਦੁਬਾਰਾ ਫਿਰ ਪਹੁੰਚੀ ਤੇ ਜਿੰਮੀ ਸਮੇਤ ਚਾਰ ਆਰੋਪੀਆ ਨੂੰ ਗ੍ਰਿਫਤਾਰ ਕਰਕੇ ਮਾਮਲਾ ਦਰਜ ਕੀਤਾ ਹੈ।
