ਆਉਣ ਵਾਲੀ ਫਿਲਮ ਦੀ ਇੱਕ ਝਲਕ ਸਾਂਝੀ ਕਰਨ ਲਈ, ਫਿਲਮ ਦੇ ਨਿਰਮਾਤਾ, ਹੰਬਲ ਮੋਸ਼ਨ ਪਿਕਚਰਜ਼, ਪੂਜਾ ਐਂਟਰਟੇਨਮੈਂਟ ਅਤੇ ਵਿਤਰਕ ਓਮਜੀ ਸਟਾਰ ਸਟੂਡੀਓਜ਼ ਨੇ ਸਭ ਤੋਂ ਉਡੀਕੀ ਜਾ ਰਹੀ ਪੰਜਾਬੀ ਫਿਲਮ ‘ਸ਼ਾਵਾ ਨੀ ਗਿਰਧਾਰੀ ਲਾਲ’ ਦਾ ਟ੍ਰੇਲਰ ਸਾਂਝਾ ਕੀਤਾ ਹੈ। ਸਾਲ ਦੀ ਸਭ ਤੋਂ ਵੱਡੀ ਰਿਲੀਜ਼ ਵਜੋਂ ਜਾਣੀ ਜਾਂਦੀ, ਫਿਲਮ ਨੇ ਹਾਲ ਹੀ ਵਿੱਚ ਆਪਣੀ ਪਹਿਲੀ ਝਲਕ ਵਜੋਂ 16 ਪੋਸਟਰ ਜਾਰੀ ਕੀਤੇ ਹਨ।
ਜਿਵੇਂ ਗਿਰਧਾਰੀ ਲਾਲ ਉਰਫ਼ ਗਿੱਪੀ ਗਰੇਵਾਲ ਟ੍ਰੇਲਰ ‘ਚ ਕਹਿੰਦਾ ਹੈ ਕਿ, ‘ਤੇਰੇ ਤਾਂ ਕੋਈ ਪੈਰ ਵਰਗੀ ਨੀ ਹੈਗੀ’, ਸਾਰੀਆਂ ਅਭਿਨੇਤਰੀਆਂ ਪੰਜਾਬੀ ਪਹਿਰਾਵੇ ‘ਚ ਸ਼ਾਨਦਾਰ ਲੱਗ ਰਹੀਆਂ ਹਨ।ਇਸ ਫਿਲਮ ‘ਚ ਸੱਤ ਨਾਮੀ ਅਭਿਨੇਤਰੀਆਂ ਨੀਰੂ ਬਾਜਵਾ, ਯਾਮੀ ਗੌਤਮ, ਹਿਮਾਂਸ਼ੀ ਖੁਰਾਣਾ, ਸੁਰੀਲੀ ਗੌਤਮ, ਤਨੁਸ ਗਰੇਵਾਲ, ਸਾਰਾ ਗੁਰਪਾਲ ਅਤੇ ਪਾਇਲ ਰਾਜਪੂਤ ਨੂੰ ਪੇਸ਼ ਕਰਦੀ, ਇਹ ਫਿਲਮ ਪਹਿਲੀ ਇੰਡਸਟਰੀ ਬਣ ਗਈ ਹੈ ਜਿਸ ਨੇ ਇੰਨੀਆਂ ਸਾਰੀਆਂ ਔਰਤਾਂ ਨੂੰ ਮੁੱਖ ਭੂਮਿਕਾਵਾਂ ‘ਚ ਕਾਸਟ ਕੀਤਾ ਹੈ।
ਟ੍ਰੇਲਰ ‘ਚ ਗਿੱਪੀ ਗਰੇਵਾਲ ਦਾ ਕਿਰਦਾਰ ਮਾਸੂਮ ਅਤੇ ਹੁਸ਼ਿਆਰ ਬਣਾਇਆ ਗਿਆ ਹੈ।ਇੱਕ ਅਜਿਹਾ ਵਿਅਕਤੀ ਜੋ ਸ਼ਰਾਰਤੀ ਹੈ ਅਤੇ ਹਰ ਦੂਜੀ ਕੁੜੀ ਵੱਲ ਆਕਰਸ਼ਿਤ ਹੁੰਦਾ ਹੈ ਜਿਸਦੇ ਕੋਲੋਂ ਵੀ ਗਿਰਧਾਰੀ ਲਾਲ ਲੰਘਦਾ ਹੈ।’ਸ਼ਾਵਾ ਨੀ ਗਿਰਧਾਰੀ ਲਾਲ’ ਕਾਮੇਡੀ, ਸੰਗੀਤ ਅਤੇ ਰੋਮਾਂਸ ਨੂੰ ਸਹੀ ਪੇਸ਼ ਕਰਦਾ ਹੈ।ਇਸ ‘ਚ ਗਿੱਪੀ ਗਰੇਵਾਲ ਅਤੇ ਰਾਣਾ ਰਣਬੀਰ ਦੀ ਲਿਖੀ ਕਹਾਣੀ ਦੀ ਵਿਲੱਖਣਤਾ ਦੀ ਝਲਕ ਮਿਲਦੀ ਹੈ।ਦੇਖਣ ਇਹ ਹੋਵੇਗਾ ਕਿ ਆਖਿਰਕਾਰ ਗਿਰਧਾਰੀ ਲਾਲ ਦੀ ਦੁਲਹਨ ਕੌਣ ਹੋਵੇਗੀ, ਇਸ ਦਾ ਪਤਾ ਤਾਂ 17 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਹੀ ਲੱਗੇਗਾ।
