ਰਾਇਸੇਨ ‘ਚ ਮਜ਼ਦੂਰ ਦੀ 13 ਸਾਲ ਦੀ ਬੇਟੀ ਨੇ ਇਮਾਨਦਾਰੀ ਦੀ ਮਿਸਾਲ ਪੇਸ਼ ਕੀਤੀ ਹੈ।ਬੇਟੀ 6ਵੀਂ ਜਮਾਤ ‘ਚ ਪੜਦੀ ਹੈ।ਪਿਤਾ ਮਜ਼ਦੂਰੀ ਕਰਕੇ 200 ਰੁਪਏ ਰੋਜ਼ ਕਮਾ ਕੇ ਪਰਿਵਾਰ ਦਾ ਪਾਲਨ-ਪੋਸ਼ਣ ਕਰਦੇ ਹਨ।ਬੇਟੀ ਨੂੰ ਉਨ੍ਹਾਂ ਨੇ ਜੋ ਸੰਸਕਾਰ ਦਿੱਤੇ, ਉਸਦੀ ਤਾਰੀਫ ਹੋ ਰਹੀ ਹੈ।ਬੇਟੀ ਨੂੰ ਜਦੋਂ 7 ਲੱਖ ਰੁਪਏ ਦੇ ਗਹਿਣਿਆਂ ਨਾਲ ਭਰਿਆ ਬੈਗ ਮਿਲਿਆ ਤਾਂ ਉਸਦਾ ਈਮਾਨ ਨਹੀਂ ਡਗਮਗਾਇਆ।
ਉਸ ਨੇ ਆਪਣੇ ਪਿਤਾ ਦੇ ਨਾਲ ਥਾਣੇ ਪਹੁੰਚਕੇ ਇਹ ਬੈਗ ਵਾਪਸ ਕਰ ਦਿੱਤਾ।ਲੋਕਾਂ ਨੇ ਵੀ ਲੜਕੀ ਦੀ ਖੂਬ ਪ੍ਰਸ਼ੰਸਾ ਕੀਤੀ।ਉਦੈਪੁਰ ਥਾਣਾ ਮੁਖੀ ਪ੍ਰਕਾਸ਼ ਸ਼ਰਮਾ ਨੇ ਦੱਸਿਆ ਕਿ ਸਿਲਾਰੀ ਦੇ ਰਹਿਣ ਵਾਲੇ ਮੰਗਲ ਸਿੰਘ ਦੀ ਬੇਟੀ ਰੀਨਾ ਸ਼ਨੀਵਾਰ ਨੂੰ ਸਕੂਲ ਤੋਂ ਘਰ ਵਾਪਸ ਆ ਰਹੀ ਸੀ।
ਅਨਘੋਰਾ ਰੋਡ ‘ਤੇ ਉਸ ਨੂੰ ਬੈਗ ਮਿਲਿਆ।ਇਸ ‘ਚ ਸੋਨੇ ਦੇ ਗਹਿਣੇ ਸਨ।ਉਹ ਬੈਗ ਲੈ ਕੇ ਘਰ ਚਲੀ ਗਈ।ਦੇਰ ਰਾਤ ਪਿਤਾ ਘਰ ਆਏ, ਤਾਂ ਬੇਟੀ ਨੇ ਉਨ੍ਹਾਂ ਬੈਗ ਦੇ ਬਾਰੇ ‘ਚ ਦੱਸਿਆ।ਮੰਗਲ ਅਗਲੇ ਦਿਨ ਬੇਟੀ ਦੇ ਨਾਲ ਉਦੈਪੁਰਾ ਸਿਹਤ ਕੇਂਦਰ ਡਾ.ਐਮਐਲ ਬੜਕੁਰ ਦੇ ਕੋਲ ਪਹੁੰਚੇ।
ਉਨ੍ਹਾਂ ਨੇ ਪੁਲਿਸ ਨੂੰ ਬੈਗ ਮਿਲਣ ਦੀ ਸੂਚਨਾ ਦਿੱਤੀ।ਨਾਲ ਹੀ ਬੱਚੀ ਨੂੰ ਥਾਣੇ ਲੈ ਕੇ ਆਏ।ਸੋਮਵਾਰ ਨੂੰ ਸੂਚਨਾ ਤੋਂ ਬਾਅਦ ਬੈਗ ਲੈਣ ਪਰਿਵਾਰ ਆਇਆ ਤਾਂ ਉਨ੍ਹਾਂ ਦੀ ਖੁਸ਼ੀ ਦਾ ਠਿਕਾਣਾ ਨਹੀਂ ਰਿਹਾ।
