ਪੁਲਿਸ ਭਾਰਤੀ 2016 ਪੇਡਿੰਗ ਲਿਸਟ ਯੂਨੀਅਨ ਆਪਣੇ ਪੱਕੇ ਰੁਜ਼ਗਾਰ ਦੀ ਮੰਗ ਨੂੰ ਲੈ ਪਿਛਲੇ ਲੰਬੇ ਸਮੇਂ ਤੋਂ ਸੰਗਰੂਰ ‘ਚ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਰਿਹਾਇਸ਼ ਦੇ ਅੱਗੇ ਪੱਕਾ ਧਰਨਾ ਲਗਾ ਕੇ ਪੰਜਾਬ ਸਰਕਾਰ ਦੇ ਵਿਰੁੱਧ ਪ੍ਰਦਰਸ਼ਨ ਕਰ ਰਹੇ ਹਨ ਅਤੇ ਅੱਜ ਸਰਕਾਰ ਜਾਂ ਪ੍ਰਸ਼ਾਸਨ ਵਲੋਂ ਕੋਈ ਭਰੋਸਾ ਨਾ ਮਿਲਣ ਕਾਰਨ 7 ਲੜਕੀਆਂ ਸੰਗਰੂਰ ਸ਼ਹਿਰ ‘ਚ ਇੱਕ ਉੱਚੀ ਪਾਣੀ ਦੀ ਟੈਂਕੀ ਦੇ ਉਪਰ ਚੜ ਗਈ ਹੈ।
ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਸਾਨੂੰ ਆਪਣੇ ਪੱਕੇ ਰੁਜ਼ਗਾਰ ਦੀ ਮੰਗ ਨੂੰ ਲੈ ਕੇ ਇੱਕ ਮਹੀਨਾ ਪਹਿਲਾਂ ਸੰਗਰੂਰ ‘ਚ ਪ੍ਰਦਰਸ਼ਨ ਕਰ ਕੇ ਗਏ ਹਨ ਪਰ ਭਰੋਸਾ ਦਿੱਤਾ ਗਿਆ ਸੀ ਕਿ ਸਾਨੂੰ ਪੱਕਾ ਰੁਜ਼ਗਾਰ ਦਿੱਤਾ ਜਾਵੇਗਾ।ਪਰ ਸਾਨੂੰ ਸਰਕਾਰ ਨੇ ਕੋਈ ਨੌਕਰੀ ਨਹੀਂ ਦਿੱਤੀ ਅਤੇ ਹੁਣ ਉਸਦੇ ਬਾਅਦ ਅੱਜ ਕਰੀਬ ਇੱਕ ਮਹੀਨਾ ਫਿਰ ਸਾਨੂੰ ਹੋ ਗਿਆ ਹੈ ਅਤੇ ਹੁਣ ਤੱਕ ਸਾਨੂੰ ਮੁੱਖ ਮੰਤਰੀ ਨੇ ਨਾ ਹੀ ਕੋਈ ਕੀਤੀ ਹੈ ਅਤੇ ਨਾ ਹੀ ਸਾਨੂੰ ਕੋਈ ਭਰੋਸਾ ਮਿਲਿਆ ਹੈ।
ਇਸ ਲਈ ਸਾਡੀ ਯੂਨੀਅਨ ਦੇ ਨਾਲ ਲੜਕੀਆਂ ਅੱਜ ਪਾਣੀ ਦੀ ਟੈਂਕੀ ‘ਤੇ ਆਪਣੀ ਜਾਨ ਦੇ ਬਾਰੇ ਨਾ ਸੋਚਦੇ ਹੋਏ ਤਪਦੀ ਗਰਮੀ ‘ਚ ਚੜ ਕੇ ਪ੍ਰਦਰਸ਼ਨ ਕਰ ਰਹੀਆਂ ਹਨ।ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਸਾਨੂੰ ਪੱਕਾ ਰੁਜ਼ਗਾਰ ਨਹੀਂ ਮਿਲੇਗਾ ਉਦੋਂ ਤੱਕ ਅਸੀਂ ਹੇਠਾਂ ਨਹੀਂ ਆਵਾਂਗੇ।ਉਨਾਂ੍ਹ ਨੇ ਕਿਹਾ ਕਿ 7 ਕੁੜੀਆਂ ਨੇ ਉਪਰ ਪੈਟਰੋਲ ਦੀ ਬੋਤਲ ਲੈ ਕੇ ਗਈਆਂ ਹਨ ਅਤੇ ਉਹ ਬੋਲ ਰਹੀਆਂ ਹਨ ਕਿ ਹੇਠਾਂ ਨਹੀਂ ਆਉਣਗੀਆਂ ਰੁਜ਼ਗਾਰ ਮਿਲਣ ‘ਤੇ ਹੀ ਆਪਣਾ ਪ੍ਰਦਰਸ਼ਨ ਖਤਮ ਕਰਨਗੀਆਂ।
