ਸੋਚ ਕੇ ਦੇਖੋ ਕਿੰਨਾ ਮਜ਼ਬੂਰ ਹੋਵੇਗਾ ਉਹ ਬਾਪ ਜਿਸ ਨੇ ਪਰਿਵਾਰ ਦਾ ਪੇਟ ਭਰਨ ਲਈ ਬੇਟੀ ਨੂੰ ਕਿਸੇ ਸ਼ਾਹੂਕਾਰ ਨੂੰ ਵੇਚਣਾ ਪਿਆ।ਸੁਣਦਿਆਂ ਹੀ ਕਲੇਜਾ ਮੂੰਹ ‘ਚ ਆ ਜਾਂਦਾ ਹੈ।ਅਫਗਾਨਿਸਤਾਨ ‘ਚ ਅੱਜ ਦੀ ਇਹੀ ਸੱਚਾਈ ਹੈ।ਅਣਗਿਣਤ ਦਰਦ ਭਰੇ ਕਿੱਸੇ ਹੋਣਗੇ ਜੋ ਆਤੰਕ ਦੇ ਤਾਲਿਬਾਨ ਜਸ਼ਨ ‘ਚ ਸਿਸਕ-ਸਿਸਕ ਕੇ ਦਮ ਤੋੜ ਰਹੇ ਹਨ।ਮੀਰ ਨਾਜ਼ਿਰ ਨਾਮ ਦਾ ਉਹ ਮਜ਼ਬੂਰ ਬਾਪ ਜੋ 15 ਅਗਸਤ ਤੋਂ ਪਹਿਲਾਂ ਅਫਗਾਨ ਪੁਲਿਸ ‘ਚ ਛੋਟੇ ਕਰਮਚਾਰੀ ਸਨ।
ਤਾਲਿਬਾਨ ਮੁਲਕ ‘ਤੇ ਕਾਬਿਜ਼ ਹੋਏ ਤਾਂ ਨੌਕਰੀ ਚਲੀ ਗਈ।ਜੋ ਬਚਤ ਸੀ ਖਤਮ ਹੋ ਗਈ।ਘਰ ਵੀ ਕਿਰਾਏ ‘ਤੇ ਹੈ।ਪਰਿਵਾਰ ‘ਚ ਕੁਲ 7 ਮੈਂਬਰ ਹਨ।ਹੁਣ ਉਨ੍ਹਾਂ ਦਾ ਪੇਟ ਕਿੰਝ ਭਰੇ?ਮੀਰ ਦਾ ਕਹਿਣਾ ਹੈ ਕਿ 7 ਲੋਕਾਂ ਦਾ ਪਰਿਵਾਰ ਹੈ।ਸਭ ਤੋਂ ਛੋਟੀ ਬੇਟੀ ਦਾ ਨਾਮ ਸਾਫੀਆ ਹੈ।ਉਸਦੀ ਉਮਰ ਚਾਰ ਸਾਲ ਹੈ।ਤਾਲਿਬਾਨ ਆਏ ਤਾਂ ਮੇਰੀ ਪੁਲਿਸ ਦੀ ਨੌਕਰੀ ਚਲੀ ਗਈ।ਹੁਣ ਪਰਿਵਾਰ ਦਾ ਪੇਟ ਕਿੰਝ ਭਰਾਂ, ਖਾਣਾ ਕਿੱਥੋਂ ਲਿਆਵਾਂ।ਮੁਲਕ ਦੀ ਅਰਥਵਿਵਸਥਾ ਵੀ ਤਾਂ ਤਬਾਹ ਹੋ ਚੁੱਕੀ ਹੈ।ਕਿਤੋਂ ਵੀ ਕੋਈ ਉਮੀਦ ਨਹੀਂ ਹੈ।
ਬੇਟੀ ਨੂੰ ਵੇਚਣ ਤੋਂ ਬਿਹਤਰ ਹੈ ਕਿ ਮੈਂ ਖੁਦ ਮਰ ਜਾਵਾਂ।ਪਰ ਕੀ ਮੇਰੀ ਮੌਤ ਦੇ ਬਾਅਦ ਵੀ ਪਰਿਵਾਰ ਬਚ ਜਾਂਦਾ?ਉਨ੍ਹਾਂ ਨੂੰ ਕੌਣ ਰੋਟੀ ਦਿੰਦਾ।ਇਹ ਬੇਬਸੀ ‘ਚ ਲਿਆ ਗਿਆ ਫੈਸਲਾ ਹੈ।ਭਰੀਆਂ ਅੱਖਾਂ ਨੂੰ ਰੋਕਣ ਦੀ ਨਾਕਾਮ ਕੋਸ਼ਿਸ਼ ਕਰਦੇ ਹੋਏ ਮੀਰ ਨੇ ਅੱਗੇ ਕਿਹਾ ਕਿ ਇਕ ਦੁਕਾਨਦਾਰ ਮਿਲਿਆ।ਉਸ ਨੂੰ ਬਾਪ ਬਣਨ ਦਾ ਸੁਖ ਨਹੀਂ ਮਿਲਿਆ।ਉਸਨੇ ਮੈਂਨੂੰ ਆਫਰ ਦਿੱਤਾ ਕਿ ਉਹ ਮੇਰੀ ਸਾਫੀਆ ਨੂੰ ਖ੍ਰੀਦਣਾ ਚਾਹੁੰਦਾ ਹੈ।ਉਹ ਉਸਦੀ ਦੁਕਾਨ ‘ਤੇ ਕੰਮ ਵੀ ਕਰੇਗੀ।ਹੋ ਸਕਦਾ ਹੈ, ਭਵਿੱਖ ‘ਚ ਉਸਦੀ ਤਕਦੀਰ ਸੰਵਾਰੀ ਜਾਏ।ਮੈਂ ਤਾਂ ਹੁਣ ਪੁਲਿਸਕਰਮੀ ਤੋਂ ਮਜ਼ਦੂਰ ਬਣ ਗਿਆ ਹਾਂ।ਉਹ ਦੁਕਾਨਦਾਰ ਮੇਰੀ ਬੇਟੀ ਨੂੰ 20 ਹਜ਼ਾਰ ਅਫਗਾਨੀਸ ‘ਚ ਖ੍ਰੀਦਣਾ ਚਾਹੁੰਦਾ ਹੈ।ਇੰਨੀ ਘੱਟ ਕੀਮਤ ‘ਤੇ ਬੇਟੀ ਨੂੰ ਵੇਚ ਕੇ ਕੀ ਕਰੂੰਗਾ।ਮੈਂ ਉਸ ਤੋਂ 50 ਹਜ਼ਾਰ ਅਫਗਾਨੀ ਮੰਗੇ ਹਨ।
