ਮਿਸਰ ਦੇ ਦੱਖਣੀ ਅਸ਼ਵਾਨ ਸੂਬੇ ਦੇ ਨੇੜੇ ਵੀਰਵਾਰ ਨੂੰ ਇਕ ਸੜਕ ਹਾਦਸੇ ‘ਚ 8 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 44 ਹੋਰ ਜ਼ਖਮੀ ਹੋ ਗਏ। ਸਰਕਾਰੀ ਸਮਾਚਾਰ ਏਜੰਸੀ ਨੇ ਇਹ ਖ਼ਬਰ ਦਿੱਤੀ। ਸਰਕਾਰੀ ਸਮਾਚਾਰ ਏਜੰਸੀ ਐੱਮ.ਈ.ਐੱਨ.ਏ. ਨੇ ਦੱਸਿਆ ਕਿ ਅਸ਼ਵਨ ਨੂੰ ਅਬੂ ਸਿਮਬੇਲ ਨਾਲ ਜੋੜਨ ਵਾਲੇ ਰਾਜਮਾਰਗ ‘ਤੇ ਤੜਕੇ ਇਕ ਬੱਸ ਅਤੇ ਟਰੱਕ ਵਿਚਾਲੇ ਟੱਕਰ ਹੋਈ। ਏਜੰਸੀ ਮੁਤਾਬਕ ਹਾਦਸੇ ‘ਚ ਜਾਨ ਗੁਆਉਣ ਵਾਲਿਆਂ ਨੂੰ ਮੁਰਦਾਘਰ ਅਤੇ ਜ਼ਖਮੀਆਂ ਨੂੰ ਸੂਬੇ ਦੇ ਮੁੱਖ ਹਸਪਤਾਲ ਲਈ ਐਂਬੂਲੈਂਸਾਂ ਘਟਨਾ ਵਾਲੀ ਥਾਂ ‘ਤੇ ਭੇਜੀਆਂ ਗਈਆਂ।
