WhatsApp Accounts Banned: ਸਾਡੇ ਵਿੱਚੋਂ ਜ਼ਿਆਦਾਤਰ ਲੋਕ ਦੁਨੀਆ ਦੀ ਸਭ ਤੋਂ ਮਸ਼ਹੂਰ ਇੰਸਟੈਂਟ ਮੈਸੇਜਿੰਗ ਐਪ WhatsApp ਦੀ ਵਰਤੋਂ ਕਰਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ WhatsApp ‘ਤੇ ਕੀਤੀਆਂ ਕੁਝ ਗਲਤੀਆਂ ਤੁਹਾਡੇ ਅਕਾਊਂਟ ਨੂੰ ਬੈਨ ਵੀ ਕਰ ਸਕਦੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਨਵੰਬਰ ਵਿੱਚ ਵਟਸਐਪ ਨੇ ਇੱਕ ਵਾਰ ਫਿਰ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਕੁਝ ਖਾਤਿਆਂ ਦੀ ਜਾਂਚ ਕੀਤੀ ਅਤੇ ਫਿਰ ਕਾਰਵਾਈ ਕਰਦੇ ਹੋਏ 37 ਲੱਖ ਤੋਂ ਵੱਧ ਅਕਾਊਂਟਸ਼ (WhatsApp ਬੈਨ) ਨੂੰ ਬੈਨ ਕਰ ਦਿੱਤਾ ਹੈ।
ਜਿਨ੍ਹਾਂ ਵਟਸਐਪ ਖਾਤਿਆਂ ‘ਤੇ ਪਾਬੰਦੀ ਲਗਾਈ ਗਈ ਹੈ, ਉਨ੍ਹਾਂ ਵਿਚੋਂ 9.9 ਲੱਖ ਖਾਤੇ ਭਾਰਤ ਦੇ ਹਨ ਅਤੇ ਯੂਜ਼ਰਸ ਵਲੋਂ ਫਲੈਗ ਕੀਤੇ ਜਾਣ ਤੋਂ ਪਹਿਲਾਂ ਇਨ੍ਹਾਂ ਖਾਤਿਆਂ ਨੂੰ ਸਰਗਰਮ ਤੌਰ ‘ਤੇ ਬੈਨ ਕਰ ਦਿੱਤਾ ਗਿਆ ਹੈ। ਯਾਦ ਰਹੇ ਕਿ ਵਟਸਐਪ ਨੇ ਅਕਤੂਬਰ ‘ਚ ਭਾਰਤ ‘ਚ 23 ਲੱਖ 24 ਹਜ਼ਾਰ ਅਕਾਊਂਟਸ਼ ‘ਤੇ ਪਾਬੰਦੀ ਲਗਾ ਦਿੱਤੀ ਅਤੇ ਇਨ੍ਹਾਂ ‘ਚੋਂ 8 ਲੱਖ 11 ਹਜ਼ਾਰ ਅਕਾਊਂਟਸ਼ ‘ਤੇ ਐਕਟਿਵ ਹੋਣ ਨਾਲ ਪਾਬੰਦੀ ਲਗਾ ਦਿੱਤੀ ਗਈ।
WhatsApp ਨੇ ਸੂਚਨਾ ਤਕਨਾਲੋਜੀ ਨਿਯਮ 2021 ਦੇ ਤਹਿਤ ਨਵੰਬਰ ਮਹੀਨੇ ਦੀ ਆਪਣੀ ਭਾਰਤ ਮਾਸਿਕ ਰਿਪੋਰਟ ਵਿੱਚ ਦੱਸਿਆ ਹੈ ਕਿ 1 ਨਵੰਬਰ 2022 ਤੋਂ 30 ਨਵੰਬਰ 2022 ਦਰਮਿਆਨ 37 ਲੱਖ 16 ਹਜ਼ਾਰ ਅਕਾਊਂਟਸ਼ ਨੂੰ ਬੈਨ ਕੀਤਾ ਗਿਆ। ਇਨ੍ਹਾਂ ਵਿੱਚੋਂ 9 ਲੱਖ 90 ਹਜ਼ਾਰ ਖਾਤਿਆਂ ਨੂੰ ਐਕਟਿਵ ਹੋਣ ਨਾਲ ਬੈਨ ਕਰ ਦਿੱਤਾ ਗਿਆ ਹੈ।
ਰਿਪੋਰਟ ‘ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਅਕਤੂਬਰ ਮਹੀਨੇ ਦੀ ਤੁਲਨਾ ‘ਚ ਨਵੰਬਰ ਮਹੀਨੇ ‘ਚ ਯੂਜ਼ਰਸ ਨੇ ਕੁਝ ਵਟਸਐਪ ਅਕਾਊਂਟਸ਼ ਨੂੰ ਬੈਨ ਕਰਨ ਦੀਆਂ ਸ਼ਿਕਾਇਤਾਂ ਦਰਜ ਕਰਵਾਈਆਂ। ਨਵੰਬਰ ‘ਚ ਵਟਸਐਪ ਨੂੰ ਯੂਜ਼ਰਸ ਵੱਲੋਂ 946 ਸ਼ਿਕਾਇਤਾਂ ਮਿਲੀਆਂ, ਜਿਨ੍ਹਾਂ ‘ਚੋਂ 830 ਅਕਾਊਂਟਸ਼ ‘ਤੇ ਪਾਬੰਦੀ ਲਗਾਉਣ ਦੀ ਅਪੀਲ ਕੀਤੀ ਗਈ, ਪਰ ਵਟਸਐਪ ਨੇ ਇਨ੍ਹਾਂ ‘ਚੋਂ ਸਿਰਫ 73 ਅਕਾਊਂਟਸ਼ ‘ਤੇ ਹੀ ਕਾਰਵਾਈ ਕੀਤੀ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
