ਦੁਨੀਆ ਦੀ ਸਭ ਤੋਂ ਵੱਧ ਉਮਰ ਵਾਲੀ ਬੇਬੇ ਬਸੰਤ ਕੌਰ ਦਾ ਦੇਹਾਂਤ ਹੋ ਗਿਆ ਹੈ।ਪਰਿਵਾਰ ਮੁਤਾਬਕ, ਜਲੰਧਰ ਦੇ ਲੋਹੀਆਂ ਖਾਸ ‘ਚ ਰਹਿਣ ਵਾਲੀ ਬਸੰਤ ਕੌਰ ਦੀ ਉਮਰ 132 ਸਾਲ ਸੀ, ਜਦੋਂ ਕਿ ਵੋਟਰ ਕਾਰਡ ‘ਚ ਉਨ੍ਹਾਂ ਦੀ ਉਮਰ 124 ਸਾਲ ਸੀ।ਪਰਿਵਾਰਕਾਂ ਮੈਂਬਰਾਂ ਨੁੇ ਦੱਸਿਆ ਕਿ ਬੇਬੇ ਨੂੰ ਕੋਈ ਬਿਮਾਰੀ ਨਹੀਂ ਸੀ, ਪਰ ਮਰਦੇ ਸਮੇਂ ਉਨਾਂ੍ਹ ਦੇ ਸੀਨੇ ‘ਚ ਹਲਕਾ ਜਿਹਾ ਦਰਦ ਹੋਇਆ ਸੀ।
ਉਨਾਂ੍ਹ ਨੇ ਦੱਸਿਆ ਕਿ ਆਖਰੀ ਸਮੇਂ ‘ਚ ਵੀ ਉਹ ਵਾਹਿਗੁਰੂ ਦਾ ਨਾਮ ਜਪਦੇ ਰਹੇ।ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਉਹ ਸਦਾ ਹੀ ਵਾਹਿਗੁਰੂ ਜੀ ਦੇ ਨਾਮ ‘ਚ ਲੀਨ ਰਹਿੰਦੇ ਸਨ ਅਤੇ ਅਕਸਰ ਹੀ ਸ੍ਰੀ ਜਪੁਜੀ ਸਾਹਿਬ ਜੀ ਦਾ ਪਾਠ ਗੁਣਗੁਣਾਉਂਦੇ ਰਹਿੰਦੇ ਸਨ।
