Chef Vikas Khanna Story: ਸ਼ੈੱਫ ਵਿਕਾਸ ਖੰਨਾ ਦੁਨੀਆ ਦੇ ਸਭ ਤੋਂ ਹੈਂਡਸਮ ਤੇ ਫੇਮਸ ਸ਼ੈੱਫ ਚੋਂ ਇੱਕ ਹਨ। ਵਿਕਾਸ ਖੰਨਾ ਜਲਦੀ ਹੀ ਕੁਕਿੰਗ ਰਿਐਲਿਟੀ ਸ਼ੋਅ ਮਾਸਟਰ ਸ਼ੈੱਫ ਇੰਡੀਆ ਨੂੰ ਜੱਜ ਕਰਦੇ ਨਜ਼ਰ ਆਉਣਗੇ। ਇਸ ਖਾਸ ਮੌਕੇ ‘ਤੇ ਆਓ ਜਾਣਦੇ ਹਾਂ ਕਿ ਕਿਵੇਂ ਅੰਮ੍ਰਿਤਸਰ ਦੇ ਮੱਧ ਵਰਗੀ ਪਰਿਵਾਰ ਨੂੰ ਛੱਡ ਕੇ ਵਿਕਾਸ ਖੰਨਾ ਬਣੇ ਵਿਸ਼ਵ ਪ੍ਰਸਿੱਧ ਸ਼ੈੱਫ।
ਸ਼ੈੱਫ ਵਿਕਾਸ ਖੰਨਾ ਆਪਣੇ ਰਿਐਲਿਟੀ ਸ਼ੋਅ ਮਾਸਟਰ ਸ਼ੈੱਫ ਨੂੰ ਲੈ ਕੇ ਚਰਚਾ ‘ਚ ਹਨ। ਹਾਲ ਹੀ ‘ਚ ਉਨ੍ਹਾਂ ਨੂੰ ਸ਼ੋਅ ‘ਕੌਣ ਬਣੇਗੇ ਕਰੋੜਪਤੀ’ ‘ਚ ਵੀ ਹੌਟ ਸੀਟ ‘ਤੇ ਬੈਠੇ ਨਜ਼ਰ ਆਏ। ਇਸ ਦੌਰਾਨ ਹੁਣ ਵਿਕਾਸ ਖੰਨਾ ਦਾ ਇੱਕ ਪੁਰਾਣਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ਦੇ ਸੰਘਰਸ਼ ਬਾਰੇ ਦੱਸਿਆ।
ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਵਿਕਾਸ ਖੰਨਾ ਜਦੋਂ ਪੈਦਾ ਹੋਇਆ ਸੀ ਤਾਂ ਉਹ ਅਪਾਹਜ ਸੀ। ਉਸ ਦੇ ਪੈਰ ਚੰਗੀ ਤਰ੍ਹਾਂ ਨਹੀਂ ਬਣੇ ਹੋਏ ਸੀ। ਇਹੀ ਕਾਰਨ ਹੈ ਕਿ ਉਹ ਘੰਟਿਆਂਬੱਧੀ ਆਪਣੀ ਮਾਂ ਤੇ ਦਾਦੀ ਨਾਲ ਰਸੋਈ ‘ਚ ਬੈਠਦਾ ਸੀ। ਇੱਥੋਂ ਹੀ ਉਸ ਵਿੱਚ ਖਾਣਾ ਬਣਾਉਣ ਦਾ ਜਨੂੰਨ ਜਾਗਿਆ। ਕਈ ਲੋਕ ਵਿਕਾਸ ਦੀ ਇਸ ਹਾਲਤ ਦਾ ਮਜ਼ਾਕ ਉਡਾਉਂਦੇ, ਜਿਸ ‘ਤੇ ਉਸ ਦੀ ਮਾਂ ਹਮੇਸ਼ਾ ਕਹਿੰਦੀ ਸੀ- ਮੇਰਾ ਬੇਟਾ ਦੌੜ ਨਹੀਂ ਸਕਦਾ, ਕਿਉਂਕਿ ਉਹ ਉੱਡਣ ਲਈ ਪੈਦਾ ਹੋਇਆ ਹੈ।
ਵਿਕਾਸ ਨੂੰ ਬਚਪਨ ਤੋਂ ਹੀ ਖਾਣ ਪੀਣ ਦਾ ਸ਼ੌਕ
ਵਿਕਾਸ ਨੇ 15-16 ਸਾਲ ਦੀ ਉਮਰ ਵਿੱਚ ਕਾਰੋਬਾਰ ਕਰਨ ਦੀ ਯੋਜਨਾ ਬਣਾਈ। ਵਿਕਾਸ ਨੇ ਦੱਸਿਆ ਕਿ ਉਸ ਦੇ ਘਰ ਦੇ ਪਿੱਛੇ ਇਕ ਪਾਰਲਰ ਸੀ, ਜਿਸ ਵਿਚ ਉਸ ਨੇ ਕਿਟੀ ਪਾਰਟੀ ਕਲੱਬ ਖੋਲ੍ਹਿਆ ਸੀ। ਵਿਕਾਸ ਨੇ ਦੱਸਿਆ ਕਿ ਉਹ ਛੋਲੇ-ਭਟੂਰੇ ਬਣਾਉਣਾ ਜਾਣਦਾ ਸੀ। ਕੁਲਚੇ ਵੀ ਬਣਾਉਂਦੇ ਸੀ। ਇਸ ਤਰ੍ਹਾਂ ਉਸ ਨੇ ਬਚਪਨ ਵਿਚ ਹੀ ਕਾਰੋਬਾਰ ਸ਼ੁਰੂ ਕਰ ਦਿੱਤਾ ਸੀ। ਪਰ ਇਸ ਵਿੱਚ ਉਹ ਕਾਮਯਾਬ ਨਹੀਂ ਹੋ ਸਕੇ।
View this post on Instagram
ਮੁੰਬਈ ਵਿੱਚ ਸੁਪਨਿਆਂ ਨੂੰ ਸਾਕਾਰ ਕਰਨ ਦੀ ਹਿੰਮਤ ਮਿਲੀ
ਵਿਕਾਸ ਨੇ ਦੱਸਿਆ ਸੀ ਕਿ ਜਦੋਂ ਉਹ ਪਹਿਲੀ ਵਾਰ ਮੁੰਬਈ ਆਇਆ ਤਾਂ 5 ਸਟਾਰ ਹੋਟਲ ਵਿੱਚ ਕਈ ਤਰ੍ਹਾਂ ਦੇ ਸ਼ਾਹੀ ਪਕਵਾਨ ਦੇਖ ਕੇ ਰੋਣ ਲੱਗ ਪਿਆ। ਉਸਨੇ ਰੋਂਦੇ ਹੋਏ ਕਿਹਾ ਕਿ ਉਸਨੇ ਇੰਨਾ ਸੁੰਦਰ ਭੋਜਨ ਕਦੇ ਨਹੀਂ ਦੇਖਿਆ। ਇੱਥੋਂ ਹੀ ਉਸ ਵਿੱਚ ਨਵੀਆਂ ਕਿਸਮਾਂ ਦੇ ਪਕਵਾਨ ਬਣਾਉਣ ਦਾ ਜਨੂੰਨ ਪੈਦਾ ਹੋਇਆ।
ਮੁਸ਼ਕਿਲਾਂ ਤੋਂ ਡਰਦਿਆਂ ਵਿਕਾਸ ਨੇ ਆਪਣੇ ਜਨੂੰਨ ਨੂੰ ਕਦੇ ਘੱਟ ਨਹੀਂ ਹੋਣ ਦਿੱਤਾ। ਵਿਕਾਸ ਨੇ ਕਾਲਜ ਵਿੱਚ ਅੰਗਰੇਜ਼ੀ ਸਿੱਖੀ ਤੇ ਫਿਰ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰਨ ਲਈ ਅਮਰੀਕਾ ਚਲਾ ਗਿਆ। ਅੱਜ ਵਿਕਾਸ ਨਿਊਯਾਰਕ ਵਿੱਚ ਜੂਨੂਨ ਨਾਮ ਦੇ ਇੱਕ ਰੈਸਟੋਰੈਂਟ ਦਾ ਮਾਲਕ ਹੈ। ਉਸ ਨੂੰ ਆਪਣੇ ਰੈਸਟੋਰੈਂਟ ਲਈ ਮਿਸ਼ੇਲਿਨ ਸਟਾਰ ਅਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਹੈ।
ਸਭ ਤੋਂ ਸੈਕਸੀ ਸ਼ੈੱਫ ਬਣ ਗਿਆ
‘ਪੀਪਲਜ਼ ਮੈਗਜ਼ੀਨ’ ਨੇ ਵਿਕਾਸ ਨੂੰ ਸਭ ਤੋਂ ਸੈਕਸੀ ਅਤੇ ਅਮਰੀਕਾ ਦਾ ਸਭ ਤੋਂ ਹੌਟ ਸ਼ੈੱਫ ਐਲਾਨਿਆ ਹੈ। ਇੱਕ ਸ਼ੈੱਫ ਹੋਣ ਦੇ ਨਾਲ-ਨਾਲ ਵਿਕਾਸ ਇੱਕ ਲੇਖਕ ਵੀ ਹੈ। ਸਾਲ 2015 ‘ਚ ਵਿਕਾਸ ਨੇ 1200 ਪੰਨਿਆਂ ਦੀ ‘ਉਤਸਵ’ ਨਾਂ ਦੀ ਕਿਤਾਬ ਲਿਖੀ। ਉਨ੍ਹਾਂ ਨੇ ਬਰਾਕ ਓਬਾਮਾ, ਨਰਿੰਦਰ ਮੋਦੀ, ਦਲਾਈਲਾਮਾ ਨੂੰ ਇਹ 16 ਕਿਲੋ ਦੀ ਕਿਤਾਬ ਤੋਹਫੇ ਵਜੋਂ ਦਿੱਤੀ।
ਦੱਸ ਦੇਈਏ ਕਿ ਜਦੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 4 ਦਿਨਾਂ ਦੇ ਅਮਰੀਕਾ ਦੌਰੇ ‘ਤੇ ਗਏ ਸੀ, ਤਾਂ ਮਸ਼ਹੂਰ ਸ਼ੈੱਫ ਵਿਕਾਸ ਖੰਨਾ ਨੂੰ UNGA ‘ਚ PM ਮੋਦੀ ਤੇ ਹੋਰ ਲੋਕਾਂ ਲਈ ਖਾਣਾ ਬਣਾਉਣ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਸੀ। ਇਹ ਉਸ ਲਈ ਬੜੇ ਮਾਣ ਵਾਲੀ ਗੱਲ ਹੈ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
