Honda: ਨਵੇਂ ਸਾਲ ਦੀ ਸ਼ੁਰੂਆਤ ਦੇ ਨਾਲ ਹੀ ਦੇਸ਼ ਦੀ ਪ੍ਰਮੁੱਖ ਟੂ ਵ੍ਹੀਲਰ ਨਿਰਮਾਤਾ ਕੰਪਨੀ ਹੌਂਡਾ ਟੂ-ਵ੍ਹੀਲਰਸ ਆਕਰਸ਼ਕ ਆਫਰ ਪੇਸ਼ ਕਰ ਰਹੀ ਹੈ। ਕੰਪਨੀ ਆਪਣੇ ਸਕੂਟਰ ਐਕਟਿਵਾ ਤੋਂ ਲੈ ਕੇ ਕਮਿਊਟਰ ਮੋਟਰਸਾਈਕਲ ਸ਼ਾਈਨ ‘ਤੇ ਬਹੁਤ ਹੀ ਵਧੀਆ ਆਫ਼ਰ ਦੇ ਰਹੀ ਹੈ। ਇਸ ਦੇ ਤਹਿਤ ਬਹੁਤ ਘੱਟ ਡਾਊਨ ਪੇਮੈਂਟ ‘ਤੇ ਟੂ-ਵ੍ਹੀਲਰ ਫਾਈਨਾਂਸ ਮਿਲਣ ਤੋਂ ਇਲਾਵਾ ਗਾਹਕਾਂ ਨੂੰ ਕੈਸ਼ਬੈਕ ਦਾ ਲਾਭ ਵੀ ਮਿਲੇਗਾ।
ਹੌਂਡਾ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਦਿੱਤੀ ਗਈ ਜਾਣਕਾਰੀ ਦੇ ਮੁਤਾਬਕ, ਗਾਹਕ ਸਿਰਫ 3,999 ਰੁਪਏ ਦੀ ਡਾਊਨ ਪੇਮੈਂਟ ਦੇ ਕੇ ਟੂ-ਵ੍ਹੀਲਰ ਫਾਈਨਾਂਸ ਦਾ ਲਾਭ ਲੈ ਸਕਦੇ ਹਨ। ਇਸ ਤੋਂ ਇਲਾਵਾ ਗਾਹਕ 5,000 ਰੁਪਏ ਦਾ ਕੈਸ਼ਬੈਕ ਤੇ 7.99% ਵਿਆਜ ਦਰ ਦਾ ਵੀ ਲਾਭ ਲੈ ਸਕਦੇ ਹਨ। ਇਹ ਆਫਰ ਕੰਪਨੀ ਦੇ ਚੁਣੇ ਹੋਏ ਮਾਡਲਾਂ ਤੇ ਗਾਹਕਾਂ ਲਈ ਦਿੱਤਾ ਜਾ ਰਿਹਾ ਹੈ, ਜੋ ਕਿ 8 ਜਨਵਰੀ 2023 ਤੱਕ ਵੈਧ ਹੈ। ਇਹ ਸਹੂਲਤ ਚੁਣੇ ਹੋਏ ਬੈਂਕਾਂ ਵਲੋਂ ਦਿੱਤੀ ਜਾਵੇਗੀ। ਇੱਕ ਸ਼ਰਤ ਇਹ ਵੀ ਹੈ ਕਿ ਇੱਕ ਗਾਹਕ ਲਈ ਦੋ ਮਾਡਲ ਇਕੱਠੇ ਸ਼ਾਮਲ ਨਹੀਂ ਕੀਤੇ ਜਾਣਗੇ ਤੇ ਸਾਰੀਆਂ ਐਕਸੈਸਰੀਜ਼ ਆਦਿ ਇਸ ਆਫਰ ਦਾ ਹਿੱਸਾ ਨਹੀਂ।
ਹੌਂਡਾ ਐਕਟਿਵਾ ਕੰਪਨੀ ਦਾ ਸਭ ਤੋਂ ਵੱਧ ਵਿਕਣ ਵਾਲਾ ਮਾਡਲ ਹੈ। ਇਹ ਸਕੂਟਰ ਦੋ ਵੱਖ-ਵੱਖ ਇੰਜਣ ਵਿਕਲਪਾਂ 110 ਸੀਸੀ ਤੇ 125 ਸੀਸੀ ਦੇ ਨਾਲ ਬਾਜ਼ਾਰ ਵਿੱਚ ਉਪਲਬਧ ਹੈ। ਇੱਥੇ ਅਸੀਂ 110 ਮਾਡਲ ਦੀ ਗੱਲ ਕਰ ਰਹੇ ਹਾਂ, ਇਸ ਵਿੱਚ 109cc ਇੰਜਣ ਦਿੱਤਾ ਗਿਆ ਹੈ, ਜੋ 7.97PS ਦੀ ਪਾਵਰ ਤੇ 9Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ‘ਚ LED ਹੈੱਡਲਾਈਟ ਵੀ ਮਿਲਦੀ ਹੈ, ਜੋ ਸਿਰਫ ਡੀਲਕਸ ਮਾਡਲ ਨਾਲ ਆਉਂਦੀ ਹੈ। ਹਾਲਾਂਕਿ ਇਸ ‘ਚ ਫੁੱਲ-ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ ਨਹੀਂ ਹੈ, ਇਸਦੀ ਬਜਾਏ ਇੱਕ ਸਧਾਰਨ ਐਨਾਲਾਗ ਸਪੀਡੋਮੀਟਰ, ਓਡੋਮੀਟਰ ਅਤੇ ਫਿਊਲ ਗੇਜ ਦਿੱਤਾ ਗਿਆ ਹੈ।
ਕੰਪਨੀ ਵੱਲੋਂ ਇਸ ਸਕੂਟਰ ‘ਚ ACG ਸਟਾਰਟਰ ਮੋਟਰ ਦਿੱਤੀ ਗਈ ਹੈ, ਜੋ ਕਿ ਇੰਜਣ ਕਿੱਲ ਸਵਿਚ ਤਕਨੀਕ ਨਾਲ ਆਉਂਦੀ ਹੈ। ਬ੍ਰੇਕਿੰਗ ਲਈ ਇਸ ‘ਚ 130mm ਡਰਮ ਬ੍ਰੇਕ ਤੇ ਕੰਬੀ ਬ੍ਰੇਕਿੰਗ ਸਿਸਟਮ (CBS) ਦਿੱਤਾ ਗਿਆ ਹੈ। ਸੈਂਸਰ-ਅਧਾਰਿਤ PGM-FI ਸਿਸਟਮ ਵੀ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਦੇ ਨਤੀਜੇ ਵਜੋਂ ਵਧੀਆ ਪਰਫੋਂਮੇਨਸ ਤੇ ਮਾਈਲੇਜ ਮਿਲਦੀ ਹੈ। ਇਸ ਦੀ ਕੀਮਤ 73,176 ਰੁਪਏ ਤੋਂ 76,677 ਰੁਪਏ (ਐਕਸ-ਸ਼ੋਰੂਮ) ਤੱਕ ਹੈ।
ਜੇਕਰ ਤੁਸੀਂ ਬਿਹਤਰ ਪਰਫੋਂਮੇਨਸ ਵਾਲੀ ਬਾਈਕ ਲੈਣ ਬਾਰੇ ਸੋਚ ਰਹੇ ਹੋ, ਤਾਂ ਹੌਂਡਾ ਸ਼ਾਈਨ ਤੁਹਾਡੇ ਲਈ ਬਹੁਤ ਵਧੀਆ ਹੋ ਸਕਦੀ ਹੈ। ਇਸ ‘ਚ ਕੰਪਨੀ ਨੇ ਸਿੰਗਲ ਸਿਲੰਡਰ 124cc ਏਅਰ-ਕੂਲਡ ਫਿਊਲ ਇੰਜੈਕਟਿਡ ਇੰਜਣ ਦੀ ਵਰਤੋਂ ਕੀਤੀ ਹੈ, ਜੋ 10.7PS ਦੀ ਪਾਵਰ ਤੇ 11Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਹਾਲਾਂਕਿ, ਇਸ ਬਾਈਕ ‘ਚ ਵੀ ਕੰਪਨੀ ਨੇ LED ਹੈੱਡਲਾਈਟ ਨੂੰ ਜਗ੍ਹਾ ਨਹੀਂ ਦਿੱਤੀ। ਇਸ ‘ਚ ਇੱਕ ਬੇਸਿਕ ਇੰਸਟਰੂਮੈਂਟ ਕਲੱਸਟਰ ਹੈ, ਜੋ ਬਾਈਕ ਦੀ ਸਪੀਡ, ਓਡੋਮੀਟਰ, ਫਿਊਲ ਗੇਜ ਆਦਿ ਦੀ ਜਾਣਕਾਰੀ ਦਿੰਦਾ ਹੈ।
ਕੰਪਨੀ ਨੇ ਇਸ ਬਾਈਕ ਨੂੰ ਆਪਣੀ ਰਵਾਇਤੀ ਸਾਈਲੈਂਟ ਸਟਾਰਟ, ਅਲਟਰਨੇਟ ਕਰੰਟ ਜਨਰੇਟਰ (ACG) ਤਕਨੀਕ ਨਾਲ ਵੀ ਲੈਸ ਕੀਤਾ ਹੈ ਤੇ ਇਸ ਦਾ ਇੰਜਣ 5-ਸਪੀਡ ਗਿਅਰਬਾਕਸ ਨਾਲ ਲੈਸ ਹੈ। ਇਸ ਤੋਂ ਇਲਾਵਾ ਫ੍ਰੰਟ ‘ਤੇ ਟੈਲੀਸਕੋਪਿਕ ਫੋਰਕ ਸਸਪੈਂਸ਼ਨ ਤੇ ਰਿਅਰ ‘ਤੇ ਪ੍ਰੀ-ਲੋਡ ਐਡਜਸਟਬਲ ਸ਼ੌਕਰ ਮੌਜੂਦ ਹੈ। ਇਸ ਬਾਈਕ ‘ਚ ਕੰਬੀ ਬ੍ਰੇਕਿੰਗ ਸਿਸਟਮ (CBS) ਦਿੱਤਾ ਗਿਆ ਹੈ, ਜੋ ਕਿ ਦੋ ਵੇਰੀਐਂਟ ‘ਚ ਆਉਂਦਾ ਹੈ। ਇਸ ਦੀ ਕੀਮਤ 77,592 ਰੁਪਏ ਤੋਂ ਲੈ ਕੇ 83,092 ਰੁਪਏ (ਐਕਸ-ਸ਼ੋਰੂਮ) ਤੱਕ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
