ਨੀਦਰਲੈਂਡ ਦੇ ‘ਰਿਵਰਸ ਬ੍ਰਿਜ’ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਆਪਣੀਆਂ ਅੱਖਾਂ ‘ਤੇ ਵਿਸ਼ਵਾਸ ਨਹੀਂ ਕਰ ਪਾ ਰਹੇ ਹਨ। ਪੁਲ ਦੀ ਡਰੋਨ ਫੁਟੇਜ ਸਾਹਮਣੇ ਆਈ ਹੈ, ਜਿਸ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਇਸ ਤੋਂ ਲੰਘਣ ਵਾਲੇ ਵਾਹਨ ਅਚਾਨਕ ਕੁਝ ਸਕਿੰਟਾਂ ਲਈ ਪਾਣੀ ਵਿਚ ਗਾਇਬ ਹੋ ਜਾਂਦੇ ਹਨ। ਐਲਵਿਨ ਫੂ ਨਾਂ ਦੇ ਯੂਜ਼ਰ ਨੇ ਟਵਿਟਰ ‘ਤੇ ਰਿਵਰਸ ਬ੍ਰਿਜ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਦੇਖਿਆ ਜਾਵੇ ਤਾਂ ਪੁਲ ਦੇ ਉਪਰੋਂ ਕੁਝ ਵਾਹਨ ਲੰਘ ਰਹੇ ਹਨ, ਜੋ ਅਚਾਨਕ ਪੁਲ ਦੇ ਬਿਲਕੁਲ ਵਿਚਕਾਰ ਯਾਨੀ ਪਾਣੀ ਵਾਲੇ ਹਿੱਸੇ ਵਿਚ ਗਾਇਬ ਹੋ ਜਾਂਦੇ ਹਨ ਅਤੇ ਕੁਝ ਸਕਿੰਟਾਂ ਬਾਅਦ ਮੁੜ ਪੁਲ ਦੇ ਦੂਜੇ ਪਾਸੇ ਦਿਖਾਈ ਦਿੰਦੇ ਹਨ।
ਪਹਿਲੀ ਵਾਰ ਵੀਡੀਓ ਦੇਖ ਕੇ ਤੁਹਾਨੂੰ ਇੰਝ ਲੱਗੇਗਾ ਜਿਵੇਂ ਗੱਡੀਆਂ ਪਾਣੀ ਦੇ ਹੇਠਾਂ ਗਾਇਬ ਹੋ ਰਹੀਆਂ ਹੋਣ ਅਤੇ ਫਿਰ ਪੁਲ ਦੇ ਦੂਜੇ ਪਾਸੇ ਮੁੜ ਦਿਖਾਈ ਦੇਣ। ਅਸਲ ਵਿਚ ਸੜਕ ਦੀ ਸਤ੍ਹਾ ਪਾਣੀ ਦੇ ਹੇਠਾਂ ਬਣੀ ਹੋਈ ਹੈ ਅਤੇ ਇਸ ਦੇ ਉੱਪਰ ਪਾਣੀ ਵਗਣ ਦਾ ਪ੍ਰਬੰਧ ਹੈ, ਤਾਂ ਜੋ ਪਾਣੀ ਦੇ ਰਸਤੇ ਵਿਚ ਕੋਈ ਤਬਦੀਲੀ ਨਾ ਹੋਵੇ। ਇਸ ਵੀਡੀਓ ਨੂੰ ਕੁਝ ਸਮਾਂ ਪਹਿਲਾਂ ਸ਼ੇਅਰ ਕੀਤਾ ਗਿਆ ਸੀ ਪਰ ਇਹ ਇਕ ਵਾਰ ਫਿਰ ਲਾਈਮਲਾਈਟ ‘ਚ ਆ ਗਿਆ ਹੈ। ਵੀਡੀਓ ਨੂੰ ਹੁਣ ਤੱਕ 9.4 ਮਿਲੀਅਨ ਲੋਕ ਦੇਖ ਚੁੱਕੇ ਹਨ। ਇਸ ‘ਤੇ ਟਵਿਟਰ ਯੂਜ਼ਰਸ ਕਾਫੀ ਫੀਡਬੈਕ ਦੇ ਰਹੇ ਹਨ।
ਲੋਕ ਕੀ ਕਹਿ ਰਹੇ ਹਨ?
ਇਕ ਯੂਜ਼ਰ ਨੇ ਕਿਹਾ, ‘ਪਹਿਲੀ ਨਜ਼ਰ ‘ਚ ਕੁਝ ਸਮਝ ਨਹੀਂ ਆਇਆ। ਇਹ ਸ਼ਾਨਦਾਰ ਹੈ।’ ਇਕ ਹੋਰ ਯੂਜ਼ਰ ਦਾ ਕਹਿਣਾ ਹੈ, ‘ਇਹ ਕਿੰਨਾ ਸ਼ਾਨਦਾਰ ਹੈ।’ ਦੂਜੇ ਪਾਸੇ ਤੀਜੇ ਯੂਜ਼ਰ ਨੇ ਕਿਹਾ, ‘ਇਸਦੀ ਖੂਬਸੂਰਤੀ ਦੇਖ ਕੇ ਲੋਕਾਂ ਨੂੰ ਕਾਫੀ ਆਰਾਮ ਮਿਲ ਰਿਹਾ ਹੈ।’ ਇਕ ਹੋਰ ਯੂਜ਼ਰ ਨੇ ਇਸ ਨੂੰ ‘ਯੂਨੀਕ ਇੰਜੀਨੀਅਰਿੰਗ’ ਦੱਸਿਆ ਹੈ।
The ‘reverse bridge’ design in the Netherlands is engineering excellence pic.twitter.com/dZmpvWn1BR
— Vala Afshar (@ValaAfshar) December 29, 2022
ਇਸ ਪੁਲ ਨੂੰ 2002 ਵਿੱਚ ਜਨਤਾ ਲਈ ਖੋਲ੍ਹਿਆ ਗਿਆ ਸੀ ਅਤੇ ਇਹ ਨੀਦਰਲੈਂਡਜ਼ ਦੇ ਜ਼ਿਆਦਾਤਰ ਹਿੱਸੇ ਨੂੰ ਦੁਨੀਆ ਦੇ ਸਭ ਤੋਂ ਵੱਡੇ ਨਕਲੀ ਟਾਪੂ ਫਲੇਵੋਲੈਂਡ ਨਾਲ ਜੋੜਦਾ ਹੈ। ਇਸ ਦੀ ਡਰੋਨ ਫੁਟੇਜ ਰਟਗਰ ਡੇਨ ਹਰਟੋਸ ਨੇ ਹਾਸਲ ਕੀਤੀ ਹੈ। ਇਸ ਅੰਡਰਪਾਸ ਤੋਂ ਰੋਜ਼ਾਨਾ ਕਰੀਬ 28,000 ਕਾਰਾਂ ਲੰਘਦੀਆਂ ਹਨ। ਇਹ ਪੁਲ 22,000 ਕਿਊਬਿਕ ਮੀਟਰ ਕੰਕਰੀਟ ਦਾ ਬਣਿਆ ਹੈ, ਜਿਸ ਨਾਲ ਇਹ ਉੱਪਰ ਵੱਲ ਵਹਿ ਰਹੇ ਪਾਣੀ ਅਤੇ ਕਿਸ਼ਤੀਆਂ ਦੇ ਭਾਰ ਨੂੰ ਸਹਿਣ ਦੀ ਇਜਾਜ਼ਤ ਦਿੰਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
