ਹਰੀਸ਼ ਰਾਵਤ ਦਾ ਚੰਡੀਗੜ੍ਹ ‘ਚ ਅੱਜ ਮੀਟਿੰਗਾਂ ਦਾ ਦੂਜਾ ਦਿਨ ਸੀ ਬੀਤੇ ਦਿਨ ਉਨ੍ਹਾਂ ਵੱਲੋਂ ਨਵਜੋਤ ਸਿੱਧੂ ਨਾਲ ਮੁਲਾਕਾਤ ਕੀਤੀ ਗਈ | ਅੱਜ ਵਾਲੀ ਮੀਟਿੰਗ ਤੋਂ ਬਾਅਦ ਹਰੀਸ਼ ਰਾਵਤ ਦੇ ਵੱਲੋਂ ਮੀਡੀਆ ਸਾਹਮਣੇ ਵੱਡਾ ਬਿਆਨ ਦਿੱਤਾ ਗਿਆ | ਉਨ੍ਹਾਂ ਕਿਹਾ ਕਿ ਕਾਂਗਰਸ ਵਿੱਚ ਸਭ ਕੁਝ ਤਾਂ ਠੀਕ ਨਹੀਂ ਚੱਲ ਰਿਹਾ | ਇਸ ਲਈ ਮੈਂ ਮੀਡੀਆ ਤੋਂ ਕੁਝ ਵੀ ਲੁਕਾਉਣਾ ਨਹੀਂ ਚਾਹੁੰਦਾ |
ਜਿਹੜੇ ਮੰਤਰੀ ਦੇਹਰਾਦੂਨ ਮੈਨੂੰ ਮਿਲਣ ਗਏ ਸੀ ਉਹ ਨਾਰਾਜ਼ ਮੰਤਰੀ ਸਨ, ਉਹ ਮੈਨੂੰ ਮਿਲਣ ਨਹੀਂ ਆਏ, ਮੈਂ ਉਨ੍ਹਾਂ ਦਾ ਧੰਨਵਾਦ ਕਰਦਾ ਹਾਂ, ਨਹੀਂ ਤਾਂ ਮੀਡੀਆ ਨੂੰ ਮੇਰਾ ਸਾਰਾ ਦੌਰਾ ਉਨ੍ਹਾਂ ਨਾਲ ਜੋੜਨਾ ਦੇਣਾ ਸੀ।
ਉਨ੍ਹਾਂ ਕਿਹਾ ਚੰਗੀਆਂ ਚੀਜਾ ਮੀਡੀਆ ਤੋਂ ਲੁਕਾ ਕੇ ਰੱਖਣੀਆਂ ਚਾਹੀਦੀਆਂ ਹਨ ਨਹੀਂ ਤਾਂ ਮੀਡੀਆ ਦੀ ਦਿਲਚਸਪੀ ਤੁਹਾਡੇ ‘ਚ ਦਿਲਚਸਪੀ ਮੁੱਕ ਜਾਂਦੀ ਹੈ |
ਹਰੀਸ਼ ਰਾਵਤ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਕੁਝ ਕੰਮ ਕੀਤੇ ਜੋ ਬਹੁਤ ਚੰਗੇ ਸਨ ਜਿਸਦੀ ਅਸੀਂ ਕਦਰ ਨਹੀਂ ਕਰ ਪਾਏ | ਇਹ ਕੈਪਟਨ ਅਮਰਿੰਦਰ ਸਿੰਘ ਸਰਕਾਰ ਦੀ ਬਦੌਲਤ ਹੈ ਕਿ ਉਨ੍ਹਾਂ ਨੇ ਬਰਗਾੜੀ ਮਾਮਲੇ ਨੂੰ ਸੀਬੀਆਈ ਦੇ ਚੁੰਗਲ ਵਿੱਚੋਂ ਬਾਹਰ ਲਿਆਂਦਾ।
