Buzz Aldrin: ਚੰਦ ‘ਤੇ ਪੈਰ ਰੱਖਣ ਵਾਲੇ ਦੂਜੇ ਵਿਅਕਤੀ Buzz Aldrin ਨੇ ਆਪਣੇ 93ਵੇਂ ਜਨਮ ਦਿਨ ‘ਤੇ ਚੌਥੀ ਵਾਰ ਵਿਆਹ ਕਰਵਾਇਆ। ਦੱਸ ਦਈਏ ਕਿ ਸਾਬਕਾ ਅਮਰੀਕੀ ਪੁਲਾੜ ਯਾਤਰੀ ਬਜ਼ ਐਲਡ੍ਰਿਨ 1969 ਵਿੱਚ ਨਾਸਾ ਦੇ ਇਤਿਹਾਸਕ ਅਪੋਲੋ 11 ਮਿਸ਼ਨ ਦਾ ਹਿੱਸਾ ਸੀ। ਜਿਸ ਨੇ ਸਭ ਤੋਂ ਪਹਿਲਾਂ ਚੰਦਰਮਾ ‘ਤੇ ਕਦਮ ਰੱਖਿਆ ਸੀ। ਇਸ ਮਿਸ਼ਨ ਦੀ ਅਗਵਾਈ ਨੀਲ ਆਰਮਸਟ੍ਰਾਂਗ ਨੇ ਕੀਤੀ ਸੀ, ਜੋ ਚੰਦਰਮਾ ‘ਤੇ ਉਤਰਨ ਵਾਲਾ ਦੁਨੀਆ ਦਾ ਪਹਿਲਾ ਮਨੁੱਖ ਸੀ। ਜਦੋਂ ਕਿ ਨੀਲ ਆਰਮਸਟਰਾਂਗ ਤੋਂ ਬਾਅਦ ਚੰਦ ‘ਤੇ ਚੱਲਣ ਵਾਲਾ ਬਜ਼ ਐਲਡ੍ਰਿਨ ਦੂਜਾ ਵਿਅਕਤੀ ਸੀ।
ਬਜ਼ ਐਲਡ੍ਰਿਨ ਚੰਦਰਮਾ ‘ਤੇ ਸੈਰ ਕਰਨ ਵਾਲੇ ਚਾਰ ਜੀਵਿਤ ਲੋਕਾਂ ਚੋਂ ਇੱਕ ਹੈ। ਬੀਬੀਸੀ ਮੁਤਾਬਕ ਸਾਬਕਾ ਅਮਰੀਕੀ ਪੁਲਾੜ ਯਾਤਰੀ ਬਜ਼ ਐਲਡਰਿਨ ਨੇ ਆਪਣੇ 93ਵੇਂ ਜਨਮਦਿਨ ‘ਤੇ ਲਾਸ ਏਂਜਲਸ ਵਿੱਚ ਆਪਣੇ ਤੋਂ 30 ਸਾਲ ਛੋਟੇ ਡਾਕਟਰ ਐਂਕਾ ਫੌਰ ਨਾਲ ਵਿਆਹ ਕੀਤਾ।
ਟਵਿੱਟਰ ‘ਤੇ ਆਪਣੇ ਵਿਆਹ ਦਾ ਐਲਾਨ ਕਰਦਿਆਂ ਸਾਬਕਾ ਅਮਰੀਕੀ ਪੁਲਾੜ ਯਾਤਰੀ ਨੇ ਕਿਹਾ: ‘ਮੇਰੇ 93ਵੇਂ ਜਨਮਦਿਨ ‘ਤੇ ਜਿਸ ਦਿਨ ਮੈਨੂੰ ਲਿਵਿੰਗ ਲੈਜੇਂਡਸ ਆਫ ਏਵੀਏਸ਼ਨ ਦੁਆਰਾ ਸਨਮਾਨਿਤ ਕੀਤਾ ਜਾਵੇਗਾ, ਮੈਨੂੰ ਇਹ ਐਲਾਨ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਮੈਂ ਅਤੇ ਡਾ: ਐਂਕਾ ਫੌਰ ਇਸ ਦਿਨ ਵਿਆਹ ਦੇ ਬੰਧਨ ਵਿਚ ਬੱਝ ਗਏ ਹਾਂ।’
On my 93rd birthday & the day I will also be honored by Living Legends of Aviation I am pleased to announce that my longtime love Dr. Anca Faur & I have tied the knot.We were joined in holy matrimony in a small private ceremony in Los Angeles & are as excited as eloping teenagers pic.twitter.com/VwMP4W30Tn
— Dr. Buzz Aldrin (@TheRealBuzz) January 21, 2023
ਬਜ਼ ਐਲਡਰਿਨ ਦੀ 63 ਸਾਲਾ ਪਤਨੀ ਨੇ ਕੈਮੀਕਲ ਇੰਜਨੀਅਰਿੰਗ ਵਿੱਚ ਪੀਐਚਡੀ ਕੀਤੀ ਹੈ ਤੇ ਇਸ ਸਮੇਂ ਉਹ ਆਪਣੇ ਪਤੀ ਦੀ ਕੰਪਨੀ ਦੀ ਉਪ ਪ੍ਰਧਾਨ ਹੈ। ਚੰਦਰਮਾ ‘ਤੇ ਕਦਮ ਰੱਖਣ ਤੋਂ ਪਹਿਲਾਂ ਐਲਡਰਿਨ ਕੋਰੀਆਈ ਯੁੱਧ ਦੌਰਾਨ ਅਮਰੀਕੀ ਹਵਾਈ ਸੈਨਾ ਲਈ ਲੜਾਕੂ ਮਿਸ਼ਨਾਂ ‘ਤੇ ਲੜਾਕੂ ਪਾਇਲਟ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
