Navjot Sidhu at Moosa Village: ਪੰਜਾਬ ਕਾਂਗਰਸ ਦੇ ਆਗੂ ਨਵਜੋਤ ਸਿੰਘ ਸਿੱਧੂ 01 ਅਪ੍ਰੈਲ ਨੂੰ ਪਟਿਆਲਾ ਜੇਲ੍ਹ ਚੋਂ ਰਿਹਾਅ ਹੋਏ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਹੁਣ 03 ਅਪ੍ਰੈਲ ਨੂੰ ਮਰਹੂਮ ਸਿੰਗਰ ਸਿੱਧੂ ਮੂਸੇਵਾਲਾ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ। ਨਵਜੋਤ ਸਿੱਧੂ ਸੋਮਵਾਰ ਨੂੰ ਪਿੰਡ ਮੂਸੇ ਵਿਖੇ ਸਿੰਗਰ ਸਿੱਧੂ ਮੂਸੇਵਾਲਾ ਦੇ ਘਰ ਪਹੁੰਚੇ।
ਮੂਸਾ ਪਿੰਡ ਪਹੁੰਚੇ ਨਵਜੋਤ ਸਿੱਧੂ ਨੇ ਮੂਸੇਵਾਲਾ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ। ਇਸ ਤੋਂ ਬਾਅਦ ਸਿੱਧੂ ਨੇ ਮੂਸੇਵਾਲਾ ਦੇ ਪਰਿਵਾਰ ਸਮੇਤ ਮੀਡੀਆ ਨਾਲ ਗੱਲਬਾਤ ਕੀਤੀ। ਸਿੱਧੂ ਨੇ ਮੂਸੇਵਾਲਾ ਦੇ ਕਤਲ ਲਈ ‘ਆਪ’ ਸਰਕਾਰ ਨੂੰ ਜ਼ਿੰਮੇਵਾਰ ਠਹਿਰਾਉਂਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਸੁਰੱਖਿਆ ਘਟਾ ਕੇ ਸੂਚੀ ਜਨਤਕ ਕਿਉਂ ਕੀਤੀ ਗਈ।
ਨਾਲ ਹੀ ਉਨ੍ਹਾਂ ਪੰਜਾਬ ਵਿੱਚ ਅਮਨ-ਕਾਨੂੰਨ ਦੀ ਸਥਿਤੀ ’ਤੇ ਸਵਾਲ ਉਠਾਉਂਦਿਆਂ ਕਿਹਾ ਕਿ ਕੀ ਸਰਕਾਰ ਅਪਰਾਧ ਦੀ ਰਾਖੀ ਹੈ ਜਾਂ ਅਪਰਾਧ ਕਰਨ ਵਾਲੀ। ਦੱਸ ਦਈਏ ਕਿ ਨਵਜੋਤ ਸਿੱਧੂ ਤੇ ਰਾਜਾ ਵੜਿੰਗ ਹੀ ਸਿੱਧੂ ਮੂਸੇਵਾਲਾ ਨੂੰ ਕਾਂਗਰਸ ਵਿੱਚ ਲੈ ਕੇ ਆਏ ਸੀ। ਉਨ੍ਹਾਂ ਨੂੰ ਵੀ ਹਾਈਕਮਾਂਡ ਨੇ ਸਿੱਧੂ ਦੀ ਸਲਾਹ ‘ਤੇ ਹੀ ਚੋਣ ਟਿਕਟ ਦਿੱਤੀ ਸੀ। ਇਹ ਨਵਜੋਤ ਸਿੱਧੂ ਹੀ ਸੀ ਜਿਸ ਨੇ ਸਿੱਧੂ ਮੂਸੇਵਾਲਾ ਨੂੰ ਰਾਹੁਲ ਗਾਂਧੀ ਨਾਲ ਵੀ ਮਿਲਾਇਆ ਸੀ।
ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੱਧੂ ਨੇ ਆਪਣੀ ਸੁਰੱਖਿਆ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਜੋ ਸਿੱਧੂ ਮੂਸੇਵਾਲਾ ਨਾਲ ਹੋਇਆ, ਉਹੀ ਮੇਰੇ ਨਾਲ ਹੋ ਰਿਹਾ ਹੈ। 13 ਬੰਦੂਕਧਾਰੀ ਬਚੇ ਹਨ। ਉਹ ਚਾਹੁੰਦੇ ਹਨ ਕਿ ਮੈਂ ਨਿਰਾਸ਼ ਹੋਵਾਂ ਤੇ ਘਰ ਤੋਂ ਬਾਹਰ ਨਾ ਜਾਵਾਂ। ਮੈਂ ਆਪਣਾ ਸੀਨਾ ਠੋਕ ਕੇ ਆਖਦਾ ਹਾਂ, ਮੈਂ ਮੌਤ ਤੋਂ ਨਹੀਂ ਡਰਦਾ। ਲਾਭ ਤੇ ਨੁਕਸਾਨ ਤੋਂ ਉੱਪਰ ਹਾਂ। ਮੇਰੀ ਸੁਰੱਖਿਆ ਵਾਪਸ ਲੈ ਕੇ ਮੈਨੂੰ ਚੁੱਪ ਨਹੀਂ ਕਰਵਾਇਆ ਜਾ ਸਕਦਾ।
ਗੈਂਗਸਟਰਾਂ ਬਾਰੇ ਬੋਲੇ ਸਿੱਧੂ
ਕੌਣ ਹੈ ਗੈਂਗਸਟਰ? ਗੈਂਗਸਟਰ ਸਾਡੇ ਹੀ ਗੁੰਮਰਾਹ ਨੌਜਵਾਨ ਹਨ ਜੋ ਜੇਲ੍ਹਾਂ ਵਿੱਚ ਬੰਦ ਹਨ। ਜਿਨ੍ਹਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਗੁੰਮਰਾਹ ਹੋਏ ਲੋਕਾਂ ਨੂੰ ਵਾਪਸ ਲਿਆਇਆ ਜਾ ਸਕਦਾ ਹੈ, ਪਰ ਜੇ ਉਨ੍ਹਾਂ ਦੀ ਵਰਤੋਂ ਬੰਦ ਕਰ ਦਿੱਤੀ ਜਾਵੇ। ਇਨ੍ਹਾਂ ਪਿੱਛੇ ਗੰਦੀ ਰਾਜਨੀਤੀ ਹੈ। ਮੂਸੇਵਾਲਾ ਵਰਗੇ ਬੱਚੇ ਦੀ ਸੁਰੱਖਿਆ ਵਾਪਸ ਲੈ ਲਈ ਗਈ ਪਰ ਗੈਂਗਸਟਰਾਂ ਨੂੰ ਜ਼ੈੱਡ ਪਲੱਸ ਸੁਰੱਖਿਆ ਦਿੱਤੀ ਗਈ।
ਜੇਲ੍ਹਾਂ ‘ਚ ਲਗਾਏ ਜਾਣ ਸੈਟੇਲਾਈਟ
ਜੇਲ੍ਹ ਮੰਤਰੀ (ਹਰਜੋਤ ਬੈਂਸ) ਕਿਸੇ ਸਮੇਂ ਮੈਨੂੰ ਗੁਰੂ ਕਹਿੰਦੇ ਸੀ। ਮੈਂ ਪੁੱਛਦਾ ਹਾਂ ਕਿ 10 ਰੁਪਏ ਜੇਲ੍ਹ ਅੰਦਰ ਨਹੀਂ ਜਾਂਦੇ, 2 ਹਜ਼ਾਰ ਰੁਪਏ ਕਿਵੇਂ ਚਲੇ ਗਏ। ਅਮਰੀਕਾ, ਕੈਨੇਡਾ ਸਮੇਤ ਵਿਦੇਸ਼ਾਂ ਦੀਆਂ ਜੇਲ੍ਹਾਂ ਅੰਦਰ ਸੈਟੇਲਾਈਟ ਲਗਾਏ ਗਏ ਹਨ। ਸਾਡੇ ਕੋਲ 2ਜੀ ਜੈਮਰ ਹਨ ਅਤੇ ਗੈਂਗਸਟਰਾਂ ਕੋਲ 5ਜੀ ਫੋਨ ਹਨ। ਸੈਟੇਲਾਈਟ ਨਾਲ ਜੇਲ੍ਹ ਨੂੰ 1 ਕਰੋੜ ਰੁਪਏ ਵਿੱਚ ਸੀਲ ਕਰ ਦੇਣਾ ਚਾਹਿਦਾ ਹੈ।
ਉਨ੍ਹਾਂ ਅੱਗੇ ਕਿਹਾ ਕਿ ਫਿਰ ਜੇਲ੍ਹ ਸੁਧਾਰ ਘਰ ਬਣ ਜਾਣਗੀਆਂ। ਪੰਜਾਬ ਦੀ ਜੇਲ੍ਹ ਅਪਰਾਧਾਂ ਲਈ ਸੁਵਿਧਾ ਕੇਂਦਰ ਬਣ ਚੁੱਕੀ ਹੈ। ਇਹ ਸੁਧਾਰ ਘਰ ਨਹੀਂ ਰਿਹਾ। ਗੈਂਗਸਟਰ (ਲਾਰੈਂਸ) ਜੇਲ੍ਹ ਤੋਂ ਇੰਟਰਵਿਊ ਦੇ ਰਿਹਾ ਹੈ। ਜੇਲ੍ਹਾਂ ਵਿੱਚ ਇੱਕ ਜਰਦੇ ਦੀ ਪੁੜੀ ਲਈ ਨਿਯਮ ਦੇ ਉਲਟ ਅੰਡਰ ਟਰਾਇਲ ਕੈਦੀਆਂ ਤੋਂ ਸਾਰਾ ਦਿਨ ਕੰਮ ਕਰਵਾਇਆ ਜਾਂਦਾ ਹੈ। ਮੂਸੇਵਾਲਾ ਦਾ ਬਾਪ ਪੂਰੇ ਪੰਜਾਬ ਦਾ ਬੋਝ ਚੁੱਕ ਕੇ ਘੁੰਮ ਰਿਹਾ ਹੈ।
ਦੱਸ ਦਈਏ ਕਿ ਨਵਜੋਤ ਸਿੱਧੂ ਆਪਣੇ ਪਰਿਵਾਰ ਨੂੰ ਨਹੀਂ ਮਿਲ ਸਕੇ ਕਿਉਂਕਿ ਸਿੱਧੂ ਮੂਸੇਵਾਲਾ ਦੇ ਕਤਲ ਸਮੇਂ ਉਹ ਜੇਲ੍ਹ ਵਿੱਚ ਸਨ। ਹਾਲਾਂਕਿ ਸਿੱਧੂ ਦੇ ਟਵਿਟਰ ਅਕਾਊਂਟ ‘ਤੇ ਦੁੱਖ ਪ੍ਰਗਟ ਕੀਤਾ ਗਿਆ। ਇਸ ਦੌਰਾਨ ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਨੇ ਐਤਵਾਰ ਨੂੰ ਕਿਹਾ ਕਿ ਉਹ ਜਲੰਧਰ ਉਪ ਚੋਣ ਦੌਰਾਨ ਸਰਕਾਰ ਵਿਰੁੱਧ ਪ੍ਰਚਾਰ ਕਰਨਗੇ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
