Salman Khan Galaxy Apratment: ਜਦੋਂ ਵੀ ਹਿੰਦੀ ਸਿਨੇਮਾ ਦੇ ਦਿੱਗਜ਼ ਕਲਾਕਾਰਾਂ ਦਾ ਜ਼ਿਕਰ ਹੋਵੇਗਾ ਤਾਂ ਉਸ ਵਿੱਚ ਸਲਮਾਨ ਖਾਨ ਦਾ ਨਾਂ ਜ਼ਰੂਰ ਸ਼ਾਮਲ ਹੋਵੇਗਾ। ਸਲਮਾਨ ਖਾਨ ਆਪਣੀ ਸ਼ਾਨਦਾਰ ਅਦਾਕਾਰੀ ਅਤੇ ਦਰਿਆਦਿਲੀ ਲਈ ਜਾਣੇ ਜਾਂਦੇ ਹਨ।
ਬਾਲੀਵੁੱਡ ਮੈਗਾ-ਸੁਪਰਸਟਾਰ ਹੋਣ ਦੇ ਬਾਵਜੂਦ, ਸਲਮਾਨ ਦੋ ਕਮਰਿਆਂ ਵਾਲੇ ਗਲੈਕਸੀ ਅਪਾਰਟਮੈਂਟ ਵਿੱਚ ਰਹਿੰਦੇ ਹਨ। ਅਜਿਹੇ ‘ਚ ਹਰ ਕੋਈ ਜਾਣਦਾ ਹੈ ਕਿ ਇੰਨੇ ਅਮੀਰ ਹੋਣ ਦੇ ਬਾਵਜੂਦ ਸਲਮਾਨ ਬਾਕੀ ਫਿਲਮੀ ਕਲਾਕਾਰਾਂ ਦੀ ਤਰ੍ਹਾਂ ਕਿਸੇ ਬੰਗਲੇ ਜਾਂ ਵਿਲਾ ‘ਚ ਕਿਉਂ ਨਹੀਂ ਰਹਿੰਦੇ, ਆਓ ਜਾਣਦੇ ਹਾਂ ਇਸ ਬਾਰੇ।
ਸਲਮਾਨ ਖਾਨ ਬੰਗਲੇ ‘ਚ ਕਿਉਂ ਨਹੀਂ ਰਹਿੰਦੇ?
ਕਾਫੀ ਸਮੇਂ ਤੋਂ ਸਲਮਾਨ ਖਾਨ ਮੁੰਬਈ ਦੇ ਬ੍ਰਾਂਡਾ ‘ਚ ਸਥਿਤ ਦੋ ਕਮਰਿਆਂ ਵਾਲੇ ਗਲੈਕਸੀ ਅਪਾਰਟਮੈਂਟ ‘ਚ ਰਹਿ ਰਹੇ ਹਨ। ਇਸ ਅਪਾਰਟਮੈਂਟ ‘ਚ ਸਲਮਾਨ ਖਾਨ ਆਪਣੇ ਪੂਰੇ ਪਰਿਵਾਰ, ਮਾਤਾ-ਪਿਤਾ, ਦੋ ਭਰਾਵਾਂ ਅਤੇ ਉਨ੍ਹਾਂ ਦੇ ਬੱਚਿਆਂ ਨਾਲ ਰਹਿੰਦੇ ਹਨ।
ਸਾਲ 2019 ਵਿੱਚ, ਸਲਮਾਨ ਖਾਨ ਨੇ ਰਜਤ ਸ਼ਰਮਾ ਦੇ ਸ਼ੋਅ ਆਪਕੀ ਅਦਾਲਤ ਵਿੱਚ ਹਿੱਸਾ ਲਿਆ ਸੀ। ਇਸ ਦੌਰਾਨ ਸਲਮਾਨ ਤੋਂ ਸਵਾਲ ਪੁੱਛਿਆ ਗਿਆ ਕਿ ਇੰਨੇ ਅਮੀਰ ਹੋਣ ਦੇ ਬਾਵਜੂਦ ਉਹ ਦੋ ਕਮਰਿਆਂ ਵਾਲੇ ਗਲੈਕਸੀ ਅਪਾਰਟਮੈਂਟ ‘ਚ ਕਿਉਂ ਰਹਿੰਦੇ ਹਨ। ਇਸ ‘ਤੇ ਸਲਮਾਨ ਖਾਨ ਨੇ ਦੱਸਿਆ ਕਿ ‘ਉਨ੍ਹਾਂ ਦੇ ਵਲੀਦ ਯਾਨੀ ਪਿਤਾ ਸਲੀਮ ਖਾਨ ਜ਼ਿਆਦਾ ਮੂਵ ਕਰਨਾ ਨਹੀਂ ਚਾਹੁੰਦੇ ਹਨ।
ਉਹ ਇੱਕ ਕਮਰੇ ਤੋਂ ਦੋ ਕਮਰੇ, ਖੱਬੇ ਮੋੜ ਅਤੇ ਸੱਜੇ ਮੋੜ, ਇੱਕ ਖਿੜਕੀ ਅਤੇ ਸਵੇਰ-ਸ਼ਾਮ ਬਾਲਕੋਨੀ ਵਿੱਚ ਸਮਾਂ ਬਿਤਾਉਣਾ ਪਸੰਦ ਕਰਦੇ ਹਨ। ਮੈਨੂੰ ਆਪਣਾ ਘਰ ਵੀ ਬਹੁਤ ਪਸੰਦ ਹੈ ਅਤੇ ਮੈਨੂੰ ਉਹ ਚੀਜ਼ਾਂ ਪਸੰਦ ਹਨ ਜੋ ਮੇਰੀ ਜ਼ਿੰਦਗੀ ਵਿਚ ਆਉਂਦੀਆਂ ਹਨ ਅਤੇ ਜਿਨ੍ਹਾਂ ਨਾਲ ਮੇਰਾ ਮੋਹ ਹੈ, ਉਹ ਮੇਰੇ ਕੋਲੋਂ ਜਲਦੀ ਨਹੀਂ ਛੱਡੇ ਜਾਂਦੇ, ਉਹ ਗੱਲ ਵੱਖਰੀ ਹੈ ਕਿ ਉਹ ਮੈਨੂੰ ਆਪਣੇ ਆਪ ਛੱਡ ਦਿੰਦੇ ਹਨ। ਰਹਿਣ ਲਈ ਤਾਂ ਵੱਖ ਰਹਿ ਲਇਏ ਪਰ ਮੋਹ ਵੱਧ ਹੈ।
‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਦੀ ਧਮਾਲ ਜਾਰੀ…
ਹਾਲ ਹੀ ‘ਚ ਸਲਮਾਨ ਖਾਨ ਦੀ ਮੋਸਟ ਅਵੇਟਿਡ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਰਿਲੀਜ਼ ਹੋਈ ਹੈ। ਆਲਮ ਇਹ ਹੈ ਕਿ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਬਾਕਸ ਆਫਿਸ ‘ਤੇ ਧਮਾਕੇਦਾਰ ਕਮਾਈ ਕਰ ਰਹੀ ਹੈ। ਟ੍ਰੇਡ ਐਨਾਲਿਸਟ ਤਰਣ ਆਦਰਸ਼ ਮੁਤਾਬਕ ਸਲਮਾਨ ਖਾਨ ਦੀ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਨੇ ਰਿਲੀਜ਼ ਦੇ 3 ਦਿਨਾਂ ‘ਚ 68.17 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ।
