Gangster Goldy Brar Interview: ਗੈਂਗਸਟਰ ਗੋਲਡੀ ਬਰਾੜ ਨੇ ਇੱਕ ਨਿੱਜੀ ਨਿਊਜ਼ ਚੈਨਲ ਨੂੰ ਖਾਸ ਇੰਟਰਵਿਊ ਦਿੱਤਾ। ਜਿਸ ਤੋਂ ਬਾਅਦ ਅਪਰਾਧ ਦੀ ਦੁਨੀਆ ‘ਚ ਹਲਚਲ ਮਚ ਗਈ ਹੈ। ਇੰਨਾ ਹੀ ਨਹੀਂ ਗੋਲਡੀ ਬਰਾੜ ਨੇ ਇਹ ਕਹਿਣ ਤੋਂ ਵੀ ਗੁਰੇਜ਼ ਨਹੀਂ ਕੀਤਾ ਕਿ ਹੁਣ ਅਗਲਾ ਨਿਸ਼ਾਨਾ ਸਲਮਾਨ ਖ਼ਾਨ ਹੈ। ਕਥਿਤ ਤੌਰ ‘ਤੇ ਹੁਣ ਇੱਕ ਟੀਵੀ ਚੈਨਲ ਨੂੰ ਦਿੱਤੇ ਇੰਟਰਵਿਊ ਦੌਰਾਨ ਗੋਲਡੀ ਬਰਾੜ ਨੇ ਆਪਣੇ ਖ਼ਤਰਨਾਕ ਇਰਾਦਿਆਂ ਦਾ ਖੁਲਾਸਾ ਕੀਤਾ ਹੈ।
ਗੈਂਗਸਟਰ ਗੋਲਡੀ ਬਰਾੜ ਨੇ ਹਾਲ ਹੀ ਵਿੱਚ ਪੁਸ਼ਟੀ ਕੀਤੀ ਹੈ ਕਿ ਐਕਟਰ ਸਲਮਾਨ ਖ਼ਾਨ ਅਸਲ ਵਿੱਚ ਉਸਦੀ ਹਿੱਟ ਲਿਸਟ ਵਿੱਚ ਹੈ। ਇਸ ਦੇ ਨਾਲ ਹੀ ਪੰਜਾਬੀ ਗਾਇਕ-ਸਿਆਸਤਦਾਨ ਸਿੱਧੂ ਮੂਸੇਵਾਲਾ ਦੇ ਕਤਲ ਲਈ ਵੀ ਗੋਲਡੀ ਬਰਾੜ ਦਾ ਗੈਂਗ ਜ਼ਿੰਮੇਵਾਰ ਹੈ। ਇੰਟਰਵਿਊ ‘ਚ ਗੋਲਡੀ ਨੇ ਹੁਣ ਕਈ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ ਹਨ।
ਦੱਸੀ ਸਿੱਧੂ ਦੇ ਕਤਲ ਦੀ ਵਜ੍ਹਾ
ਸਿੱਧੂ ਮੂਸੇਵਾਲਾ ਦੇ ਕਤਲ ਦਾ ਇਕਬਾਲ ਕਰਦੇ ਹੋਏ ਗੋਲਡੀ ਬਰਾੜ ਨੇ ਇੱਕ ਟੀਵੀ ਨਿਊਜ਼ ਚੈਨਲ ਨੂੰ ਇੰਟਰਵਿਊ ਵਿੱਚ ਕਿਹਾ ਕਿ ‘ਉਸਨੇ ਇਹ ਬਹੁਤ ਸੋਚ ਸਮਝ ਕੇ ਕੀਤਾ ਹੈ’। ਇਸ ਦੇ ਲਈ ਜਿੰਨੀਆਂ ਵੀ ਕੁਰਬਾਨੀਆਂ ਕਰਨੀਆਂ ਪਈਆਂ, ਅਸੀਂ ਦੇਵਾਂਗੇ, ਪਰ ਜੋ ਜ਼ਰੂਰੀ ਸੀ ਅਸੀਂ ਕੀਤਾ। ਮੂਸੇਵਾਲਾ ਦੀ ਹੱਤਿਆ ਦਾ ਕਾਰਨ ਦੱਸਦੇ ਹੋਏ ਗੋਲਡੀ ਬਰਾੜ ਨੇ ਕਿਹਾ, ‘ਉਹ ਬਹੁਤ ਹੰਕਾਰੀ ਅਤੇ ਵਿਗੜਿਆ ਹੋਇਆ ਸੀ। ਉਸ ਕੋਲ ਲੋੜ ਤੋਂ ਵੱਧ ਪੈਸੇ ਸੀ। ਸਿਆਸੀ ਤਾਕਤ ਅਤੇ ਪੁਲਿਸ ਦੀ ਤਾਕਤ ਲੋੜ ਤੋਂ ਵੱਧ ਸੀ, ਜਿਸ ਦੀ ਦੁਰਵਰਤੋਂ ਹੋ ਰਹੀ ਸੀ। ਉਸ ਨੂੰ ਸਬਕ ਸਿਖਾਉਣਾ ਜ਼ਰੂਰੀ ਸੀ।
ਗੋਲਡੀ ਬਰਾੜ ਨੇ ਅੱਗੇ ਕਿਹਾ, ‘ਉਸ ਨੇ ਸਾਨੂੰ ਕੁਝ ਅਜਿਹਾ ਨਿੱਜੀ ਨੁਕਸਾਨ ਪਹੁੰਚਾਇਆ, ਕੁਝ ਅਜਿਹੀਆਂ ਗਲਤੀਆਂ ਕੀਤੀਆਂ ਹਨ ਜੋ ਮਾਫੀ ਦੇ ਹੱਕਦਾਰ ਨਹੀਂ ਸੀ। ਵਿੱਕੀ ਮਿੱਡੂਖੇੜਾ ਦੇ ਕਤਲ ਤੋਂ ਬਾਅਦ ਮੈਂ ਕਈ ਪੱਤਰਕਾਰਾਂ ਨੂੰ ਫੋਨ ਕੀਤਾ। ਸਿੱਧੂ ਨੂੰ ਮਾਰਨ ਤੋਂ ਪਹਿਲਾਂ ਇੱਕ ਪੱਤਰਕਾਰ ਨੂੰ ਫੋਨ ਕੀਤਾ ਸੀ ਕਿ ਉਸਦਾ ਨਾਮ ਜਨਤਕ ਤੌਰ ‘ਤੇ ਆ ਰਿਹਾ ਹੈ। ਪੁਲਿਸ ਕੁਝ ਨਹੀਂ ਕਰ ਰਹੀ। ਕਾਂਗਰਸ ਦੀ ਸਰਕਾਰ ਹੈ। ਇਸ ਦਾ ਮੁੱਖ ਮੰਤਰੀ ਨਾਲ ਉੱਠਣਾ-ਬੈਠਣਾ ਹੈ। ਕੋਈ ਤਾਂ ਪੁੱਛੋ, ਇਸ ਦਾ ਨਾਂ ਆਇਆ ਤੇ ਉਹ ਅਫਸਰਾਂ ਨਾਲ ਸ਼ਰੇਆਮ ਘੁੰਮ ਰਿਹਾ ਹੈ।
‘ਸਲਮਾਨ ਜੋ ਜ਼ਰੂਰ ਮਾਰੇਗਾ’
ਐਕਟਰਸ ਸਲਮਾਨ ਖ਼ਾਨ ਲਈ ਗੋਲਡੀ ਬਰਾੜ ਨੇ ਕਿਹਾ, ‘ਅਸੀਂ ਉਸ ਨੂੰ ਮਾਰਾਂਗੇ, ਜ਼ਰੂਰ ਮਾਰਾਂਗੇ। ਭਾਈ ਸਾਹਿਬ (ਲਾਰੈਂਸ) ਨੇ ਉਸਨੂੰ ਮੁਆਫੀ ਮੰਗਣ ਲਈ ਕਿਹਾ ਸੀ, ਪਰ ਉਸਨੇ ਨਹੀਂ ਮੰਗੀ। ਜਿਵੇਂ ਕਿ ਅਸੀਂ ਪਹਿਲਾਂ ਵੀ ਕਿਹਾ ਹੈ। ਇਹ ਸਿਰਫ ਸਲਮਾਨ ਖ਼ਾਨ ਦੀ ਗੱਲ ਨਹੀਂ ਹੈ। ਜੋ ਕੋਈ ਸਾਡਾ ਦੁਸ਼ਮਣ ਹੈ, ਅਸੀਂ ਉਨ੍ਹਾਂ ਨੂੰ ਮਾਰ ਦੇਵਾਂਗੇ। ਸਲਮਾਨ ਖ਼ਾਨ ਸਾਡਾ ਨਿਸ਼ਾਨਾ ਹੈ।’
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
