ਬੈਂਗਲੁਰੂ ਮੈਟਰੋ ਰੇਲ ਕਾਰਪੋਰੇਸ਼ਨ ਵਲੋਂ ਇਕ ਮਾਮਲਾ ਸਾਹਮਣੇ ਆਇਆ ਹੈ।ਇੱਥੇ ਬੀਐਮਆਰਸੀਐਲ ਕਰਮਚਾਰੀਆਂ ਨੇ ਇਕ ਕਿਸਾਨ ਨੂੰ ਟ੍ਰੇਨ ‘ਚ ਚੜ੍ਹਨ ਤੋਂ ਰੋਕਿਆ, ਕਾਰਨ ਸਿਰਫ ਇਹ ਸੀ ਕਿ ਕਿਸਾਨ ਨੇ ਫਟੇ ਕੱਪੜੇ ਪਾਏ ਹੋਏ ਸਨ।ਉਸਦੀ ਇਹ ਹਰਕਤ ਕੈਮਰੇ ‘ਚ ਕੈਦ ਹੋ ਗਈ, ਜਿਸ ਤੋਂ ਬਾਅਦ ਸੁਰੱਖਿਆ ਸੁਪਰਵਾਈਜ਼ਰ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ।ਮੈਟਰੋ ਟ੍ਰੇਨ ‘ਚ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਹੇ ਕਿਸਾਨ ਨੇ ਫਟੇ ਕੱਪੜੇ ਪਾਏ ਹੋਏ ਸਨ ਤੇ ਸਿਰ ‘ਤੇ ਬੈਗ ਸੀ।
ਬੀਐਮਆਰੀਸੀਐਲ ਦੇ ਐਮਡੀ ਐਮ ਮਹੇਸ਼ਵਰ ਰਾਓ ਨੇ ਬਰਖਾਸਤਗੀ ਦੇ ਹੁਕਮ ਜਾਰੀ ਕੀਤੇ ਅਤੇ ਜਾਂਚ ਦਾ ਭਰੋਸਾ ਵੀ ਦਿੱਤਾ।ਬੀਐਮਆਰੀਸੀਐਲ਼ ਨੇ ਸੋਸ਼ਲ ਮੀਡੀਆ ‘ਤੇ ਕਿਹਾ, ”ਨੰਮਾ ਮੈਟਰੋ ਇਕ ਜਨਤਕ ਆਵਾਜਾਈ ਹੈ।ਰਾਜਾਜੀਨਗਰ ‘ਚ ਵਾਪਰੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।ਸੁਰੱਖਿਆ ਸੁਪਰਵਾਈਜ਼ਰ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ।ਬੀਐਮਆਰੀਸੀਐਲ ਯਾਤਰੀਆਂ ਨੂੰ ਹੋਈ ਅਸੁਵਿਧਾ ਲਈ ਅਫਸੋਸ ਪ੍ਰਗਟ ਕਰਦਾ ਹੈ।
ਕਾਰਤਿਕ ਸੀ. ਏਰਾਨੀ ਨਾਂ ਦੇ ਯਾਤਰੀ ਨੇ ਅਧਿਕਾਰੀਆਂ ਨੂੰ ਸਵਾਲ ਕੀਤਾ ਸੀ ਜਦੋਂ ਕਿਸਾਨ ਨੂੰ ਟਿਕਟ ਖ੍ਰੀਦਣ ਤੋਂ ਬਾਅਦ ਵੀ ਟ੍ਰੇਨ ‘ਚ ਨਹੀਂ ਚੜ੍ਹਨ ਦਿੱਤਾ ਗਿਆ।ਇਸ ਗੱਲ ਨੂੰ ਲੈ ਕੇ ਸੁਰੱਖਿਆ ਸੁਪਰਵਾਈਜ਼ਰ ਨਾਲ ਉਨ੍ਹਾਂ ਦੀ ਤਿੱਖੀ ਬਹਿਸ ਹੋਈ।ਪਰ ਸੁਰੱਖਿਆ ਨੇ ਜਵਾਬ ਦਿੱਤਾ ਕਿ ਜੇਕਰ ਕਿਸਾਨ ਨੂੰ ਅੰਦਰ ਜਾਣ ਦਿੱਤਾ ਗਿਆ ਤਾਂ ਹੋਰ ਯਾਤਰੀ ਪ੍ਰੇਸ਼ਾਨ ਹੋਣਗੇ।
