ਟੀਵੀ ਦੀ ਲਾਫਟਰ ਕੁਈਨ ਭਾਰਤੀ ਸਿੰਘ ਨੂੰ ਅੱਜ ਕੌਣ ਨਹੀਂ ਜਾਣਦਾ।ਜਮੀਨ ਤੋਂ ਉੱਠ ਕੇ ਆਸਮਾਨ ਤੱਕ ਪਹੁੰਚਣ ਦਾ ਸਫਰ ਭਾਰਤੀ ਨੇ ਬੜੀਆਂ ਮੁਸ਼ਕਿਲਾਂ ਨਾਲ ਤੈਅ ਕੀਤਾ ਹੈ।ਭਾਰਤੀ ਆਪਣੀ ਪ੍ਰੋਫੈਸ਼ਨਲ ਲਾਈਫ ਦੇ ਇਲਾਵਾ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਕਾਫੀ ਚਰਚਾ ‘ਚ ਰਹਿੰਦੀ ਹੈ।ਕਾਮੇਡੀਅਨ ਆਪਣੇ ਫੈਨਜ਼ ਦੇ ਨਾਲ ਆਪਣੇ ਡੇਲੀ ਵਲਾਗਸ ਵੀ ਸ਼ੇਅਰ ਕਰਦੀ ਰਹਿੰਦੀ ਹੈ।ਹੁਣ ਹਾਲ ਹੀ ‘ਚ, ਭਾਰਤੀ ਨੇ ਇਕ ਵਲਾਗ ਦੇ ਰਾਹੀਂ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਦਰਦ ਦੇ ਕਾਰਨ ਹਸਪਤਾਲ ‘ਚ ਭਰਤੀ ਹੋਣਾ ਪਿਆ ਹੈ।
ਆਓ ਜਾਣਦੇ ਹਾਂ ਕਿ ਪੂਰਾ ਮਾਮਲਾ ਕੀ ਹੈ…
ਭਾਰਤੀ ਦੀ ਆਪਣੇ ਯੂਟਿਊਬ ਹੈਂਡਲ ‘ਤੇ ਬਹੁਤ ਵੱਡੀ ਫੈਨ ਫਾਲੋਇੰਗ ਹੈ, ਜਿਸ ‘ਚ ਉਹ ਆਪਣੇ ਪਤੀ ਹਰਸ਼ ਲਿੰਬਾਚੀਆ ਦੇ ਨਾਲ ਅਕਸਰ ਆਪਣੇ ਡੇਲੀ ਦੇ ਵੀਡiਓ ਸਾਂਝਾ ਕਰਦੀ ਰਹਿੰਦੀ ਹੈ।ਹਾਲਾਂਕਿ, ਉਨ੍ਹਾਂ ਦੀ ਨਵੀਂ ਵੀਡੀਓ ਨੇ ਉਨ੍ਹਾਂ ਦੇ ਫੈਨਜ਼ ਨੂੰ ਚਿੰਤਤ ਕਰ ਦਿੱਤਾ ਕਿਉਂ ਕਿ ਕਾਮੇਡੀਅਨ ਨੇ ਇਸ ਨੂੰ ਹਸਪਤਾਲ ਦੇ ਕਮਰੇ ਦੇ ਅੰਦਰ ਰਿਕਾਰਡ ਕੀਤਾ ਹੈ, ਜਿਸ ‘ਚ ਉਨ੍ਹਾਂ ਦੇ ਹੱਥ ਤੇ ਆਈਵੀ ਡ੍ਰਿਪ ਲੱਗੀ ਹੋਈ ਸੀ।
ਵਲਾਗ ‘ਚ ਭਾਰਤੀ ਨੇ ਖੁਲਾਸਾ ਕੀਤਾ ਕਿ ਉਹ ਪਿਛਲੇ ਕੁਝ ਦਿਨਾਂ ਤੋਂ ਗੰਭੀਰ ਪੇਟ ਦਰਦ ਤੋਂ ਪੀੜਤ ਸੀ, ਪਰ ਉਨ੍ਹਾਂ ਨੇ ਇਸ ਨੂੰ ਐਸਿਡਿਟੀ ਸਮਝ ਕੇ ਨਜ਼ਰਅੰਦਾਜ ਕਰ ਦਿੱਤਾ।ਹਾਲਾਂਕਿ, ਜਦੋਂ ਉਨ੍ਹਾਂ ਦਾ ਦਰਦ ਅਸਹਿਣਯੋਗ ਹੋ ਗਿਆ ਤਾਂ ਉਹ ਡਾਕਟਰ ਦੇ ਕੋਲ ਗਈ ਅਤੇ ਉਦੋਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਗਾਲ ਬਲੈਡਰ ‘ਚ ਪੱਥਰੀ ਹੈ।ਉਨ੍ਹਾਂ ਨੇ ਕਿਹਾ ਕਿ ਹੁਣ ਉਹ ਇਸ ਸਮੱਸਿਆ ਦੇ ਇਲਾਜ ਲਈ ਆਪਰੇਸ਼ਨ ਕਰਵਾਏਗੀ।ਇਹ ਖਬਰ ਸੁਣ ਕੇ ਭਾਰਤੀ ਦੇ ਫੈਨਜ਼ ਕਾਫੀ ਚਿੰਤਤ ਹੋ ਗਏ ਤੇ ਉਨ੍ਹਾਂ ਦੇ ਬਿਹਤਰ ਸਿਹਤਦੀ ਕਾਮਨਾ ਕਰ ਰਹੇ ਹਨ।
ਵਲਾਗ ਦੇ ਅੰਤ ‘ਚ ਭਾਰਤੀ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਦੱਸਦੀ ਨਜ਼ਰ ਆਈ ਹੈ ਕਿ ਉਹ ਆਪਣੇ ਦੋ ਸਾਲ ਦੇ ਬੇਟੇ ਗੋਲਾ ਨੂੰ ਕਿੰਨਾ ਯਾਦ ਕਰਦੀ ਹੈ ਤੇ ਉਹ ਬੱਸ ਉਸਦੇ ਕੋਲ ਘਰ ਵਾਪਸ ਜਾਣਾ ਚਾਹੁੰਦੀ ਹੈ।ਇਸਦੇ ਬਾਅਦ ਉਹ ਕੈਮਰੇ ‘ਤੇ ਰੋ ਪਈ ਤੇ ਕਿਹਾ ਕਿ ਜਦੋਂ ਤੋਂ ਉਨ੍ਹਾਂ ਦਾ ਬੇਟਾ ਪੈਦਾ ਹੋਇਆ ਉਦੋਂ ਤੋਨ ਉਨ੍ਹਾਂ ਨੇ ਉਸਨੂੰ ਰਾਤ ਨੂੰ ਕਦੇ ਇਕੱਲਾ ਨਹੀਂ ਛੱਡਿਆ ਹੈ।
