ਵਿਦੇਸ਼ਾਂ ਤੋਂ ਰੋਜ਼ ਹੀ ਮੰਦਭਾਗੀ ਖਬਰ ਆਉਂਦੀ ਹੈ। ਕਰਨਾਲ ਦਾ ਇੱਕ ਨੌਜਵਾਨ ਆਪਣੇ ਦੋਸਤਾਂ ਨਾਲ ਝੀਲ ਵਿਚ ਨਹਾਉਣ ਗਿਆ ਪਰ ਉਸਦੀ ਡੁੱਬਣ ਕਾਰਨ ਮੌਤੇ ਹੋ ਗਈ ਹੈ। ਪਰਿਵਾਰ ਦਾ ਰੋ-ਰੋ ਕੇ ਬੁਰਾ ਹਾਲ ਹੋਇਆ ਪਿਆ ਹੈ।
ਜਾਣਕਾਰੀ ਅਨੁਸਾਰ 17 ਸਾਲਾ ਏਕਮਪ੍ਰੀਤ ਨੂੰ ਉਸ ਦੇ ਪਰਿਵਾਰ ਨੇ ਵੱਡੀਆਂ ਉਮੀਦਾਂ ਅਤੇ ਸੁਪਨਿਆਂ ਨਾਲ ਅਮਰੀਕਾ ਭੇਜਿਆ ਸੀ। ਤਾਂ ਜੋ ਉਹ ਆਪਣੀ ਜ਼ਿੰਦਗੀ ਨੂੰ ਬਿਹਤਰ ਬਣਾ ਸਕੇ, ਨਾਲ ਹੀ ਆਪਣੇ ਪਰਿਵਾਰ ਨੂੰ ਵੀ ਕੁਝ ਵਾਪਸ ਭੇਜ ਸਕੇ। ਏਕਮ ਪ੍ਰੀਤ 15 ਮਹੀਨੇ ਪਹਿਲਾਂ ਅਮਰੀਕਾ ਗਿਆ ਸੀ, ਉਸਦੇ ਪਰਿਵਾਰ ਨੇ ਰਿਸ਼ਤੇਦਾਰਾਂ ਤੋਂ ਪੈਸੇ ਉਧਾਰ ਲੈ ਕੇ ਲੱਖਾਂ ਰੁਪਏ ਲਗਾ ਕੇ ਏਕਮ ਨੂੰ ਭੇਜ ਦਿੱਤਾ ਸੀ, ਏਕਮ ਦਾ ਵਰਕ ਪਰਮਿਟ ਜਲਦੀ ਹੀ ਆਉਣ ਵਾਲਾ ਸੀ, ਉਹ ਫਿਰ ਉੱਥੇ ਕੰਮ ਕਰਨ ਲਈ ਕੋਈ ਦਿੱਕਤ ਨਹੀਂ ਆਵੇਗੀ। ਪਰ ਕੁਦਰਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ।
ਬੀਤੇ ਦਿਨੀਂ ਏਕਮ ਆਪਣੇ ਦੋ ਦੋਸਤਾਂ ਨਾਲ ਝੀਲ ‘ਚ ਨਹਾਉਣ ਗਿਆ। ਜਿਨ੍ਹਾਂ ‘ਚੋਂ ਇਕ ਕਰਨਾਲ ਦੇ ਪਿੰਡ ਜਲਮਾਣਾ ਦਾ ਰਹਿਣ ਵਾਲਾ ਮਹਿਤਾਬ ਸੀ। ਦੋ ਦੋਸਤ ਏਕਮ ਅਤੇ ਮਹਿਤਾਬ ਝੀਲ ਵਿੱਚ ਨਹਾ ਰਹੇ ਸਨ ਅਤੇ ਇੱਕ ਦੋਸਤ ਬਾਹਰ ਖੜਾ ਸੀ। ਫਿਰ ਝੀਲ ‘ਚ ਨਹਾ ਰਹੇ ਦੋਸਤ ਡੁੱਬਣ ਲੱਗਦੇ ਹਨ, ਮਹਿਤਾਬ ਨੂੰ ਬਾਹਰ ਕੱਢ ਕੇ ਹਸਪਤਾਲ ‘ਚ ਦਾਖਲ ਕਰਵਾਇਆ ਜਾਂਦਾ ਹੈ, ਜਦੋਂ ਕਿ ਏਕਮ ਨਹੀਂ ਮਿਲਦਾ ਅਤੇ ਉਸ ਦੀ ਭਾਲ ਕੀਤੀ ਜਾਂਦੀ ਹੈ। ਕੁਝ ਦੇਰ ਬਾਅਦ ਏਕਮਪ੍ਰੀਤ ਦੀ ਲਾਸ਼ ਬਰਾਮਦ ਹੁੰਦੀ ਹੈ। ਏਕਮਪ੍ਰੀਤ ਅਮਰੀਕਾ ‘ਚ ਆਪਣੇ ਰਿਸ਼ਤੇਦਾਰਾਂ ਨਾਲ ਰਹਿੰਦਾ ਸੀ।
