ਬਿਹਾਰ ਤੋਂ ਇੱਕ ਅਜੀਬੋ ਗਰੀਬ ਮਾਮਲੇ ਸਾਹਮਣੇ ਆਇਆ ਹੈ ਜਿੱਥੇ ਇੱਕ ਸ਼ਖਸ਼ ਨੂੰ ਮ੍ਰਿਤਕ ਮੰਨ ਕੇ ਪੋਸਟਮਾਰਟਮ ਦੀ ਤਿਆਰੀ ਸ਼ੁਰੂ ਹੋ ਗਈ ਸੀ।ਉਦੋਂ ਹੀ ਅਚਾਨਕ ਮ੍ਰਿਤਕ ਉੱਠ ਖੜ੍ਹਾ ਹੋਇਆ, ਜਿਸ ਕਾਰਨ ਉਥੇ ਮੌਜੂਦ ਲੋਕ ਹੈਰਾਨ ਅਤੇ ਪ੍ਰੇਸ਼ਾਨ ਹੋ ਗਏ।ਹੁਣ ਇਹ ਮਾਮਲਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।ਦਰਅਸਲ ਇਹ ਮਾਮਲਾ ਬਿਹਾਰ ਸ਼ਰੀਫ ਦੇ ਸਦਰ ਹਸਪਤਾਲ ਦਾ ਦੱਸਿਆ ਜਾ ਰਿਹਾ ਹੈ।ਇੱਥੇ ਹਸਪਤਾਲ ਦੀ ਪਹਿਲੀ ਮੰਜ਼ਿਲ ‘ਤੇ ਬਣੇ ਟਾਇਲਟ ਦਾ ਦਰਵਾਜ਼ਾ ਕਾਫੀ ਸਵੀਪਰ ਨੂੰ ਇਸ ਗੱਲ ‘ਤੇ ਸ਼ੱਕ ਹੋ ਗਿਆ।
ਦਰਵਾਜ਼ਾ ਕਾਫੀ ਦੇਰ ਤੋਂ ਬੰਦ ਹੋਣ ਕਾਰਨ ਸਵੀਪਰ ਨੂੰ ਕਿਸੇ ਅਣਸੁਖਾਵੀਂ ਘਟਨਾ ਦਾ ਡਰ ਸਤਾਉਣ ਲੱਗਾ।ਅਜਿਹੇ ‘ਚ ਡਰੇ ਹੋਏ ਸਵੀਪਰ ਨੇ ਤੁਰੰਤ ਪੁਲਿਸ ਨੂੰ ਸੂਚਨਾ ਦਿੱਤੀ।ਸੂਚਨਾ ਮਿਲਦੇ ਹੀ ਪੁਲਸ ਮੌਕੇ ‘ਤੇ ਪਹੁੰਚੀ ਅਤੇ ਦਰਵਾਜ਼ਾ ਤੋੜ ਕੇ ਅੰਦਰ ਦਾਖਲ ਹੋ ਗਈ।ਪੁਲਿਸ ਨੇ ਇਕ ਸ਼ਖਸ਼ ਨੂੰ ਫਰਸ਼ ‘ਤੇ ਬੇਹੋਸ਼ ਪਿਆ ਦੇਖਿਆ।ਇਸ ਤੋਂ ਬਾਅਦ ਪੁਲਿਸ ਕਰਮਚਾਰੀਆਂ ਅਤੇ ਸਿਹਤ ਕਰਮਚਾਰੀਆਂ ਨੇ ਉਸਦੀ ਨਬਜ਼ ਦੇਖੀ ਅਤੇ ਉਸ ਨੂੰ ਮਰਿਆ ਹੋਇਆ ਸਮਝ ਲਿਆ।
ਲਾਸ਼ ਲਈ ਸਟ੍ਰੈਚਰ ਕੀਤਾ ਗਿਆ ਤਿਆਰ: ਦੇਖਦੇ ਹੀ ਦੇਖਦੇ ਹਸਪਤਾਲ ਦੇ ਟਾਇਲਟ ‘ਚ ਲਾਸ਼ ਮਿਲਣ ਦੀ ਖ਼ਬਰ ਅੱਗ ਦੀ ਤਰ੍ਹਾਂ ਫੈਲ ਗਈ।ਟਾਇਲਟ ਦੇ ਨੇੜੇ ਤੇੜੇ ਹੌਲੀ ਹੌਲੀ ਭੀੜ ਲੱਗਣੀ ਸ਼ੁਰੂ ਹੋ ਗਈ।ਇੰਨਾ ਹੀ ਨਹੀਂ ਪੁਲਿਸ ਵੀ ਬੇਹੋਸ਼ ਸ਼ਖਸ਼ ਨੂੰ ਮ੍ਰਿਤਕ ਮੰਨ ਕੇ ਐਫਐਸਐਲ ਟੀਮ ਦਾ ਇੰਤਜ਼ਾਰ ਕਰਨ ਲੱਗੀ।
ਟਾਇਲਟ ‘ਚ ਪਏ ਮ੍ਰਿਤਕ ਸ਼ਖਸ਼ ਦੀ ਜਾਣਕਾਰੀ ਜਦੋਂ ਸਿਵਲ ਸਰਜਨ ਡਾਕਟਰ ਜਿਤੇਂਦਰ ਕੁਮਾਰ ਸਿੰਘ ਨੂੰ ਲੱਗੀ ਤਾਂ ਉਹ ਵੀ ਉਸ ਨੂੰ ਦੇਖਣ ਪਹੁੰਚੇ।ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਬਿਨ੍ਹਾਂ ਨਬਜ਼ ਦੇਖੇ ਹੀ ਸ਼ਖਸ ਨੂੰ ਮ੍ਰਿਤਕ ਮੰਨ ਲਿਆ ਅਤੇ ਪੋਸਟਮਾਰਟਮ ਹਾਊਸ ਲਿਜਾਉਣ ਦਾ ਆਦੇਸ਼ ਦੇ ਦਿੱਤਾ।ਇਸ ਤੋਂ ਬਾਅਦ ਸਟ੍ਰੈਚਰ ਲਿਆਂਦਾ ਗਿਆ ਅਤੇ ਪੋਸਟਮਾਰਟਮ ਦੀ ਤਿਆਰੀ ਕੀਤੀ ਜਾਣ ਲੱਗੀ।
ਪੋਸਟਮਾਰਟਮ ਦੀ ਭਣਕ ਲੱਗਦੇ ੳੇੁੱਠ ਖੜ੍ਹਾ ਹੋਇਆ ਸ਼ਖਸ਼: ਹਾਲਾਂਕਿ ਇਸ ਤੋਂ ਬਾਅਦ ਹੋ ਹੋਇਆ ਉਸ ਨਾਲ ਹਰ ਕੋਈ ਹੈਰਾਨ ਰਹਿ ਗਿਆ।ਪੋਸਟਮਾਰਟਮ ਦੀ ਗੱਲ ਨਾ ਜਾਣੇ ਕਿਵੇਂ ਬੇਹੋਸ਼ ਪਏ ਸ਼ਖਸ਼ ਦੇ ਕੰਨਾਂ ਤੱਕ ਪਹੁੰਚੀ।ਇਸ ਦੌਰਾਨ ਉਸ ਨੂੰ ਭਣਕ ਲੱਗੀ ਕਿ ਹਰ ਕੋਈ ਉਸ ਨੂੰ ਮਰਿਆ ਹੋਇਆ ਸਮਝ ਰਿਹਾ ਹੈ।ਇਸ ਗੱਲ ਦੇ ਸਮਝਦੇ ਹੀ ਬਿਨ੍ਹਾਂ ਦੇਰੀ ਕੀਤੇ ਬੇਹੋਸ਼ ਪਿਆ ਸ਼ਖਸ ਉੱਠ ਕੇ ਖੜ੍ਹਾ ਹੋ ਗਿਆ।ਇਹ ਪੂਰਾ ਨਜ਼ਾਰਾ ਦੇਖ ਉਥੇ ਮੌਜੂਦ ਪੁਲਿਸ ਕਰਮੀ, ਸਿਵਲ ਸਰਜਨ ਤੋਂ ਲੈ ਕੇ ਭੀੜ ਤੱਕ ਹੈਰਾਨ ਰਹਿ ਗਈ।
