ਦੁਨੀਆਂ ਵਿੱਚ ਅਕਸਰ ਲੋਕ ਗਰੀਬੀ ਤੋਂ ਪ੍ਰੇਸ਼ਾਨ ਹੋ ਕੇ ਅਮੀਰ ਬਣਨ ਦਾ ਕੋਈ ਸੌਖਾ ਤਰੀਕਾ ਅਪਣਾਉਂਦੇ ਹਨ ਤੇ ਅਮੀਰ ਬਣਨ ਦਾ ਸਭ ਤੋਂ ਸੌਖਾ ਤਰੀਕਾ ਹੈ ਲਾਟਰੀ ਪਰ ਕਈ ਵਾਰ ਇਹ ਤਰੀਕਾ ਪੈਸੇ ਉਜਾੜਨ ਦਾ ਸਾਧਨ ਹੀ ਬਣਕੇ ਰਹਿ ਜਾਂਦਾ ਹੈ ਪਰ ਕਈ ਵਾਰ ਇਹ ਤੁੱਕਾ ਤੀਰ ਬਣਕੇ ਸਹੀ ਟਿਕਾਣੇ ‘ਤੇ ਵੀ ਲੱਗ ਜਾਂਦਾ ਹੈ ਅਤੇ ਲਾਟਰੀ ਨਿਕਲਣ ਵਾਲੇ ਦੀ ਕਿਸਮਤ ਚਮਕ ਜਾਂਦੀ ਹੈ। ਦੱਸ ਦੇਈਏ ਕਿ ਅਜਿਹੀ ਹੀ ਕਿਸਮਤ ਇੱਕ ਪੰਜਾਬ ਦੇ ਨੂਰਪੁਰਬੇਦੀ ਦੇ ਪਰਿਵਾਰ ਦੀ ਚਮਕੀ ਹੈ।
ਜਾਣਕਾਰੀ ਮੁਤਾਬਿਕ ਇਸ ਪਰਿਵਾਰ ਦੀ ਲੋਹੜੀ ਬੰਪਰ ਵਿਚੋਂ 10 ਕਰੋੜ ਦੀ ਲਾਟਰੀ ਨਿਕਲੀ ਹੈ। ਨੂਰਪੁਰਬੇਦੀ ਦੇ ਪਿੰਡ ਬੜਵਾ ਦੇ ਹਰਭਿੰਦਰ ਸਿੰਘ ਦੀ ਖੁਸ਼ੀ ਦਾ ਉਸ ਵੇਲੇ ਟਿਕਾਣਾ ਨਹੀਂ ਰਿਹਾ ਜਦੋ ਉਹਨਾਂ ਨੂੰ ਪਤਾ ਲੱਗਾ ਕਿ ਉਸਦੀ 10 ਕਰੋੜ ਦੀ ਲਾਟਰੀ ਨਿਕਲੀ ਹੈ।
ਦੱਸ ਦੇਈਏ ਕਿ ਹਰਭਿੰਦਰ ਸਿੰਘ ਪਹਿਲਾਂ ਦੁਬਈ ਵਿੱਚ ਦ੍ਰਵਰੀ ਦਾ ਕੱਮ ਕਰਦਾ ਸੀ ਅਤੇ ਕੁਝ ਕਾਰਨਾਂ ਕਰਕੇ ਥੋੜਾ ਸਮਾਂ ਪਹਿਲਾਂ ਹੀ ਪੰਜਾਬ ਵਾਪਿਸ ਆਇਆ ਸੀ। ਬੀਤੇ ਦਿਨੀਂ ਹੀ ਉਸਨੇ ਲੋਹੜੀ ਤੋਂ ਪਹਿਲਾਂ ਰੋਪੜ ਦੇ ਅਸ਼ੋਕਾ ਲਾਟਰੀ ਸਟਾਲ ਤੋਂ 500 500 ਦੀਆਂ ਦੋ ਲਾਟਰੀ ਦੀਆਂ ਟਿਕਟਣਾ ਖਰੀਦੀਆਂ ਸਨ।
ਇਸ ‘ਤੇ ਹਰਭਿੰਦਰ ਸਿੰਘ ਅਤੇ ਉਸਦੇ ਪੁੱਟ ਦਵਿੰਦਰ ਸਿੰਘ ਨੇ ਕਿਹਾ ਕਿ ਉਹ ਇਹਨਾਂ ਪੈਸਿਆਂ ਨਾਲ ਕੋਈ ਚੰਗਾ ਕਾਰੋਬਾਰ ਸ਼ੁਰੂ ਕਰਨਗੇ ਅਤੇ ਬਾਕੀ ਪੈਸਿਆਂ ਨਾਲ ਲੋੜਵੰਦਾਂ ਦੀ ਸਹਾਇਤਾ ਕਰਨਗੇ।
